Psalm 20:1 - Edo Bible (E Baibol Ẹdo) Version 1996

¹ Te Nọyaẹnmwa gha họn urhu ruẹ vbe ẹdẹ ibaro. Te Osanobua Jekọb gha de gue ruẹ.

Psalm 20:1 ပူးပေါင်းရင်းမြစ်များ

Psalm 114:2

E Juda keghi khian emwa ni huanrẹn ọghe Nọyaẹnmwa, Izrẹl keghi khian emwi obọ ẹre.

Psalm 138:7

Ibaro gha gba ogba ga mwẹ, wẹ ghi ye rhie mwẹ mwẹ vbe ai mwẹ ẹbe. U gu avbe eghian mwẹ ne ohu mu gbinna, u keghi ya ẹtin ruẹn miẹn mwẹ fan.

Psalm 18:2

Nọyaẹnmwa ọrọre ne ọ degue mwẹ, rẹn ọrọre owa ọkhẹ mwẹ ne ọ wegbe. Osanobua mwẹ ọrọre ne ọ rhie mwẹ lẹre I gha rre ehe ne ọ ye, ẹbe ighi rrọ mẹ. Ọ degue mwẹ zẹ vbe asa. Ọ gbinna mẹ, ọ keghi wan ẹbe yo mẹ.

Psalm 41:1

Afiangbe nọ ne ọmwa ne ọ mu ọghe ovbiogue ro; e Nọyaẹnmwa gha ye iran obọ vbe ẹghẹ ibaro.

Psalm 46:1

Osanobua ọrọre ugue kevbe ẹtin mwa, ọ mu egbe vbe ẹghẹ hia ne ọ ya ru iyobọ vbe ẹghẹ ukpokpo.

Psalm 46:11

E Nọyaẹnmwa ne Oghodua rrọ yaba mwa Osanobua Jekọb ọrọre ugue mwa.

Psalm 46:7

E Nọyaẹnmwa ne Oghodua gu ima rrọọ Osanobua Jekọb ọrọre ugue ne ima.

Psalm 50:5

Rẹn keghi kha wẹẹ, “Wa si avbe emwa ni guobọ mwẹ koko ye ehe ne I ye, iran ni zọ ese ya gun mwẹ ta ile.”

Psalm 60:11

Yi ima obọ gu avbe eghian ni gbinna; kẹkan ọ re iyobọ ọmwa nagbọn khin.

Psalm 83:18

Te iran gha rẹn wẹ wẹ ọkpa ọrọre Nọyaẹnmwa, ne ọ khaemwisẹ yan emwi hia, ni rre otọ agbọn.

Psalm 9:10

Nọyaẹnmwa, iran ni rẹn ruẹn gha mu ẹtin yan ruẹn. Wẹ i fi iyeke gbe ọmwaikọmwa, ne ọ lẹ bu ruẹ rre.

Itan 18:10

Te Nọyaẹnmwa ye vbe owa ọkhẹ ne ọ wegbe, ehe ne emwa esi gha lẹ fi, iran ghi vbe miẹn uhunmwu.

Aizaia 50:10

Wa hia ni ya ọghọ ne Nọyaẹnmwa ni vbe ya ẹmwẹ avbe eguọmwadia ẹre ru emwi, odẹ ne uwa la khian sẹtin wa gele so ebiebi sokpan wa ya egbe yan e Nọyaẹnmwa, wa mu ẹtin uwa yan Osanobua uwa.

Jerimaia 30:7

Ẹdẹ ohan wa dee; a i miẹn ẹdẹ ne a ya gie ẹre, ẹghẹ akhiẹ nọ ne emwa mwẹ, sokpan iran gha miẹn uhunmwu vbọ.”

Hibru 5:7

Vbe ẹghẹ ne Jesu na gha rre agbọn na, utumwẹ nọkhua kevbe ameve ọre ọ ya gha nọ emwi vbe obọ Osanobua ne ọ gha sẹtin fan irẹn ye otọ vbe obọ uwu. Rhunmwuda ighẹ ọ mu egbe rri otọ ọ keghi vbe mu aro yọ. Osanobua keghi họn erhunmwu ẹnrẹn.