Psalm 2:7 - Edo Bible (E Baibol Ẹdo) Version 1996

⁷ Ọba khare wẹẹ, “Mẹ gha wewe ẹmwẹ ne Nọyaẹnmwa tama mwẹ. Rẹn khama mwẹ wẹẹ, ‘Wẹ ọrọre ovbi mwẹ, ẹrẹ ọ re imẹ khian erhaa.

Psalm 2:7 ပူးပေါင်းရင်းမြစ်များ

II Samuẹl 7:14

Mẹ gha re erha ẹe, rẹn ghi vbe gha re ovbi mwẹ. Ọ gha ba emwi ku ru, I ghi rri ọre oya zẹ vbene erha rri ovbi ẹre oya.

Job 23:13

“Rẹn i fi werriẹ, a i miẹn ne ọ sẹtin gu ẹe vẹn. Ra ne ọ da ẹre obọ emwi ne ọ ho ne ọ ru yi.

Psalm 148:6

zẹ vbene ọ tae, a keghi rhie dọmwadẹ ọghọe ye ihe ẹre ọghe etẹbitẹ, iran i sẹtin fieghe uhunmwu.

Psalm 89:27

I gha ya ẹe ru ovbi mwẹ nokpia ne ọdiọn, ne ọ kpọlọ sẹ vbe uwu avbe ọba hia.

Aizaia 46:10

Vbe omuhẹn, ọ re I na taa emwi ne ọ gha kiekie ẹre, vbe ẹghẹ ne ọ kpẹe fua, I taa emwi ne ọ gha sunu yotọ nẹ. I khare wẹ, emwi ne I mwamwaẹn ne I ru, te ọ gba te I ru emwi hia ni rrọ mwẹ ekhọe ne I ru.

Matiu 16:16

Saimọn Pita wanniẹn wẹẹ, “Wẹ ọrọre Mẹzaia, ovbi Osanobua ne ọ rrọọ.”

Matiu 17:5

Vbene ọ wa guan ni, okuku ne ọ fi wain wain keghi rhu gue iran, urhu ọkpa keghi ke uwu okuku nii guan ladian wẹẹ, “Ọna ọre ovbi mwẹ ne I ho ẹmwẹ ọnrẹn kevbe ne ọ ghan, wa danmwehọ ẹre.”

Matiu 3:17

Urhu ọkpa keghi ke ẹrinmwi rre wẹẹ, “Ọna ọre ovbi mwẹ ni ho ẹmwẹ ọnrẹn, ọmwa ne ekhọe mwẹ rhiẹnrhiẹn ghe ẹsẹsẹmwẹse.”

Matiu 8:29

Iran keghi datu vbe udomwurri wẹẹ, “Vbọ kan ima kan ruẹn yi, wẹ ne Ovbi Osanobua? Te u rre do rri ima oya khẹ ọ dee ra?”

Iyẹn ne ọ Maan Ọghe Jọn 1:14

Nene Ẹmwẹ ne a guan keghi khian ọmwa ne agbọn, ọ keghi do gu ima gha rrọọ. Ma miẹn uyi ẹre, ọ vuọn ne ẹsọhẹ kevbe ẹmwata. Ọ na kegha re uyi ne a rhie nẹẹn zẹ vbe ukpọmọkpa kẹkan ne Evbavba mwẹ.

Iyẹn ne ọ Maan Ọghe Jọn 1:18

Ọmwa ọkpa i rrọ ne ọ he bẹghe Osanobua aro ẹdẹ, rẹn ọkpa kẹkan ne ọ re emwi ne Osanobua vbe khin, kevbe ne ọ vbe diake Evbavba, ọre ọ rhie ẹre ma emwa.

Iyẹn ne ọ Maan Ọghe Jọn 3:16

Rhunmwuda Osanobua ho ẹmwẹ agbọn na sẹrriọ zẹẹ ọ na rhie Ovbi ẹre ukpọmọkpa ne ọmwa, ne ọmwaikọmwa ne ọ rhirhi ya ẹe yi ghẹ wirua, sokpan ne ọ gha mwẹ ẹfe ne ẹ i mwẹ ọfo.

Iwinna 8:36

Vbene iran khian vbe odẹ nii, iran keghi do sẹ ihe ọkpa ne amẹ ye, ọka iwinna ni keghi kha wẹẹ, “Ghe amẹ vbe emwa na, de emwi ne ọ gha zẹ ne a i ra na sa amẹ mẹ nian?” [

Ebe ne Pọl gbẹẹn gie emwa Rom 1:4

Zẹ vbe ọghe uhuanmwẹ ọnrẹn ke ẹrinmwi re, a keghi ya ẹtin nọkhua rhie maa ighẹ Ovbi Osanobua nọ vbe ekpa ne a na huẹn ọẹn kpao vbe idin orinmwi.

Hibru 3:6

Sokpan Kristi kegha re ne ọ gia mu ẹtin yan, zẹ vbe Ọmọ ne a gbe aro ghe owa erha ẹe. Ma na ọrọre owa ẹre, a deghẹ ma ya obọ da ẹtin mwa kevbe a muẹtinyan mwa yi mwẹ, vbe ọghe emwi ne ima mwẹ idanmwehọ ẹre.

Hibru 5:5

Erriọ vbe nọ zẹẹ, ẹ i re te Jesu wa tobọ ẹre tọn uyi ogie ohẹn mu yan egbe ẹre. Sokpan te Osanobua tama rẹn wẹẹ “Ovbi mwẹ ọre u khin, Ẹdẹnẹrẹ na I khian Erha a.”

Hibru 5:8

A gha rhe miẹn wẹ, Ovbi Osanobua ọre irẹn gha khin sẹ evba, te ọ ye la ekpa oya ne ọ re ruẹ, vbe ne a họn ẹmwẹ hẹẹ.