Psalm 19:9 - Edo Bible (E Baibol Ẹdo) Version 1996

⁹ Ugamwẹ e Nọyaẹnmwa maa te ọ khian gha rrọọ ẹdẹdẹmwẹdẹ. Ẹmwata ọ re avbe ibu ohiẹn e Nọyaẹnmwa khin; emwi ne a ru ẹse wa nọ ẹghẹ hia.

Psalm 19:9 ပူးပေါင်းရင်းမြစ်များ

Gẹnẹsis 22:12

Rẹn tama rẹn wẹẹ, “Ghẹ kuan ọmọ nii egbe, ghẹ vbe ru ẹre emwi rhọkpa.” I rẹnrẹn nian wẹẹ, “U mu egbe ne u ya gha hẹnmwẹ ne Osanobua, rhunmwuda, u ma gun mwẹ sinmwi ovbuẹ ne ukpọmọkpa.”

Gẹnẹsis 42:18

Ọ ghi sẹ ikpẹdẹ ne ogieha e Josẹf keghi tama iran wẹẹ, “Osanobua ọ re I ga, wa gha miẹn uhunmwu a deghẹ wa ru vbenian.

I Ọba 18:12

A deghẹ I ghi kpao nẹ orhiọn e Nọyaẹnmwa tọ ọn mu gha rrie ehe ne a ma rẹn vbo? Ẹghẹ nii, mẹ gha ghi tama Ehab ighẹ u rre emwa, ighẹ rẹn ma ghi miẹn ọn, ọ ghi gbe mwẹ uan. Yerre wẹ, ke ẹghẹ ọvbokhan mwẹ gha dee, ekhọe ọ re I ya ga e Nọyaẹnmwa.

Nehimaia 5:15

Iran hia ni gha re ne ọkhaemwisẹ ọ te do sẹ mwẹ egbe, ihẹ ọ re iran gha khin ne emwa nii, iran kegha miẹn iran igho esiliva iyeva vbe ẹdẹ zẹ vbe igho evbare kevbe ọghe ayọn. Uhin ighẹ te eguọmwadia iran gha sẹ emwa ni usẹ. Sokpan, I ma ru vberriọ, rhunmwuda, te I ya ọghọ ne Osanobua.

Psalm 10:5

Ọmwa dan wa miẹn ọ dunnaẹn vbe emwi ne ọ ru hia, ẹi sẹtin rẹn otọ ibuohiẹn Osanobua. Te ọ ghe avbe eghian rẹn, silaa.

Psalm 111:10

A rhie ọghọ ne Nọyaẹnmwa ọ re ọ ye ọmwa wan. Ọ rhie irẹnmwi ẹmwata ne iran ni rhie uhi ẹre mwẹ, te a ra gha rho ẹre rhinrin ẹdẹ.

Psalm 115:13

Ọ gha fiangbe iran hia ni ye ọghọ ne ẹẹn, ke ne ọ kpolo, kevbe ne ọ kanmwa.

Psalm 119:1

Afiangbe ọrọre ọghe iran ne uyinmwẹ ọnrẹn gbae, ni vbe yin zẹ vbene uhi e Nọyaẹnmwa khare.

Psalm 119:106

I gha mu eyan mwẹ sẹ wẹ, I gha lele igiodẹ ruẹ ọghe ẹmwata hia.

Psalm 119:111

Iyi ruẹ, ẹfe etẹbitẹ mwẹ nọ, emwi ọyẹnmwẹ uwa ọ re ọ khin mwẹ re.

Psalm 119:142

Emwata ọ re uhi ruẹ khin ẹghẹ hia.

Psalm 119:39

Miẹn mwẹ fan vbe obọ ihẹn ne ohan rẹn mu mwẹ, u miẹn vbe ibuohiẹn ruẹn re ọyunnuan hẹ!

Psalm 119:62

Vbe ogiasọn, mẹ rhiọrre ne I rho ruẹ ye ibuohiẹn ẹmwata ruẹ.

Psalm 119:7

Zẹ vbene I ruẹ ibuohiẹn ẹmwata ruẹ I gha ya ekhọe ne ọ rriẹe rho ruẹ.

Psalm 119:75

Mẹ rẹnrẹn wẹ, ẹmwata ọ re avbe ibuohiẹn ruẹn khin Nọyaẹnmwa, kevbe wẹ, te u gia mu ẹtin yan, ọ re u na gbe mwẹ hin ọkhọ rre.

Psalm 12:7

emwa dan wa gba ehe hia, emwa hia wa vbe go wan avbe emwi dan. Degue ima vbe ne ai na mwẹ ẹbe Nọyaẹnmwa. Ne u vbe viọ ima lẹre, ne egbe emwa vberriọ.

Psalm 147:19

Ọ gie uhunmwu gie emwa rẹn, igiodẹ ọre ke uhi ẹre ne ivbi Izrẹl.

Psalm 36:1

Orukhọ gu ọmwa dan guan vbe uwu ekhọe ẹre, ọ he Osanobua ye otọ, ẹi vbe ya ọghọ ne ẹẹn.

Psalm 36:6

Umamwẹ ruẹn gbe ogege vbe oke ne ọ yo. Ẹmwata ruẹ yevbe orinmwiamẹ okun, wẹ ọ re ọ gbe aro ghe emwa nagbọn kevbe avbe aranmwoha.

Ẹksọdọs 21:1

“Uhi na u ra gbe ma ivbi Izrẹl:

Itan 8:13

Ne a gha ho ẹmwẹ e Nọyaẹnmwa, ọrọre ne a gha khuiwu emwi dan. I i ho ẹmwẹ itengbemu kevbe uhiomwẹ, odẹ dan kevbe ẹmwẹ ohoghe.

Aizaia 26:8

ma lele vbene uwẹ ho, ma mwẹ idaehọ vbe uwu uwẹ, wẹ okpa ọrọre emwi ne ima ho.

Aizaia 45:19

I ma ta ẹmwẹ rhọkpa vbe ẹkhokho ra ne I rhie emwi ne I ra ru lẹre I ma kha wẹ ne ivbi Izrẹl, ya gha gualọ mwẹ vbe ehe ne ọ dihoi rua. Mẹ ọrọre Nọyaẹnmwa, ẹmwata ọ re I vbe ta; I ghi vbe gie emwa rẹn emwi ne ọ re ẹmwata.”

Iwinna 10:22

Iran wanniẹn wẹẹ, “Kọniliọs ne ọka okuo ọre ọ gie ima gha dee. ọmwa esi ne ọ ga Osanobua ọre nọ, emwa Ju hia wa ya ọghọ nẹẹn ẹsẹse. Odibo Osanobua ọkpa ọre ọ tama rẹn ne ọ gie ne a tie ruẹ gha die owa ẹre, ne ọ miẹn ehe na họn ẹmwẹ ne u mwẹ ne u gha ta ma rẹn.”

Ebe ne Pọl gbẹẹn gie emwa Rom 11:22

Emwa na ọre ima na rẹn vbene Osanobua fu hẹẹ kevbe vbene ọ vbe khọ hẹẹ, ọ keghi khọ mu iran ni dele, ọ keghi fu ne uwa a deghẹ uwa gba ọghọ ufumwẹ ọnrẹn ginna egbe, sokpan deghẹ wa ma ru vberriọ, a gha vbe giagia uwa kua.

Ebe ne Pọl gbẹẹn gie emwa Rom 2:2

Ma rẹnrẹn wẹ Osanobua gha bu ohiẹn emwa ni ru emwi vbe nian, ohiẹn ẹmwata ọre ọ buru.

Diuteronomi 4:8

Agbọn ẹvbo ọvbehe i rrọ, vbe ọ khọnrẹn wẹ ne iran kpọlọ sẹ, ne ọ mwẹ uhi ne ọ gbae ne ọ yevbe egbe ne I ma uwa ẹre ẹrẹna.

Arhie Maan 15:3

Iran kegha so ihuan e Mosis ne ọguọmwadia Osanobua kevbe ihuan ọghe Oteghe Ohuan nii. “Nọyaẹnmwa Osanobua ne Oghodua, ne ọ kpọlọ kevbe ne ọ yan ọmwa unu ọre avbe iwinna obọ ruẹ khin. Ọba avbe agbọn ẹvbo hia, ne ọ gbae kevbe ne ọ re uhunmwu ẹmwẹ ọre odẹ ruẹ hia khin.

Arhie Maan 16:7

Mẹ keghi họn vbe urhu ọkpa guan ke uwu Ogiukpo rre wẹẹ, “Nọyaẹnmwa Osanobua ne Oghodua, Ẹmwata ne uhunmwu ẹmwẹ ọre avbe ibuohiẹn ruẹn wa khin.”

Arhie Maan 19:2

Ẹmwata ne uhunmwu ẹmwẹ ọre ibuohiẹn ọnrẹn khin. Rhunmwuda rẹn bu abe gbe ẹe nẹ ighẹ ebabotu nọkhua nii ne ọ ya alama oghẹ ọre mu agbọn rhia. Osanobua rria ẹre ikhi, rhunmwuda ne ọ na gbele avbe eguọmwadia ẹre.”

I Samuẹl 12:24

Wa gha mu ohan e Nọyaẹnmwa ne uwa ya ekhọe uwa hia ya ẹko ata ga ẹe. Wa ya emwi nekhua ne ọ ru ne uwa rre.