Psalm 19:7 - Edo Bible (E Baibol Ẹdo) Version 1996

⁷ Te uhi e Nọyaẹnmwa wa gba te ọ rhie ẹtin ọgbọn ye ọmwa iwu. Iyi e Nọyaẹnmwa gia mu ẹtin yan, te ọ rhie ẹwaẹn ne iran ne ẹi te mwẹ.

Psalm 19:7 ပူးပေါင်းရင်းမြစ်များ

II Samuẹl 23:5

Erriọ ọ re Osanobua ra fiangbe uniẹn mwẹ, rhunmwuda, ọ gu imẹ ta ile ẹdẹdẹmwẹdẹ nẹ, vbene ehia na la uro, ọ vbe deziẹn. Ọnii ọ re emwi ne I ho. Ọnii ọ re ọ khian gha re akhọnmiotọ mwẹ, ẹ i mwẹ Nọyaẹnmwa ma gie ẹe sẹ.

Job 23:12

Emwi ne Osanobua tae ọ re I ru vbe ẹghẹ hia; emwi ne ọ ho ọre I ru, ẹ i re ọghomwẹ.

Psalm 111:7

Ọmwata kevbe ne ọ ta uhunmwu ẹmwẹ rẹn khin vbe emwi ne ọ ru hia; ẹmwẹ ne ọ ta hia gia mu ẹtin yan;

Psalm 119:105

Ukpa ne ọ ma mwẹ odẹ ọ re ẹmwẹ ruẹn khin, kevbe uwanmwẹ ne ọ rre odẹ mwẹ.

Psalm 119:111

Iyi ruẹ, ẹfe etẹbitẹ mwẹ nọ, emwi ọyẹnmwẹ uwa ọ re ọ khin mwẹ re.

Psalm 119:130

Irhanotọ iruẹmwi ruẹn rhie uwanmwẹ rre, ọ vbe ma iran ni ma rẹn emwi ẹwaẹn.

Psalm 119:14

Ẹko mwẹ rhiẹnrhiẹn ye ne I gha lele iyi ruẹ sẹ ne I gha mwẹ ẹfe nibun.

Psalm 119:152

Ọ kpẹre ne I ghi rẹn igiodẹ ruẹ, te uwẹ ru iran, ne iran gha rrọ ẹdẹdẹmwẹdẹ.

Psalm 119:24

Igiodẹ ruẹ ya ẹko rhiẹnrhiẹn mwẹ; iran ọrọre ne ọ bu mwẹ ude.

Psalm 119:72

Uhi ne uwẹ rhie ne emwa vuọn mwẹ aro ẹsẹse sẹ igho ni rre agbọn na hia.

Psalm 119:9

Vbe igbama gha ya sẹtin ya uyimwẹ ọnrẹn khian nọgbae hẹ? Vbekpa ne ọ na ya uhi ruẹ ru emwi.

Psalm 18:30

Osanobua na, wẹ miẹn vbe emwi ne ọ ru khuia fo hẹ! Wẹ miẹn vbe ẹmwẹ ọnrẹn gie a mu ẹtin yan hẹ! Te irẹn ye vbe asa, ne iran hia ni le gbinna ẹẹn.

Psalm 23:3

Ọ fu ekhọe mwẹ egbe rre ọ su mwẹ vbe odẹ ẹmwata, rhunmwuda eni ẹnrẹn.

Psalm 93:5

Etẹbitẹ ọ re avbe uhi ruẹ khin Nọyaẹnmwa, Ọgua Osa ruẹ, nọhuanrẹn nọ vbe ẹmwata, ẹdẹ kevbe ẹdẹdẹmwẹdẹ.

Itan 1:4

Iran gha sẹtin ye ọmwa ne ọ ma rẹn emwi rhọkpa khian ne ọ gu ẹwaẹn, ọ ghi vbe ma avbe igbama vbene a ye obọ mu hẹ.

Aizaia 8:16

Wa ne erhuanegbe mwẹ ọ re ọ ra gha siẹn ẹro ẹmwẹ ne Osanobua ta ma mwẹ.

Aizaia 8:20

Wẹ ghi zẹ wanniẹn iran wẹẹ, “Danmwehọ emwi ne Nọyaẹnmwa ma uwa ẹre! Wa ghẹ danmwehọ avbe iran ni miẹn aro, emwi ne iran ra tama uwa i mwẹ asa ne ọ ye ne uwa.”

Iyẹn ne ọ Maan Ọghe Jọn 5:39

Wa vbe tie Ebe ne ọ huanrẹn ni rhunmwuda wa ro ighẹ uwu iran ọre uwa gha na miẹn arrọọ ne ẹ i fo. Iran tobọ iran vbe sẹ osẹe mẹ.

Iwinna 10:43

Avbe akhasẹ hia ta ẹmwẹ ọnrẹn wẹ ọmwaikọmwa ne ọ rhirhi a yae yi, a gha ya orukhọ ẹre hia bọ ẹe la ekpa ẹtin eni ẹnrẹn.”

Ebe ne Pọl gbẹẹn gie emwa Rom 12:2

Wa ghẹ ya egbe ba emwi ne agbọn na ru, sokpan wa gie Osanobua fi uwa werriẹ vbe uwu egbe vbe ekpa ne ọ gha na fi ekhọe uwa werriẹ. Ẹghẹ nii wa gha na sẹtin rẹn emwi ne Osanobua ho emwi ne ọ maa, ne ọ yẹ ọre kevbe ne ọ gbae.

Ebe ne Pọl gbẹẹn gie emwa Rom 15:4

Rhunmwuda emwi hia ne a gbẹn ye nene Ebe, te a gbẹn ọẹn ne a ya ma ima emwi, ne ima sẹtin la ekpa izinebe kevbe ẹtin ne Ebe rhie ye ọmwa iwu, gha mwẹ idaehọ.

Ebe ne Pọl gbẹẹn gie emwa Rom 3:2

Ẹsẹse, vbe ẹmwata, vbe odẹ hia. Vbe ne okaro, avbe Ju ọre Osanobua rhie ẹmwẹ ọnrẹn nẹ rhie mwẹ.

Diuteronomi 32:4

“E Nọyaẹnmwa ọrọre ne ọ khọn ne uẹn nọ wegbe, nọgbae kevbe ẹmwata vbe odẹ ọ re hia; ọmwata kevbe ne ọ ta uhunmwu ẹmwẹ ẹre Osanobua rua khin; emwi ne ọ kere kene ọ maa ọ re ọ ru.

Kọlose 3:16

Wa gie ikporhu Kristi ke ẹe kevbe uvuọnmwẹ ọnrẹn gha rre ekhọe uwa. Wa gha ye ẹwaẹn ma egbe emwi, ne uwa vbe gha ya ẹe bu egbe ude. Wa gha ye Psalm so ihuan, wa gha so ihuan kevbe ihuan ni huanrẹn, wa gha ye ekhọe oghọghọ so ihuan ghe Osanobua uwa.

II Timoti 1:8

Rhunmwuda ọnii, ghẹ gie ekhue ẹmwẹ Nọyaẹnmwa ne a ta mu uẹn, erriọ, ghẹ vbe gie ekhue imẹ ne oleghan rẹn mu uẹn, sokpan vbe ghae vbe uwu oya ne a re ba ẹmwẹ nene Iyẹn Ne ọ maa zẹ vbene Osanobua rhie ẹtin nuẹn sẹ ya rriọe.

II Timoti 2:19

Sokpan, a i sẹtin mu ẹyotọ ne gbain ne Osanobua gbe rueghe, a keghi gbẹnnẹ avbe ẹmwẹ na yan rẹn wẹẹ, “Nọyaẹnmwa rẹn iran ni re ọghọe” kevbe wẹẹ, “ọmwaikọmwa ne ọ ghi tie egbe ẹre ọghe Nọyaẹnmwa nẹ, te ọ kere ne ọ zobọ vbe emwi dan ne a ru.”

Jems 1:17

Emwi ne ọ gbae, ne ọ maa, ne a ya we ọmwa hia, ke ẹrinmwi rre nọ. Obọ Osanobua ne Ayi ne ọ yi uwanmwẹ ẹrinmwi, ọ re ọ ke rre. Rẹn i fi werriẹ, ra ne ọ vbe la ekpa a fiwerriẹ si ebiebi.

Jọsua 1:8

U ghi miẹn wẹ a tie ebe uhi nii vbe uwu ugamwẹ uwa vbe ẹghẹ hia. U ghi gha ruẹ ọre asọn kevbe avan ne u vbe miẹn wẹ u ya emwi ne a gbẹnnẹ yọ hia ru emwi. Ẹghẹ nii, agbọn gha ma ruẹn, u ghi vbe gha ru ne a gban.

Arhie Maan 19:10

I keghi de fi iguẹ vbe akharha ẹre ne I ya uhunmwu rhanmwẹ otọ nẹẹn, sokpan rẹn keghi tama mwẹ wẹẹ, “Ghẹ danmwẹ ọẹn ghe, ọguọmwadia ne ihua ọre imẹ vbe khin, kevbe zẹ vbe etuẹn, iran ni ya obọ da ẹmwata ne Jesu rhie maa yi mwẹ. Ya uhunmwu rhanmwẹ otọ ne Osanobua.” Rhunmwuda, ẹmwata ne Jesu rhie maa, ọre ọ rhie ẹtin ne avbe akhasẹ.