Psalm 19:11 - Edo Bible (E Baibol Ẹdo) Version 1996

¹¹ Iran rhie irẹnmwi ne imẹ ne ọguọmwadia ruẹ, i rri ere ẹre vbe i a ya ẹe ru emwi.

Psalm 19:11 ပူးပေါင်းရင်းမြစ်များ

II Krọnikol 19:10

Ẹghẹikẹghẹ ne emwa ẹvbo na ne ihua a ya do gui ma uwa vbe ekpa izigha ọyẹvbu, ra a rra uhi, ra iyi ne ọ rhirhi a gha khin, wa ghi hẹko ma iran ẹre vbene iran gha ru hẹ vbe iran a gha gui ẹzọ nii, ne iran ghẹ ya rra uhi ọghe a rukhọ ghe Nọyaẹnmwa. Deghẹ ẹ i re te uwa ru vberriọ, wẹ kevbe emwa ẹvbo ruẹ ne ihua gha họn ẹmwẹ obọ ne ọ tọn ọghe ohu e Nọyaẹnmwa vbe egbe. Sokpan, a dẹghe wa winna iwinna uwa, wa i ra rri abe.

Psalm 119:103

A miẹn vbe igiodẹ ruẹ rhiẹnrhiẹn hẹ, ọ gele wa rhiẹnrhiẹn sẹẹ owọn.

Psalm 119:11

Mẹ rhie uhi ruẹ ye ekhọe mwẹ, ne I ghẹ miẹn ehe na rukhọ ghe ruẹ.

Psalm 119:72

Uhi ne uwẹ rhie ne emwa vuọn mwẹ aro ẹsẹse sẹ igho ni rre agbọn na hia.

Itan 11:18

Ere emwi esi okpa i rrọ ne ọmwa dan re, sokpan, u gha ru emwi esi, ẹ i mwẹ a ma san ruẹn ẹse.

Itan 24:14

erriọ ọ re ẹwaẹn vbe maa ne orhiọn. Gie ẹwaẹn gha guẹ, agbọn gha ma ruẹn.

Itan 29:18

Ẹvbo ne Osanobua i gie odẹ ma, ẹvbo ne ọ ma dehẹnhẹn nọ. Afiangbe ọrọre ọghe ọmwa ne ọ rhie uhi Osanobua lẹre.

Ezikiẹl 3:3

Ọ wẹẹ “Ovbi ọmwa, rri ebe ohian ne I rhie nuẹn na, yae vuọn ẹko ruẹ.” I keghi rrii ọe, ọ kegha rhiẹnrhiẹn zẹvbe owọn.

Matiu 3:7

Ugbẹn vbe Jọn ghi miẹn ighe avbe Farisi kevbe e Sadusi vẹ bu irẹn rre ne ọ do samẹ ne iran, ọ tama iran wẹẹ, “Wa ne ẹyẹn, gha ọ ghi giodẹ ne uwa gha na miẹn uhunmwu vbe obọ irriaikhi Osanobua ne ọ dee ma uwa yi?

Matiu 6:18

ne emwa ọvbehe ghẹ rẹn ighe aguẹ ọre u ye, na miẹn wẹ Erhaa ne a i bẹghe ọkpa ọre ọ rẹnrẹn. Erhaa ne ọ rẹn emwi ne u ru vbe ẹkhokho gha san ruẹn ẹse.

Matiu 6:4

Erhaa ne ọ bẹghe emwi ne u ru vbe ẹkhokho de ra do san ruẹ ẹse.

Matiu 6:6

Sokpan wẹ gha ra na erhunmwu, la ughugha ruẹ, khui urho, na erhunmwu ghe Erhaa ne a i bẹghe. Erhaa ne ọ bẹghe emwi ne u ru vbe ẹkhokho, gha san ruẹn ẹse.

Iwinna 20:31

Rhunmwuda ọnii, wa khẹ ye egbe, wa ghi yerre wẹ ukpo eha gbalaka ọre I ya gha ma edọmwadẹ ọghọe vbe uwu uwa emwi vbe asọn kevbe avan ke imẹ ke ameve.

I Kọrinti 4:14

Ẹ i re wẹ te I ho ne ekhue mu uwa ọre I na gbẹn ebe vbe nian gie uwa, te I ru ẹe ne I ya bu uwa ude zẹ vbe ivbi mwẹ ni ghan mẹ.

I Tẹsalonaika 5:14

Ma kakabọ tua unu muẹn ma uwa etẹn mwẹ, wa gha ye obọ sa ekhae ne iran ni si oroho, wa gha rhie udinmwẹ ne iran ni ma din, wa gha ye iran ni ma wo vbe egbe obọ, wa gha mu ẹmwẹ emwa hia wo egbe.

Hibru 11:26

Rẹn roro ẹe wẹ ne a rri oya a ye ọmwa gbe ogie rhunmwuda e Mẹzaia, ọre ọ maa sẹ ẹfe ni rre Igipt hia, rhunmwuda rẹn rhie aro ye ẹse ne a gha do san irẹn re ẹdẹ ne ọ dee.

Jems 1:25

Sokpan, ọmwa ne ọ gbe aro ke otọ ghe uhi ne ọ gbae ne ọ ya ọmwa khian nọyan egbe ẹre, ne ọ rhie ẹre ye ekhọe vbe ẹghẹ hia, ighẹ ẹ i re ne ọ gha danmwehọ nẹ, ọ mianmianẹn, sokpan ne ọ ya ẹe ru emwi, Osanobua gha fiangbe ọmwa vberriọ vbe emwikemwi ne ọ rhirhi gha ru.

II Jọn 1:8

Wa ghi khẹ yegbe nian khekherriọ, ne uwa ghẹ ya mu emwi ne uwa winna yi nẹ fua, sokpan ne ere ne ọ rrọọ sẹ uwa obọ vbe ne ọ vuọẹn.

Arhie Maan 14:13

Iyeke ọnii, I keghi họn urhu ọkpa ke ẹrinmwi rre wẹ, “Gbẹn emwi na ye otọ. Ọ maa ne iran ni wulo nẹ, iran ni gha wulo vbe uwu iwinna Nọyaẹnmwa ke eban kpao!” Orhiọn nii keghi wanniẹn wẹ, “Erriọ zẹẹ wa nọ. Iran gha ghọghọ ye ne iran na kẹtin vbe uwu iwinna ne ọ wo vbe egbe, rhunmwuda ere iwinna ne iran winnaẹn ọre iran rhie mwẹ obọ.”