Psalm 18:8 - Edo Bible (E Baibol Ẹdo) Version 1996

⁸ Ighogho vẹ ke uvun ihue ẹre ladian, aranmwẹ erhẹn ne ọ giẹn emwi uan kevbe ogiọnmwẹ erhẹn ne ọ giẹn, keghi ke unu ẹnrẹn ladian.

Psalm 18:8 ပူးပေါင်းရင်းမြစ်များ

Gẹnẹsis 19:28

Ọ ke tọn aro mu ya ghe Sọdom kevbe Gomorra kevbe iya nii hia, ọ keghi miẹn vbe ighogho gbe ke otọe nii rre zẹ vbe ighogho nọ gbe ke ogidi erhẹn rre.

Job 41:19

Ogidi erhẹn ọ re ọ ke unu ẹnrẹn ladian ogiọnmwẹ erhẹn ghigha tue yọyọyọ ladian.

Psalm 104:32

Rẹn gbe aro ghe otọe, otọe kegha guọ, ọ ya obọ kan avbe oke, ehia keghi tue ighogho ladian.

Psalm 11:6

Ọ ghi rhurhẹ erhẹn ẹyin ne ọ giẹn kevbe isonwẹn ne ọ tọn yan emwa dan. Ọ ya ẹhoho ne ọ tọn rri iran oya.

Psalm 21:9

Ọ gha fuẹn iran hia a zẹvbe okperhẹn, vbe irẹn a ladian. Nọyaẹnmwa gha fuẹn iran an vbe ohu ẹre, erhẹn gha giẹn iran an.

Psalm 50:3

Osanobua mwa dee sokpan, ẹ i ra do rre okperhẹn ne ọ giẹn emwi hia rre odaro ẹre okpẹhoho ne ọ dunmwu emwi hia lẹga ẹre.

Psalm 74:1

Vbọzẹ ne u na sẹ ima rae vbenian yi Osanobua? U gha wa mu ohu ghe emwa ruẹn rhinrin ẹdẹ ra?

Aizaia 24:18

Ọmwa ne ọ wẹ rẹn ra lẹ ne ugborrirri nii, gha de ye uvun, ọmwa ne ọ vbe lẹ hin obọ uvun rre, ọ ghi de ye ifi. Okpamẹ nọkhua gha gbefua ke iso rre, ẹyotọ agbọn gha vbe mu rueghe.

Daniẹl 7:10

Aranmwẹ erhẹn keghi ba kọe ladian. Arhunmwu arriaisẹn nibun kegha rre evba ne iran gha gae, arhunmwu arriaisẹn arriaisẹn nibun keghi mudia ye odaro ẹre. Iko ibuohiẹn nii keghi suẹn iwinna, a na we avbe ebe.

Levitikọs 10:2

Sokpan erhẹn nii ma huan, rhunmwuda ọnii, e Nọyaẹnmwa keghi gie erhẹn gie iran, ọ keghi giẹn iran wu la ẹrinmwi vbe odaro e Nọyaẹnmwa.

Emọs 4:11

“I fuẹn eso vbe uwu uwa a, zẹ vbene I fuẹn Sọdom kevbe Gomorra, wa ni miẹn uhunmwu vbọ keghi yevbe ovbi erhan ne ọ giẹn khian, a keghi rhie ẹre hin erhẹn rre. Sevba, wa ma ye bu mwẹ rre,” erriọ Nọyaẹnmwa khare.

Nọmbas 11:1

Emwa nii keghi suẹn gha zuyọn ma e Nọyaẹnmwa vbe ekpa emwi ni ruan iran, ugbẹn vbe Nọyaẹnmwa ghi họn, ohu mu ẹẹn, ọ na gie erhẹn la uwu ẹbu iran ọ kegha giẹn vbe uwu ẹbu iran, ọ na rhia obọ ọkpa rua vbe agọ nii.

Nọmbas 16:35

E Nọyaẹnmwa keghi gie erhẹn ne ọ giẹn iran an ighẹ iran ekigbe siyeha yan uri (250) ni viọ eturari ni rre.

Diuteronomi 29:20

Nọyaẹnmwa i ra yabọ ọmwa vberriọ. Sokpan, izohu ne ọ tọn ọghe Nọyaẹnmwa gha baa yan rẹn, ọkhọ hia ne a gbẹnnẹ ye ebe na ghi rruan rẹn rhinrin e Nọyaẹnmwa te fuẹn iran hin otọe agbọn na rre.

Arhie Maan 11:5

A deghẹ ọmwaikọmwa te ho ne ọ ru iran emwi, erhẹn ghi ke uwu unu iran ladian, ọ ghi giẹn eghian iran uan. Vberriọ zẹẹ ọre a gha ya gha gbele iran uan ighẹ iran ni te ho ne iran kuan iran.