Psalm 18:6 - Edo Bible (E Baibol Ẹdo) Version 1996

⁶ vbe uwu ibaro mwẹ, I da tie Nọyaẹnmwa, I da tie Nọyaẹnmwa ne ọ do yọmwẹ obọ. Ọ họn urhu mwẹ vbe uwu Ọgua Osa ẹre. Ọ họn ẹn vbe I da tie ẹre ne ọ do yọmwẹ obọ.

Psalm 18:6 ပူးပေါင်းရင်းမြစ်များ

II Samuẹl 22:7

I datie Nọyaẹnmwa vbe ẹghẹ ọlọghọmwa mwẹ, I datie Nọyaẹnmwa wẹ ne ọ yọmwẹ obọ ọ họn urhu mwẹ vbe uwu ọgua Osa ẹre ọ họẹn vbe I kpe tie ẹre ne ọ yọ mwẹ obọ.

II Krọnikol 30:27

Avbe ohẹn kevbe avbe Livai keghi na erhunmwu afiangbe e Nọyaẹnmwa ne emwa nii. Osanobua keghi họn erhunmwu iran vbe owa ẹre vbe ẹrinmwi, ọ keghi rhan obọ miẹn rẹn.

Psalm 11:4

E Nọyaẹnmwa rre uwu Ọgua Osa ẹre ne ọ huanrẹn, ẹkete ẹre rre ẹrinmwi. Ọ gha ghe emwa hia vbe ehe hia. Ọ rẹn emwi ne iran ru.

Psalm 120:1

Ẹghẹ ne I na gha rre uwu ibaro, I kpe tie Nọyaẹnmwa, ọ kevbe zẹ ẹmwẹ wanniẹn mwẹ.

Psalm 34:15

E Nọyaẹnmwa, ọ re ọ su e nọ ru emwi ẹse khian ọ vbe danmwehọ utumwẹ iran.

Psalm 5:7

Sokpan, rhunmwuda ahoẹmwọmwa ruẹn nọkhua, mẹ gha sẹtin gha die uwu owa ruẹ. I gha sẹtin ga, vbe uwu ọgua Osa ruẹ ne ọ huanrẹn, mẹ ghi vbe ya ọghọ ghughẹrre nuẹn.

Psalm 50:15

Ibaro gha rre, kpe tie mwẹ, I gha miẹn ruẹn fan wẹ ghi do gha rho mwẹ.”

Psalm 55:5

Ohan kevbe uguọmwẹ dobọ mu mwẹ, ohan ọyunnuan mu mwẹ guẹ.

Ẹksọdọs 2:23

Ọ ghi kpẹe fua, ọba Igipt keghi wu. Ivbi Izrẹl kegha khiẹkhiẹ egbe vbe uwu ọviẹn ne iran ye, iran na gha tu nọ iyobọ. Eve iran keghi sẹ ehe ne Osanobua ye.

Habakọk 2:20

E Nọyaẹnmwa rre uwu Ọgua Osa ẹre nọhuanrẹn, wa gie emwa hia ni rre otọ agbọn gbẹdọ hiii vbe odaro ẹre.

Iyẹn ne ọ Maan Ọghe Mak 14:36

Ọ wẹẹ, “Evbavba, Erha mwẹ, a i miẹn emwi ne ẹ i gie uwẹ ru, gie oya na la mwẹ baan sokpan, ẹ i re vbene Imẹ ho vbe ẹ i re vbene uwẹ ho.”

Iwinna 12:5

Iran keghi rhunmwuda ọnii khui e Pita ye uwu ẹwẹdọ sokpan ivbi e esọsi keghi wa kakabọ gha na erhunmwu ghe Osanobua nẹẹn.

Arhie Maan 11:19

A keghi kie Ọgua Osa ye otọ vbe ẹrinmwi. A keghi bẹghe ẹkpẹti osẹe ne a viọ uhanhan ọghe uhi nii yi. Ayan kegha yan rhai rhai deba owogho, ke uvannọmwẹ avan nukhunmwu, kevbe igbohiotọ, kevbe esia ne ọ kakabọ de.