Psalm 18:50 - Edo Bible (E Baibol Ẹdo) Version 1996

⁵⁰ Osanobua rhie akhọnmiotọ ne ọba ẹre, ọ rhie aho ẹmwẹ ọmwa ne ẹi beghe maa, ghe ọmwa ne irẹn hannọ zẹ ghe Devid kevbe ivbi uniẹn ọnrẹn ẹdẹdẹmwẹdẹ.

Psalm 18:50 ပူးပေါင်းရင်းမြစ်များ

II Samuẹl 7:13

Rẹn ọ re ọ gha bọ Ọgua Osa mẹ, I gha vbe mu ẹẹn wẹ te uniẹn ọnrẹn gha rriọba ẹdẹdẹmwẹdẹ.

I Krọnikol 17:27

Te I rinmwian wẹ ne u fiangbe ivbi uniẹn mwẹ, ne iran miẹn ehe na gha miẹn aro ne ọ maa ruẹn. Wẹ Nọyaẹnmwa fiangbe iran nẹ, afiangbe ruẹ gha rhuẹ yan iran ẹdẹdẹmwẹdẹ.”

Psalm 132:10

U ve Devid ne ọguọmwadia ruẹ emwi, ghẹ he ọba ne u hannọ zẹ ye otọ Nọyaẹnmwa.

Psalm 144:10

Wẹ ọ re ọ rhie akhọnmiotọ ne avbe ọba, u keghi vbe miẹn Devid ne ọguọmwadia ruẹ fan,

Psalm 2:6

Ọ keghi kha wẹẹ, “Mẹ rhie ọba mwẹ ye ẹkete nẹ, vbe Zaiọn ne oke mwẹ ne ọ huanrẹn.”

Psalm 57:10

Iho ruẹ ne ẹ i beghe sẹ ẹrinmwi, aguobọmwa ọwuẹ sẹ iso.

Iyẹn ne ọ Maan Ọghe Luk 1:69

Ọ gie Ọmiọnmwafan ne ọ wegbe ọkpa zọ ladian ne ima, vbe uwu uniẹn Devid ne ọguọmwadia ẹre.

Ebe ne Pọl gbẹẹn gie emwa Rom 1:3

Vbe ekpa ọghe Ovbi ẹre ighẹ Nọyaẹnmwa Jesu Kristi vbe agbọn na, uniẹn Devid ọre ọ la rre.

Ebe ne Pọl gbẹẹn gie emwa Rom 11:29

Rhunmwuda Osanobua i fi ekhọe werriẹ vbekpa ọmwa ne irẹn hannọ zẹ kevbe ne ọ fiangbe.

Galatia 3:16

Banbanna nian, Ebraham kevbe ovbi ẹre, ọre Osanobua ve ẹre emwi na, ọ ma kha wẹ, “Kevbe ivbi ẹre” ọnii nọ wẹ emwa ni bun. Emwi ne ọ kha re ọrọre, “Kevbe ne ovbuẹ” ọnii nọ wẹ, ne orhiọnkpa kẹkan ne ọ re Kristi.

I Samuẹl 16:1

E Nọyaẹnmwa keghi tama e Samuẹl wẹẹ, “Inu ẹghẹ u ra khiẹ e Sọl la yi? Mẹ rhie ẹre hin ọba Izrẹl rre nẹ. Gualọ ẹvbi ọliv eso rhie mwẹ obọ. I gha gie uẹ gha rrie ọghe Jese ne ọ rre Bẹtlẹhẹm, rhunmwuda, I zẹ ọkpa vbe uwu ivbi ẹre nẹ ne ọ rriọba.”

I Samuẹl 2:10

A gha fuẹn eghian e Nọyaẹnmwa, ọ gha van yan iran ke ẹrinmwi rre, e Nọyaẹnmwa gha bu ohiẹn agbọn; ọ gha rhie ẹtin ne ọba ẹre, ọ gha rhie akhọnmiotọ ne ọba ne ọ hannọ zẹ.”