Psalm 18:44 - Edo Bible (E Baibol Ẹdo) Version 1996

⁴⁴ Avbe orhunmwuyẹn ghi gha diguẹ mẹ. Iran gha họn urhu mwẹ iran ghi gha ru vbene I khare.

Psalm 18:44 ပူးပေါင်းရင်းမြစ်များ

II Samuẹl 1:13

E Devid keghi nọ igbama ne ọ do na iyẹn ma rẹn nii wẹẹ, “De ovbi ẹvbo ne uwẹ khin yi?” Rẹn kevbe wanniẹn wẹẹ, “Ovbi Amalẹk ọre I khin, sokpan, ẹvbo ruẹ ọ re I yinrin.”

Psalm 66:3

Wa tama Osanobua wẹẹ, “A miẹn vbe emwi ne u ru hia re ọyunnuan hẹ! Ẹtin ruẹn kpọlọ sẹ vberriọ wẹ te avbe eghian ruẹn hia ye ohan defi igue vbe odaro ruẹ.

Psalm 68:30

Gu ẹe gui ighe Igipt nii ne aranmwẹ ọkhọ ne ọ rre uwu irunmwu, gu avbe agbọn ẹvbo gui avbe oghẹn ẹmila nii, deba avbe ẹkhuia iran negiẹrẹ rhinrin iran te do de ya igue viọ avbe esiliva iran guẹ. Zagha iran ne okuo yẹ kua.

Psalm 81:15

Ohan gha mu iran ni khuiwu mwẹ, iran gha do gha mu uhunmwu gbotọ mẹ. Irriakhi iran gha a rrọọ rhinrin ẹdẹ.

Aizaia 62:8

E Nọyaẹnmwa yan eyan akekhọerre nẹ ọ gha ya ẹtin irọẹn mu ẹẹn sẹ, “Ọka ruẹ i ghi re ne avbe eghian ruẹn gha ya gha koko egbe iran. Avbe ọrriọvbe i ghi ra dọlegbe gha rhie ayọn ruẹn da.

Ezikiẹl 44:7

Iran ru awua Ọgua Osa mwẹ vbekpa ne iran na gie avbe iran ni ma rhuẹ, avbe orhunmwuyẹn ne ẹ i họn ẹmwẹ mẹ, gha la uwu Ọgua Osa vbe ẹghẹ ne a ya ye ẹvbi aranmwẹ kevbe esagiẹn zọ ese ghe mwẹ. Rhunmwuda ọnii avbe emwa mwẹ rra uhi mwẹ vbekpa uyinmwẹ osọnnọ ne iran yin.

Diuteronomi 33:29

Izrẹl, a miẹn uwa ne u ghi ye ọmwa ne ọ yevbe ruẹ i rrọọ, ẹvbo ne Nọyaẹnmwa miẹnfan. E Nọyaẹnmwa tobọ re ọrọre asa kevbe umozo ọwua ne ọ gha degue ruẹ do khọnmiotọ ne uẹn. Eghian uwa gha rre do rinmwian ye itohan, wẹ gha ye owẹ rrilo iran mu otọ.”