Psalm 18:4 - Edo Bible (E Baibol Ẹdo) Version 1996

⁴ Ebe ọghe uwu te wa lẹga mwẹ nẹ, amẹ ọfuan te lẹ rhu mwẹ,

Psalm 18:4 ပူးပေါင်းရင်းမြစ်များ

II Krọnikol 20:21

Ọ ghi gu avbe emwa nii zẹ iro nẹ, ọba keghi khama avbe ikpemaba wẹ ne iran viọ ẹwu ne iran ya do ugie yọ, ne iran khian ke odaro ne avbe ivbiyokuo, ne iran gha so ihuan na wẹẹ, “Wa rho e Nọyaẹnmwa. Etẹbitẹ ọre Itohan rẹn khin.”

II Krọnikol 20:22

Iran ghi suẹn gha so ihuan, ẹ Nọyan ke fian otighi ọkpeudu fi iran ni mu okuọ gie iran egbe.

Psalm 116:3

Ẹbe ọghẹ uwu te lẹga mwẹ; orrirri idin te lẹga mwẹ; ohan kevbe ohawa te ra gbe mwẹ uan.

Psalm 124:4

ẹkpo nii, orogho amẹ gha wa kpolo ima gha rrie, amẹ gha te ro gue ima ginna otọ.

Psalm 22:16

Otu emwa dan ghae ga mwẹ zẹvbe oghẹn ekita, iran mama rhu mwẹ. Iran yanghan mwẹ obọ kevbe owẹ.

Aizaia 13:8

Ehia gha runran, obalọ ghi la iran egbe, zẹ vbe obalọ okhuo ne emwi ubiẹmwẹ ru. Iran gha ya ohan tanro ye egbe egbe, ekhue ghi giẹn iran aro hia a.

Matiu 26:47

Vbene ọ wa guan nii, Judas, ọkpa vbe uwu iran ne iweva keghi rre. Emwa ni bun ni viọ orhokhua kevbe umozo mwẹ keghi lele ẹe, iran na kegha re emwa ne a gie ke ọ ghe igie ohẹn kevbe ediọn avbe Ju gha dee.

Matiu 26:55

Ẹkpo ni ọre Jesu na gu emwa ni guan wẹẹ, “De esa umozo kevbe orhokhua ne uwa hẹ mwẹ vbe uwa ra do mu mwẹ, vbene akhakha ighẹ izigan ọre imẹ khin? Ẹdẹgbegbe ọre imẹ ya gha tota ma emwa emwi vbe uwu Ọgua Osa, wa ma mu mwẹ.

Iwinna 21:30

Adesẹ ore ẹvbo hia keghi wa tighi ua, iran hia keghi wa mu vẹ, iran gua Pọl rhie, iran na hiọrọ ẹe hin uwu Ọgua Osa rre. Vbe ọwarọkpa nii, iran na khui urho Ọgua Osa.

II Kọrinti 1:9

Ọ keghi ye ima vbene a miẹn wẹ, a ta ẹe nẹ wẹ ne a gbele ima uan. Sokpan te ọ na sunu ne a ya ma ima emwi wẹ ne ima ghẹ gha mu ẹtin yan egbe mwa vbe ẹ i re Osanobua ọkpa, ne ọ huẹn orinmwi kpaegbe.