Psalm 18:27 - Edo Bible (E Baibol Ẹdo) Version 1996

²⁷ Wẹ miẹn iran ni mu egbe rriotọ fan sokpan, te uwẹ si iran ni tọn egbe mu kẹ otọ.

Psalm 18:27 ပူးပေါင်းရင်းမြစ်များ

II Samuẹl 22:28

Wẹ miẹn iran ni mu egbe rriotọ fan, u keghi si iran ni tọn egbe mu kẹ otọ.

Psalm 10:4

Ọmwa dan i vbe zẹ ye Nọyaẹnmwa re vbe uwu itengbe mu ẹnrẹn, ọ rorẹe wẹ, Osanobua imwẹ asa ne ọ khin.

Psalm 101:5

Mẹ gha gia miẹn ufomwẹ ọmwaikọmwa, ne ọ ta ewẹwẹwẹ dan vbe ekpa ọmwa ọvbehe; mẹ i ra rhie otọ ne ọmwa ne ọ tọn egbe mu ke ne ọ hio.

Psalm 17:10

iran i mwẹ itohan, iran wa vbe rhuọ.

Psalm 17:13

Gha dee, Nọyaẹnmwa, gu avbe eghian mwẹ gbinna, ne u khọn miẹn iran otọ, ya umozo ruẹ fan mwẹ hin obọ iran, ne emwa dan;

Psalm 34:19

Ọlọghọmwa nibun, ọ re ọmwata miẹn, sokpan, e Nọyaẹnmwa ghi miẹn rẹn fan vbe uwu ehia fẹẹrẹ.

Psalm 34:6

Iran ne ẹtin fo nẹ kpe tie ẹre, ọ keghi fannọ iran ye otọ vbe uwu ọlọghọmwa iran hia.

Psalm 40:17

Ovbiogue kevbe nọ ma wegbe ọ re imẹ khin Nọyaẹnmwa. Sokpan, wẹ ma he mianmian mwẹ. Wẹ ọrọre ọmiọnmwafan mwẹ kevbe Osanobua mwẹ zẹgiẹgiẹ do yọmwẹ obọ.

Psalm 9:18

A i ra mianmian ne ẹi mwẹ rhinrin ẹdẹ. A i ra vbe fuẹn idaehọ ovbiogue ua ẹdẹdẹmwẹdẹ.

Itan 30:12

Emwa eso rrọ ni ro wẹ te iran wa huan, vberriọ te iran wa gbe iruẹn sẹlẹkẹ.

Aizaia 10:12

Sokpan, I gha ru emwi ne I ru vbe Oke Zaiọn kevbe Jerusalẹm nẹ, I gha rri ọgbaisi Asiria oya ye orhuọ hia ne ọ rhuọ kevbe uhiomwẹ ne ọ hio.

Aizaia 3:9

Ẹmwẹ ne iran rhie ye ekhọe ọ re a ra ya gu iran gui. Te iran ghi wa rhan ma orukhọ zẹ vbene emwa Sọdom ghaa ye. Ọghe iran fo ne, obọ iran ọ re iran ya sii ẹe gie egbe iran.

Aizaia 57:15

“Mẹ ọrọre Osanobua ne ọ yo kevbe ne ọ kpọlọ ne ọ rrọ ẹdẹdẹmwẹdẹ. Ehe ne ọ yo kevbe ne ọ huanrẹn ọ re imẹ dia, sokpan mẹ vbe di ọghe iran ni mu egbe rriotọ, kevbe ni roiro fi uyinmwẹ werriẹ ya, ne imẹ miẹn ehe na rhie idaehọ kevbe imuẹntiyan ọghe iran werriegbe ye ihe.

Aizaia 66:2

Mẹ ọ re ọ tobọmwẹ yi agbọn na hia. Ẹko avbe emwa ni mu egbe rriotọ ke ni roiro fiwerriẹ wa ma mwẹ iran ni mu ohan mwẹ, ni vbe họn ẹmwẹ mẹ.

Hozia 4:6

Ọghe avbe emwa mwẹ fo nẹ, rhunmwuda, iran ma tie mwẹ ọghe iran. Wa ne avbe ohẹn ma tie mwẹ ọghe uwa, wa keghi he iruẹmwi mwẹ yotọ, rhunmwuda ọnii, mẹ vbe he uwa, mẹ i ghi ra vbe tie ivbi uwa ohẹn mwẹ.

Iyẹn ne ọ Maan Ọghe Luk 18:14

Jesu keghi khama iran wẹẹ, “Ne I tama uwa, okpia na ọre ọ miẹn orhue rhie gha rrie vbe obọ Osanobua ighẹ ẹ i re nọkpa. Rhunmwuda, ọmwaikọmwa ne ọ tọn egbe ẹre mu, a gha mu ẹn rriotọ, ọmwa ne ọ mu egbe ẹre rriotọ, a gha tọn ẹn mu.”

II Kọrinti 8:9

Rhunmwuda, wa rẹn ẹsọhẹ ọghe Nọyaẹnmwa Jesu Kristi wẹ vbene irẹn rhe fe sẹ hẹ, ọ keghi rhunmwuda uwa ye egbe khian ovbiogue, ne irẹn miẹn ehe na la ekpa a i mwẹ ọghọe ye uwa khian ni fe.

Jems 2:5

Wa danmwehọ etẹn mwẹ ni ghan. Avbe ivbiogue ni rre agbọn na, ọre Osanobua zẹe wẹ, iran mwẹ iyayi ẹsẹse kevbe wẹ, iran ọ ra yan arriọba ne irẹn ve iran ni ho ẹmwẹ ọnrẹn re.