Psalm 18:21 - Edo Bible (E Baibol Ẹdo) Version 1996

²¹ Mẹ mu uhi e Nọyaẹnmwa sẹ nẹ, I ma fi iyeke gbe Osanobua mwẹ.

Psalm 18:21 ပူးပေါင်းရင်းမြစ်များ

II Krọnikol 20:32

Ọ keghi ru emwi ne ọ kere vbe odaro e Nọyaẹnmwa zẹ vbene erha ẹe ne Asa ka vbe ru.

II Krọnikol 34:33

E Josaia keghi guọghọ avbe amazẹ osọnnọ ni te rre otọ ivbi Izrẹl. Vbe uwu ẹghẹ ne ọ ya ẹe vbe agbọn hia, ọ keghi ru ẹe ne a miẹn wẹ emwa ni hia ga e Nọyaẹnmwa ne Osanobua avbe erha iran odede.

Psalm 119:102

I ma fi iyeke gbe igiodẹ ruẹ, rhunmwuda, wẹ tobọ ruẹ ọ re ọ ma mwẹ emwi.

Psalm 17:4

Zẹ vbene emwa eso ru I ru zẹ vbene u yi ẹre iyi I ma vbe khian vbe odẹ ọkhọ.

Psalm 26:1

Bu asẹ mẹ, Osanobua, rhunmwuda mẹ ru vbene ọ kei yi I keghi mu ẹtin yan ruẹn fẹfẹẹfẹ.

Psalm 7:9

Osanobua ẹmwata ọ re uwẹ khin, wẹ keghi vbe bu ohiẹn iro ne ima zẹ, kevbe emwi ne ima ho. Dobọ emwi dan avbe emwa dan yi. Ne u vbe san avbe emwa esi ẹse.

Itan 8:32

“Banbanna nian, wa danmwehọ mwẹ, wa ne igbama, wa gha ru vbene I khare, wa gha miẹn oghọghọ.

Daniẹl 6:23

Ọba keghi ghọghọ ua, ọ na wẹ ne a si e Daniẹl ladian vbe uvun. Iran keghi siẹe ladian, iran miẹn wẹ emwirhọkpa ma ru ẹe hiehiere, rhunmwuda, ọ mu ẹtin yan Osanobua.

Iwinna 24:16

Rhunmwuda ọnii ọre I na lo ẹtin mwẹ hia wẹ ne orhiọn mwẹ ghẹ sẹ osẹe gbe mwẹ vbe odaro Osanobua kevbe emwa ne agbọn.

I Tẹsalonaika 2:10

Wa ọrọre osẹe ima, zẹ vbene Osanobua vbe re osẹe ima, uyinmwẹ ne ima gu uwa ni yayi gha yin, kegha re ne ẹ i mwẹ iruẹn, ne ọ gbae kevbe ne ẹ i mwẹ abe.

I Jọn 2:19

Vbe ẹmwata, ẹ i re otu ima iran na ye o, ọ ni ọ si ẹe ne iran na kpao sẹ ima rae, akpawẹ otu ima iran ye, te iran gha gu ima tota. Sokpan iran kpao sẹ mwa rae, ne aro miẹn ehe na dae wẹ, ẹ i re otu mwa iran ye.

I Samuẹl 15:11

“Ọ da mwẹ ne I na ma e Sọl ọba, ọ fi iyeke gbe mwẹ nẹ, te ọ ghi rra uhi mwẹ.” Ohu keghi mu e Samuẹl, ọ na ye asọn ni hia rinmwian e Nọyaẹnmwa.