Psalm 18:2 - Edo Bible (E Baibol Ẹdo) Version 1996

² Nọyaẹnmwa ọrọre ne ọ degue mwẹ, rẹn ọrọre owa ọkhẹ mwẹ ne ọ wegbe. Osanobua mwẹ ọrọre ne ọ rhie mwẹ lẹre I gha rre ehe ne ọ ye, ẹbe ighi rrọ mẹ. Ọ degue mwẹ zẹ vbe asa. Ọ gbinna mẹ, ọ keghi wan ẹbe yo mẹ.

Psalm 18:2 ပူးပေါင်းရင်းမြစ်များ

II Samuẹl 22:3

Osanobua mwẹ ọrọre ugue mwẹ, I gha rre ehe ne ọ ye, ẹbe fo. Ọ degue mwẹ zẹ vbe asa. Ọ gbinna mẹ rhie mwẹ mwẹ, vbe a i mwẹ ẹbe. Rẹn ọrọre Ọmiọnmwafan mwẹ; ọ degue mwẹ, ọ fan mwẹ hin epiankhanrhan rre.

Psalm 116:1

Mẹ ho ẹmwẹ Nọyaẹnmwa, rhunmwuda, ọ họn urhu mwẹ; ọ rhie ehọ ye erhunmwu mwẹ.

Psalm 132:17

I gha ya ọkpa vbe uwu ivbi e Devid, ma ọba nọkhua vbe emwa na, emwa na ọ re I gha na rhie ẹre mwẹ, ighe irriegie ọghe ọba ne I hannọ zẹ.

Psalm 144:2

Rẹn ọrọre ne ọ degue mwẹ kevbe ne ọ gbinna mẹ ugue kevbe ọmiọnmwafan mwẹ, ọmwa ne imẹ mu ẹtin yan ne I fe hin ẹbe rre. O rhie mwẹ obọ yan uhunmwu ẹvbo nibun uhunmwu.

Psalm 19:14

Gie ẹmwẹ ne unu mwẹ, kevbe iziro ekhọe mwẹ, gha re ne uwẹ rhan obọ miẹn Nọyaẹnmwa ugue mwẹ kevbe Ọmiọnmwafan mwẹ.

Psalm 28:1

E Nọyaẹnmwa ugue mwẹ, mẹ tu tie ruẹ. Họn urhu eve mwẹ a deghẹ u ma zẹ yọ mwẹ re, mẹ gha do ye vbe iran ni tuorre rriẹ ẹvbo ne iran ni wulo nẹ ye.

Psalm 59:11

Ghẹ gbele iran an Osanobua, ne avbe emwa mwẹ ghẹ ya mianmian, ya ẹtin ruẹn zagha iran an ne u khọn iran mutan, Nọyaẹnmwa ugue mwa.

Psalm 62:2

Rẹn okpa kẹkan ọre ọ degue mwẹ ọ vbe miẹn mwẹ fan obọ ọmwa i ra gba mwẹ ẹdẹdẹmwẹdẹ.

Psalm 62:7

Osanobua ọ re imiẹnfan mwẹ kevbe uyi mwẹ hẹnhẹn egbe yan; rẹn ọrọre ugue mwẹ ne ọ wegbe, rẹn ọrọre ehe ne I lẹre yi.

Psalm 75:10

Ọ gha guọghọ ẹtin emwa dan sokpan a gha rhie ba ẹtin ọghe emwa ẹmwata.

Psalm 91:2

gha sẹtin tama rẹn wẹẹ, “Wẹ ọrọre ne ọ gbinna mẹ kevbe ugue mwẹ wẹ ọrọre Osanobua mwẹ ọmwa ne I mu ẹtin mwẹ yan.”

Psalm 91:4

Ọ gha ya ifuẹn ọnrẹn gue ruẹ, wẹ gha re ne ẹ i mwẹ ẹbe vbe ototọ ugue ẹre, ẹmwata ẹre gha degue ruẹ ọ gha vbe gbinna ne uẹn.

Ẹksọdọs 15:2

E Nọyaẹnmwa ya mwẹ khian nọ vbe egbe kevbe nọ mwẹ ẹtin rẹn ọre ọ miẹn mwẹ fan. Osanobua mwẹ nọ, I gha rho ẹre, Osanobua avbe erha mwẹ, I gha so ihuan ukpọlọmwẹ ọnrẹn.

Itan 18:10

Te Nọyaẹnmwa ye vbe owa ọkhẹ ne ọ wegbe, ehe ne emwa esi gha lẹ fi, iran ghi vbe miẹn uhunmwu.

Itan 2:7

Ọ rhie iyobọ kevbe ugue ne iran ne ẹmwata ne ẹ i zẹ ibeleku.

Aizaia 32:2

Dọmwadẹ ọghọe vbe uwu iran ghi yevbe ehe ne a lẹre yi vbe ẹhoho a gha hoho, kevbe ehe ne a lẹ fi vbe ẹghẹ okpẹhoho. Iran gha yevbe ẹzẹ ni lẹ vbe uwu ato, zẹ vbe aghọnghọn okuta nọkhua vbe otọe ne o dihoi rua.

Jerimaia 16:19

E Nọyaẹnmwa, wẹ ọrọre ọmwa ne ọ degue mwẹ kevbe ne ọ rhie ẹtin mẹ wẹ ọ re ọ yọmwẹ obọ vbe ọghe ibaro. Avbe uhunmwu ẹvbo gha ke ufomwẹ agbọn bu ruẹ rre do kha wẹẹ, “Avbe erha ima odede i mwẹ emwi rhọkpa gberra ẹbọ ohoghe, emwirhọkpa i rrọọ gberra amazẹ ne ẹ i mwẹ asa.

Hibru 2:13

Ọ keghi vbe ta ẹe wẹ, “I gha mu ẹtin mwẹ yan Osanobua” ọ keghi ye vbe ta ẹe wẹẹ, “Ghe mwẹ ghe emọ ne Osanobua hẹ mẹ.”