Psalm 18:16 - Edo Bible (E Baibol Ẹdo) Version 1996

¹⁶ E Nọyaẹnmwa ke odukhunmwu niẹn obọ rre, ọ keghi da mwẹ yi, ọ na si mwẹ ladian hin uwu ogiamẹ rre.

Psalm 18:16 ပူးပေါင်းရင်းမြစ်များ

II Samuẹl 22:17

E Nọyaẹnmwa niẹn obọ ke ẹrinmwi rre, ọ na da mwẹ yi, ọ keghi si mwẹ ladian hin uwu odin amẹ rre.

Psalm 144:7

Niẹn obọ ke odukhunmwu rre, ne u miẹn mwẹ fan, miẹn mwẹ fan hin obọ ẹtin avbe erriọvbe,

Psalm 18:43

U miẹn mwẹ fan vbe obọ avbe isọtẹ u keghi ya mwẹ khian ne ọ khaemwisẹ yan avbe uhunmwu ẹvbo. Avbe emwa ne imẹ ma rẹn, khian ni ga gun mwẹ.

Psalm 32:6

Erriọ ọ re emwa ruẹn ni mudia ẹse hia, gha na erhunmwu ghe ruẹ vbe ẹghẹ a i mwẹ, ẹghẹ ne amẹ orueghe ne ọ bun, gha na gha vẹ rre ẹ i ghi sẹ ehe ne iran ye.

Psalm 57:3

Rẹn gha wanniẹn ke ẹrinmwi rre ọ ghi miẹn mwẹ fan, ọ gha khọn iran ni kpokpo mwẹ muotọ. Osanobua gha rhie aho ẹre ne ẹ i beghe, kevbe aguobọmwa ma mwẹ.

Ẹksọdọs 2:10

Ugbẹn vbe ọmọ nii ghi wan sẹ nẹ, ọ keghi muẹn gie ovbi ọba ne okhuo, ọ na ya ẹe ye ọmọ. Rẹn keghi kha wẹẹ, “Uwu amẹ I na muẹn ladian na hẹ ẹre Mosis.”

Nahum 1:4

Ọ gu okun guan ọ keghi ka mu otọ! Ọ ru ẹe ne avbe ẹzẹ ka mu otọ. Oha ni rre Basan luẹluẹe. Te Oke Kamẹl ghi ba rriẹrriẹ, obobo ni rre Lebanọn fafaa.

Arhie Maan 17:15

Odibosa nii keghi vbe tama mwẹ wẹẹ, “Amẹ ne u miẹn ne ebabotu ni tota yan kegha re ẹbu kevbe agbọn ẹvbo kevbe ẹvbo ne a zẹ.