Psalm 18:11 - Edo Bible (E Baibol Ẹdo) Version 1996

¹¹ Ọ ya ebiebi gue egbe ẹre, ikpakpa iso ne ọ mwẹ imi kevbe ne ọ vuọn ne amẹ, keghi lẹga ẹre.

Psalm 18:11 ပူးပေါင်းရင်းမြစ်များ

Psalm 104:3

U keghi bọ owa ruẹ yan amẹ ne ọ rre odukhunmwu, u ye okuku amẹ ru ikẹkẹ okuo ruẹ, u keghi hin khian vbe ifuẹn ẹhoho.

Psalm 27:5

Ọ gha degue mwẹ vbe ẹghẹ ibaro ọ gha rhie mwẹ lẹre vbe uwu Ọgua Osa ẹre, vbe ne ai na mwẹ ẹbe. Ọ ghi vbe gie ẹkun sẹ mwẹ otọ vbe uhunmwu okuta ne ọ yo.

Psalm 81:7

Ẹghẹ ne uwa na gha rre uwu ọlọghọmwa, wa kpe tie mwẹ, I keghi miẹn uwa fan, ehe ne I lẹre yi vbe uwu okpẹhoho, ọ re I ke rhie ewanniẹn ne uwa, I keghi danmwẹ uwa ghe vbe ẹzẹ Mẹriba.

Psalm 91:1

Ọmwaikọmwa ne ọ lẹ gbinna Nọyaẹnmwa, ọmwaikọmwa ne ọ mudia ye ototọ ugue ọghe Oghodua,

Psalm 97:2

Okuku kevbe ebiebi lẹga ẹre; ẹmwata kevbe uhunmwu ẹmwẹ ọ re ọ ya khaemwisẹ.

Ezikiẹl 10:18

Ẹghẹ nii, uwanmwẹ ne yanyanyan ne a ya rẹn ighe Osanobua rre evba keghi kpao vbe onurho Ọgua Osa rre, ọ keghi laghe ihọkpa vbe odukhunmwu avbe aranmwẹ na.

Joẹl 2:2

Ẹdẹ akhiẹ ne ọ so ebiebi ra gha nọ, ẹdẹ nekhui ne ọ vuọn ne okuku. Oghẹn irhiso nọkhua ye egbe dee, zẹ vbe ne ebiebi hẹko so yan uhunmwu oke. A ma he miẹn emwi ne ọ khọ ẹe ẹdẹ, a i ra vbe dọlegbe miẹn emwi ne ọ khọ ẹe ọvbehe.

Diuteronomi 4:11

Wa tama ivbi uwa vbene uwa do mudia ye ototọ oke nii ne okuku ne ọ mwẹ imi ọghe ighogho nekhui gue mu otọ, ọ na vbe gha kpannọ erhẹn sẹ iso.