Psalm 17:7 - Edo Bible (E Baibol Ẹdo) Version 1996

⁷ Rhie ahoẹmwọmwa ọyunnuan ruẹn maa, ne u miẹn ima fan. Me gha rre ehe ne u ye, mẹ fe vbe obọ avbe eghian mwẹ.

Psalm 17:7 ပူးပေါင်းရင်းမြစ်များ

II Ọba 19:22

De ọmwa ne uwẹ ro ighẹ u kpa unu ghe usin ne u na vbe ya ẹe gbe ogie yi? U ma ya ọghọ mẹ, mẹ ne Osanobua ne ọ huanrẹn ọghe Izrẹl.

II Ọba 19:34

I gha gbinna ne ẹvbo na, I ghi vbe tan obọ guẹ ẹre rhunmwuda ekpẹn ne egbe mwẹ kevbe eyan ne I yan ma e Devid ne ọguọmwadia mwẹ.’ ”

II Krọnikol 16:9

Te Nọyaẹnmwa wa rhie aro sẹ otọ vbe agbọn na hia ne ọ miẹn ehe na rhie ẹtin ne iran ne ekhọe ẹre mudia ẹse vbe ehe ne ọ ye. Emwi ukọnmwẹ ọ re u wa ru ni rhunmwuda ọnii nian, ke eban kpao, okuọ ọ re u ghi ra gha khọn ẹghẹ hia.”

Psalm 20:6

Eban nian, mẹ rẹnrẹn wẹ, e Nọyaẹnmwa rhie akhọnmiotọ ne ọba ne ọ hannọ zẹ. Ọ wanniẹn ọre ẹmwẹ, ke ẹrinmwi ne ọ huanrẹn ọghọe rre ọ ghi vbe ya ẹtin ẹnrẹn rhie akhọnmiotọ nekhua ne ẹẹn.

Psalm 31:21

Wa rho e Nọyaẹnmwa, u miẹn vbe ọ rhie ahoẹmwọmwa ne ọ mwẹ ghe mwẹ ma hẹ vbe ọyunnuan, vbe iran ghae ga mwẹ, gha gun mwẹ gbinna.

Psalm 31:22

Afianma te gha fian mwẹ I keghi te ro wẹ ọ khu mwẹ fua hin ehe ne irẹn ye rre nẹ. Sokpan, ọ họn utumwẹ mwẹ, vbe I kpe tie ẹre nọ iyobọ.

Psalm 44:3

Ẹ i re umozo iran, ọ re avbe emwa ruẹn ya khọn avbe otọe nii. Ẹ i re ẹtin iran ọ re iran ya khọnmiotọ, ẹtin kevbe iwegbe ruẹ ọre nọ, vbene u na gie iran rẹn ighe u gu iran rrọọ, ne ọ vbe rhie ma ighe u ho ẹmwẹ iran.

Psalm 60:5

Ya ẹtin ruẹn miẹn mwa fan, họn erhunmwu mwa ne a miẹn ehe na dẹ emwa ne u ho ẹmwẹ ọnrẹn werriegbe.

Psalm 78:12

Vbe odaro evbibiẹ iran, ọ re Osanobua na winna iwinna ọyunnuan, vbe otọe ne ọ rriẹe ọghe Zoan vbe otọe Igipt.

Ẹksọdọs 15:6

E Nọyaẹnmwa, ọyunnuan ọre ẹtin obọ erha ọmwa ruẹn khin, ọ guọghọ avbe eghian rẹnkhẹnrẹnkhẹn.

Aizaia 41:10

Wa ghẹ fian afianma, I gu uwa rrọọ. Mẹ ọrọre Osanobua uwa, wa ghẹ gie emwikemwi mu uwa ohan. I gha ya uwa wegbe, I gha yi uwa obọ I gha degue uwa, I ghi miẹn uwa fan.

Iwinna 2:33

A tọẹn mu gha rrie obọ erha ọmwa Osanobua, ne ọ ya miẹn ẹre Orhiọn Ne Ọ Huanrẹn ne Erha ẹe ve ẹre. Emwi ne uwa ghi bẹghe na nian, kevbe ne uwa vbe họn, emwi ne ọ ya ru ima ẹse nọ, ọ keghi hihiẹe yan ima.

Arhie Maan 15:3

Iran kegha so ihuan e Mosis ne ọguọmwadia Osanobua kevbe ihuan ọghe Oteghe Ohuan nii. “Nọyaẹnmwa Osanobua ne Oghodua, ne ọ kpọlọ kevbe ne ọ yan ọmwa unu ọre avbe iwinna obọ ruẹ khin. Ọba avbe agbọn ẹvbo hia, ne ọ gbae kevbe ne ọ re uhunmwu ẹmwẹ ọre odẹ ruẹ hia khin.