Psalm 17:3 - Edo Bible (E Baibol Ẹdo) Version 1996

³ U gba ekhọe mwẹ. Wẹ ka bu mwẹ rre yi vbe asọn, u gualọ otọ mwẹ fo fẹẹrẹ. U ma vbe miẹn iho emwi dan vbe uwu ekhọe mwẹ, I ma ta ẹmwẹ dan.

Psalm 17:3 ပူးပေါင်းရင်းမြစ်များ

I Krọnikol 28:9

Rẹn keghi tama Solomọn wẹẹ, “Ovbi mwẹ, I yan tama ruẹn nian ne u rhan obọ miẹn Osanobua erha a, ne u gha ya ekhọe ẹmwata ga ẹe kevbe orhiọn ne ọ ho. Ọ rẹn iziro ekhọe mwa kevbe emwi ne ima gualọ. A dẹghe u bu ẹre gha khian, ọ gha miẹn ruẹn yi, sokpan a dẹghe u fi iyeke gbẹe, ọ gha suẹ rae rhinrin ẹdẹ.

I Krọnikol 29:17

Mẹ rẹnrẹn wẹ te uwẹ danmwẹ ekhọe edọmwadẹ ọghọe ghe, ẹko ruẹ vbe rhiẹnrhiẹn emwa ne ekhọe ne ọ huanrẹn kevbe ne ọ re ọghe ẹmwata. Ẹko ẹmwata ọre I ya ye ekhọe obọ mwẹ viọ emwi na hia guẹ. Ọ vbe miẹn vbene emwa ni si koko ye emwa na vbe ya ẹko ọyẹnmwẹ viọ emwi ihaoko guẹ.

Job 23:10

Sevba, Osanobua rẹn dọmwadẹ owẹ ni I zẹ vbotọ. Ọ gha danmwẹ mwẹ ghe, ọ gha miẹn wẹ, I i mwẹ iruẹn.

Job 24:14

Ẹdẹ gha da gbe, izigha ghi kpaegbe, ọ ghi ladian ya gbe ovbiogue ua, asọn gha rre, ọ ghi gha rha.

Psalm 11:5

Rẹn ọ re ọ ghe ọmwa esi, ke ọmwa dan vbe abọ ọkpa ni. Ọ kakabọ khuiwu iran ne ẹi mu uhi sẹ.

Psalm 119:106

I gha mu eyan mwẹ sẹ wẹ, I gha lele igiodẹ ruẹ ọghe ẹmwata hia.

Psalm 139:1

E Nọyaẹnmwa, wẹ danmwẹ mwẹ ghe nẹ, u vbe rẹn mwẹ nẹ.

Psalm 139:23

Gualotọ mwẹ Nọyaẹnmwa, ne u rẹn vbene ekhọe mwẹ ye hẹ; danmwẹ mwẹ ghe, ne u rẹn iro ekhọe mwẹ.

Psalm 16:7

I rhie urhomwẹ ne Nọyaẹnmwa rhunmwuda, rẹn ọ re ọ dia mwẹ, ẹdẹ gha mu nẹ, ekhọe mwẹ ghi gha ya obọ sekhae mẹ.

Psalm 26:2

Gualọ otọ mwẹ ne u vbe danmwẹ mwẹ ghe Nọyaẹnmwa, ne u vbe kha vbene I ho kevbe iziro ọghe ekhọe mwẹ ye hẹ.

Psalm 39:1

Mẹ khare wẹẹ, “I gha ya ẹwaẹn gha ru emwi, mẹ i ra vbe gie aranmwẹ mwẹ ya mwẹ ru orukhọ mẹ i ra vbe guan ẹmwẹ rhọkpa vbe avbe emwa dan ra sikẹ mwẹ.”

Psalm 66:10

Osanobua, wẹ danmwẹ ima ghe nẹ zẹ vbene a kpe esiliva vbe erhẹn erriọ ọ re uwẹ danmwẹ ima ghe.

Itan 13:3

Gha rhie aranmwẹ kọ ehọ guan ne u rhie uhunmwu ẹn hin ẹbe rre. Ọmwa ne ọ mu ẹmwẹ fua gha khian rhie.

Jerimaia 12:3

Sokpan wẹ rẹn mwẹ Nọyaẹnmwa; wẹ miẹn emwi ne I ru, kevbe vbene I ho ẹmwẹ ruẹn hẹ. Silo avbe emwa dan na gha khian zẹ vbe avbe ohuan ne a ra gbele ua. Gha baba iran ọ te sẹ ẹghẹ ne a gha ya gbele iran an.

Jerimaia 50:20

Ọ gha sẹ ẹghẹ nii, a i ghi ra miẹn orukhọ vbe Izrẹl, ra uyinmwẹ dan vbe Juda rhunmwuda, I gha ya orukhọ bọ avbe emwa ni fi yi vbọ. Mẹ ne Nọyaẹnmwa taa ẹe nẹ.”

Hozia 7:6

“Uma dan ne iran si ghi gha yọn vbe aroewu. Vbe asọn hia ohu ne ọ mu iran ghigha gbe ighogho, ẹdẹ ghaghi gbe, ọ ghi mu vẹn.

Maika 2:1

Umiẹn vbe ọ gha ba so iran hẹ ighe iran ne ẹ i miẹn ovbe vbe iran a lovbiẹ rhunmwuda emwi dan ne iran mwamwa vbe ekhọe! Iran gha wa miẹn ẹkpotọ ọwarọkpa vbe owiẹ, iran ghi ru emwi ne iran mwamwaẹn.

Zẹkaraia 13:9

Mẹ gha danmwẹ obọkpa vbe uwu eha ni miẹn uhunmwu vbọ ghe. I ghi vbe kpe iran huan, vbene a kpe esiliva huan vbe erhẹn. I gha danmwẹ iran ghe vbene a danmwẹ igoru ghe. Ẹghẹ nii, iran gha na erhunmwu iran. I gha tama wẹ emwa mwẹ ọ re iran khin, iran ghi vbe miẹn kue wẹ mẹ ọrọre Osanobua iran.”

Malakai 3:2

Sokpan, de ọmwa ne egbe ẹre gha rrọ ẹdẹ ne ọ ra rre? De ọmwa ne ọ gha miẹn uhunmwu vbe ọ gha ya gbe ladian? Te irẹn ra ye vbe evbakhuẹ ne ọ wegbe, zẹ vbe erhẹn ne ọ kpe ematọn huan.

Iwinna 11:23

U gbẹn vbe ọ ghi sẹ evba, ọ keghi miẹn vbene Nọyaẹnmwa fiangbe emwa nii hẹ, ẹko keghi rhiẹnrhiẹn ọẹn ẹsẹse, ọ keghi bu iran ude wẹ ne iran ya ekhọe iran hia mu ẹtin yan Nọyaẹnmwa ne iran vbe gha ga ẹe.

Iwinna 16:9

Asọn ii, Pọl keghi miẹn umian vbe uwu ne ọ na miẹn ovbi Masidonia ọkpa ne ọ mudia gha rinmwiaẹn wẹẹ, “Gha die Masidonia ne u do yi ma obọ!”

I Kọrinti 4:4

Ekhọe mwẹ i gun mwẹ gui, sokpan, ọnii ma rhie maa ighẹ I i mwẹ orukhọ. Nọyaẹnmwa ọrọre ọmwa ne ọ bu ohiẹn mwẹ.

II Kọrinti 1:12

Emwi ne ima ya ghagha ọ na khin: ekhọe mwa tama mwa wẹ, uyinmwẹ mwa vbe agbọn na, ibiba vbe ne ima vbe uwa gba ya ye egbe khian hẹ, a ta ẹmwata kevbe a i zẹ ibeleku ọrọre okpo ne ọ da ẹe yi, vbe ekpa ẹtin ẹsọhẹ Osanobua nọ, ighẹ ẹ i re vbe ekpa iguemwi emwa ne agbọn.

Jems 3:2

Ẹghẹ hia ma hia ya ba emwi ku ru. Ọmwa ne ẹ i ba ẹmwẹ ku ta, ọmwa ne ọ gbae nọ, ọ ghi vbe sẹtin gha ye egbe hia khian ẹse.

I Pita 1:7

Emwi ne ọ na sunu vberriọ ọrọre ne a miẹn ehe na ghe a deghẹ iyayi ẹmwata ọre uwa mwẹ. Igoru ne a miẹn wẹ ọ sẹtin rhia, uhin ighẹ te a ye ya erhẹn danmwẹ ọẹn ghe, rhunmwuda ọnii iyayi uwa ne ọ ya ọgbin igho ghan sẹẹ igoru, ẹ i mwẹ a ma danmwẹ ọẹn ghe, na ọ miẹn ehe na tọ. Erriọ ọre uwa gha na miẹn urhomwẹ, ọghọ, kevbe uyi rhie vbe Ẹdẹ ne Jesu Kristi gha ye egbe ne a miẹn.

I Samuẹl 24:10

Wẹ gha tobọ miẹn nian wẹ te Nọyaẹnmwa wa rhie ruẹ yọmwẹ obọ ẹrẹna vbe uwu uvun okuta nii. Emwa mwẹ eso te wẹ ne I gbe uẹ ua sokpan ohan ruẹn keghi to mwẹ, I na wẹ I i ya obọ kan ruẹn hiehiere rhunmwuda, wẹ ọ re ọmwa ne Nọyaẹnmwa zẹe ne ọ gha re ọba.

I Samuẹl 24:12

E Nọyaẹnmwa ọ re ọ ghi bu ohiẹn ne ọ diyi vbe imẹ vbe ruẹ. Te ọ gha rria ruẹ ikhi ye emwi ne u ru mwẹ re na, rhunmwuda, mẹ i ra ya obọ mwẹ kan ruẹn hiehiere.

I Samuẹl 26:11

A wua ne Osanobua wẹ ne imẹ danmwẹ ọẹn ghe ne I ru ọba ne Osanobua maẹn emwi. Gie ima viọ asoro kevbe ọgọ amẹ ọnrẹn ne a kpao.”

I Samuẹl 26:23

E Nọyaẹnmwa ọ re ọ san iran ne emwa ẹmwata ni ru emwi ẹse, ẹse. Ẹrẹna nian, ọ rhie ruẹ yo mwẹ obọ sokpan I ma ru uẹ emwi rhọkpa, wẹ ne Nọyaẹnmwa ma ẹre ọba.