Psalm 17:15 - Edo Bible (E Baibol Ẹdo) Version 1996

¹⁵ Sokpan, mẹ gha miẹn uwẹ aro, rhunmwuda, I ma ru khọ. I gha rhiọrre, ẹko mwẹ gha vuọn ne oghọghọ rhunmwuda ighe wẹ rre evba.

Psalm 17:15 ပူးပေါင်းရင်းမြစ်များ

Job 14:12

emwa ghi wulo, iran i ghi rhiọrre ọvbehe, iran i ra rueghe egbe vbe ovbe ne iran ye.

Psalm 11:7

Ọmwata ọ re Nọyaẹnmwa khin, ọ ho ẹmwẹ iwinna esi. Iran ni yin vberriọ, gha yin ehe ne ọ ye.

Psalm 119:111

Iyi ruẹ, ẹfe etẹbitẹ mwẹ nọ, emwi ọyẹnmwẹ uwa ọ re ọ khin mwẹ re.

Psalm 16:11

Wẹ gha ma mwẹ odẹ ne ọ rriẹ arrọọ, I vuọn ne ọyẹnmwẹ rhunmwuda ighe u rre emwa na, u vbe rhie oghọghọ mẹ ẹdẹdẹmwẹdẹ.

Psalm 49:14

A tae nẹ ighe te iran ra wulo zẹvbe ohuan, uwu, ọ re ọ ra gha re ọsuohuan iran. Obọ ọmwata gha ke ukhunmwu ne iran, vbe ikinnegbe iran a gha kẹkẹ ua ẹgiẹgiẹ, vbe ẹvbo avbe orinmwi, ehe ne ọ rrei ne owa iran ẹsẹse.

Psalm 5:7

Sokpan, rhunmwuda ahoẹmwọmwa ruẹn nọkhua, mẹ gha sẹtin gha die uwu owa ruẹ. I gha sẹtin ga, vbe uwu ọgua Osa ruẹ ne ọ huanrẹn, mẹ ghi vbe ya ọghọ ghughẹrre nuẹn.

Psalm 65:4

Afiangbe ọrọre ọghe iran ne uwẹ hannọ zẹ, ne uwẹ vbe viọ gha dee do di owa ruẹ ne ọ huanrẹn ya emwi esiesi ni rre owa ruẹ gha sẹ ima ọkẹn, afiangbe ọghe Ọgua Osa ne ọ huanrẹn ruẹn.

Aizaia 26:19

Iran ni wulo nẹ vbe emwa ima, gha dọlegbe gha rre agbọn! Ikun iran gha dọlegbe rhiọrre. Iran hia ni vbiẹ vbe uwu idin iran, gha kpaegbe so ihuan oghọghọ. Zẹ vbene evbu ni fi wainwain ye otọ agbọn rọkhọ, erriọ Nọyaẹnmwa gha huẹn iran ni wulo arria nẹ usin kpaegbe.

Jerimaia 31:26

Ẹghẹ nii, emwa ghi gha kha wẹẹ, ‘I ya lovbiẹ, I keghi rhiọrre vbe egbe rọkhọmwẹ.’

Nọmbas 12:8

Rhunmwuda onii ọ re I na gu ẹe guan vbe ghe aro mwẹ ghe aro uẹ, vbe ne a gbẹe ẹho, ighẹ ẹ i re itan ne a kpa, uhin ighẹ rẹn deghẹ a kpa mwẹ nẹ! Vbọzẹ ne ohan na gie uwa talọ ku e Mosis ne ọguọmwadia mwẹ?”

Matiu 5:6

Ọ maa ne iran ni rhiegba ye ẹmwẹ ne a ru nọ yẹ Osa, Osanobua gha gie ẹko vuọn iran fẹfẹfẹ!

II Kọrinti 3:18

Ma hia fẹẹrẹ khekherriọ, ọre ọ rhie uyi Nọyaẹnmwa maa vbe aro ne a ma rhie emwi gue. Nene uyi ọkpa nii, ghi ke ehe ne Nọyaẹnmwa, ne ọre nene Orhiọn ye rre, do fi ima werriẹ khian vbene irẹn ye, vbe uyi ne ọ kpọlọ sẹ ọna ẹsẹse.

Filipai 3:21

Rẹn ghi fi egbe ne mitan mitan ne ọ sẹtin wu ọghomwa na werriẹ, ọ ghi yae khian vbene egbe uyi ọghe irẹn ye, vbe ekpa ẹtin nii ne irẹn ya sẹtin viọ emwi hia ye ototọ asẹ ọghọe.

Jọsua 24:15

A deghẹ wa i ho ne uwa ga e Nọyaẹnmwa, wa tae ẹrẹna nian ọmwa ne uwa gha ga, adeghẹ avbe ẹbọ ne avbe erha uwa gha ghoo vbe Mẹsopotamia nọ ra avbe ẹbọ ivbi Amọri ne uwa rre otọ ẹre. Sokpan, zẹ vbe ọghomwẹ kevbe ẹgbẹe mwẹ, e Nọyaẹnmwa ma gha ga.”

Arhie Maan 21:23

Ẹvbo ni i mwẹ emwi ne ọ ya owẹn ru ra uki ne ọ gha baa vbọ rhunmwuda, uyi ọghe Osanobua ọre ọ viọ asan yọ. Oteghe Ohuan nii ọre ọ vbe re ukpa ne ọ rrọọ.