Psalm 17:14 - Edo Bible (E Baibol Ẹdo) Version 1996

¹⁴ fanmwẹ ye otọ vbe obọ iran ne emwi agbọn na ne iran ho hia, sẹ ọre obọ. Ya usẹ ne u ghae ye otọ khẹ iran rri iran oya. Te ọ gha vbe sẹ avbe ivbi iran obọ vbọ ne a ye vbe sẹ eso rae khẹ eyẹ iran.

Psalm 17:14 ပူးပေါင်းရင်းမြစ်များ

Job 12:6

Avbe oyi kevbe emwa ni ma rẹn Osanobua, ghi gha rrọọ vbe ọfumwegbe. A gha rhe miẹn wẹ, ẹtin obọ iran ọrọre Osanobua iran.

Job 12:9

Iran hia rẹnrẹn ighẹ obọ e Nọyaẹnmwa ọ re ọ yi iran.

Job 21:21

Ọmwa gha wu nẹ, ọ gele ye vbe kan irẹn ra adeghẹ agbọn ma ivbi ẹre?

Job 22:18

Vbe rriọ Osanobua, ọ re ọ zẹ agbọn ne ọ maa iran, mẹ ma rẹn vbene emwa dan ro iro hẹ.

Psalm 39:6

Ọ ma vbe gberra aghọnghọn, emwi ne ọ ru kẹkan ehia khin, ọ si ẹfe koko, ọ ma vbe rẹn ọmwa ne ọ gha viọ ẹre.

Psalm 73:12

Erriọ iran ne emwa dan ye. Iran mwẹ emwi ọrhẹnrhẹn te iran ye miẹn nibun ba ẹre.

Itan 2:4

Ye ẹtin hia gualọ ẹe, vbene u gha ya gualọ esiliva ra emwi ighobioye ne a rhie lẹre.

Matiu 13:44

“Arriọba ẹrinmwi yevbe emwighobioye ne a rhie lẹre ye uwu oha. Ugbẹn vbe okpia ọkpa ghi domian miẹn ọẹn, ọ keghi hẹko dọlegbe zẹ ekẹn gue ẹre. Vbene ọ ghi ye ọre sẹ, ọ keghi wa ya khiẹn emwi hia ne ọ mwẹ, ọ ke ya dẹ ako oha ni.

Iyẹn ne ọ Maan Ọghe Luk 16:25

Sokpan Ebraham tama rẹn wẹẹ, ‘Ovbi mwẹ, yerre wẹẹ, ẹghẹ ne uwa na rre agbọn, emwi ne ọ ghi maa sẹ hia ke wa gha re ọ wuẹ, emwi ne ọ ghi rhia sẹ hia kegha re ọghe Lazarọs, eban nian, egbe rọkhọ irẹn sokpan wẹ rre uwu obalọ.

Iyẹn ne ọ Maan Ọghe Luk 16:8

Arowa ọdia ẹkẹ vbe iwẹnwẹn na keghi tian rẹn ye ogie ẹwaẹn ne ọ wan rẹn na rhunmwuda, emwa ne agbọn ye ogiẹwaẹn ye obọ mu iwinna iran ẹse sẹ iran ne ivbi uwanmwẹ.”

Iyẹn ne ọ Maan Ọghe Jọn 15:19

Akpawẹ ọghe agbọn na uwa khin, agbọn na gha ho ẹmwẹ uwa zẹ vbe ọghe ẹe. Sokpan mẹ hannọ uwa zẹ hin uwu agbọn na rre nẹ, wa i ghi vbe re ọghe ẹe ọvbehe, ọnii ọ zẹẹ ne agbọn na khuiwu uwa.

Iyẹn ne ọ Maan Ọghe Jọn 17:14

I ta uhunmwu ne u gie mwẹ re ma iran nẹ, agbọn na gha khọ ẹko iran, rhunmwuda iran i re ọghe agbọn na zẹ vbe ne imẹ i vbe re ọghe agbọn na.

Iyẹn ne ọ Maan Ọghe Jọn 8:23

Jesu wanniẹn wẹẹ, “Ototọ vbe emwana ọre uwa ke rre, sokpan, odukhunmwu mẹ ke rre. Agbọn na ọre uwa ke rre, sokpan, ẹ i re agbọn na mẹ ke rre.

Jems 5:5

Ẹdẹ agbọn uwa vbe agbọn na keghi re ne ọ vuọn ne uyinmwẹ ọmọ ne ọ fuẹn ukhu kevbe uwa sẹ mwẹ obọ nẹ. Wa keghi ya egbe uwa khian ni kpọlọ khẹ ẹdẹ ne a gha gbe emwi.