Psalm 17:13 - Edo Bible (E Baibol Ẹdo) Version 1996

¹³ Gha dee, Nọyaẹnmwa, gu avbe eghian mwẹ gbinna, ne u khọn miẹn iran otọ, ya umozo ruẹ fan mwẹ hin obọ iran, ne emwa dan;

Psalm 17:13 ပူးပေါင်းရင်းမြစ်များ

Psalm 10:12

E Nọyaẹnmwa, rri avbe emwa dan na oya. Ye avbe emwa ne oya re rre.

Psalm 119:126

E Nọyaẹnmwa, ẹghẹ sẹe nẹ nian ne u ru emwi eso, rhunmwuda, emwa wa rra iyi ruẹ.

Psalm 22:20

Miẹn mwẹ fan hin umozo rre, vbe miẹn orhiọn mwẹ hin obọ avbe ekita na rre.

Psalm 3:7

E Nọyaẹnmwa, larre! Osanobua mwẹ do miẹn mwẹ fan. Rri avbe eghian mwẹ hia oya ne iran ghẹghi sẹtin kuan mwẹ egbe ọvbehe.

Psalm 44:23

Rhiọrre, Nọyaẹnmwa, vbọzẹ ne u na vbiẹ yi? Guọnmwẹ egbe kpaegbe; ghẹ he ima ye otọ rhinrin ẹdẹ.

Psalm 44:26

Gha dee do yi ima obọ rhunmwuda ahoẹmwọmwa ruẹn ne ẹ i beghe miẹn mwa fan.

Psalm 7:6

Guakpao vbe ohu ruẹ Nọyaẹnmwa. Kpaegbe mu aro igbinna da okuosu avbe eghian mwẹ, guọnmwẹ egbe ne u do yọmwẹ obọ. Ohiẹn ẹmwata ọre uwẹ gualọ.

Psalm 94:16

De ọmwa ne ọ gu emwa dan gbinna mẹ yi? Gha ọ mu ẹzọ mwẹ gu emwa ọkhọ gui?

Aizaia 10:15

Sokpan, e Nọyaẹnmwa khare wẹẹ, “Ughanmwa gha kha ighe rẹn ọ re ọ sẹ ọmwa ne ọ ya ẹe winna ra? Ọsara ọ re ọ vbe kpolo sẹẹ ọmwa ne ọ yae va erhan ra? Orhokhua i tọn ọmwa mu, ọmwa ọ re ọ tọn orhokhua mu.”

Aizaia 10:5

E Nọyaẹnmwa keghi kha wẹẹ, “Asiria, te imẹ lo Asiria zẹ vbe orhokhua ne I ra ya rria iran ne ohu ẹre mu mwẹ ikhi.

Aizaia 13:5

Ẹvbo ne ọ rrei ẹsẹse vbe odẹ ehe ne agbọn sẹe ọ re iran ke dee. Vbe uwu ohu ẹre, e Nọyaẹnmwa dee do duẹ ẹvbo nii hia a.

Aizaia 37:26

“Wẹ ma he họn ra ighẹ mẹ ọ re ọ mwamwa emwi na hia ke ẹghẹ ne ọ kpẹre gha dee? Banbanna nian, te I ghi do mu ẹẹn sẹ. Mẹ ọ re ọ rhie ẹtin ne uẹn ne u ya ye ẹvbo ne a gba odin gaa khian otiku emwirhiae.

Aizaia 51:9

Rhiọrre Nọyaẹnmwa ne u yima obọ. Lo ẹtin ruẹn ne u ya miẹn ima fan, lo ẹre vbene u lo ẹre ẹkpo nẹdẹ. Wẹ ọ re ọ giagia Rehab ne Ugbogiorinmwi okun giẹghẹgiẹghẹ.

Habakọk 1:12

E Nọyaẹnmwa, ke omuhẹn fẹẹrẹ gha dee, wẹ ọrọre Osanobua. Wẹ ọrọre Osanobua mwẹ, nọhuanrẹn kevbe etẹbitẹ. Nọyaẹnmwa, Osanobua kevbe ọmwa ne ọ degue mwẹ hin ẹbe rre, wẹ hannọ ivbi e Babilọn zẹ, u keghi ya iran wegbe ne iran miẹn ehe na gha rri ima oya.

Iwinna 4:28

Iran si egbe koko, ne iran ru avbe emwi ni ne uwẹ ya ẹtin ruẹn kevbe iho ọwuẹ ta ye otọ nẹ wẹẹ, ọ gha sunu.