Psalm 17:1 - Edo Bible (E Baibol Ẹdo) Version 1996

¹ Nọyaẹnmwa, danmwehọ erinmwian ne I rinmwian wẹ, ne a bu ohiẹn ẹmwata mẹ; zẹ ye utumwẹ ne I tu ne I ya nọ iyobọ, danmwehọ erhunmwu akekhọerre mwẹ.

Psalm 17:1 ပူးပေါင်းရင်းမြစ်များ

II Samuẹl 22:24

Rẹn rẹnrẹn wẹ, I i mwẹ ozan, rhunmwuda, I bi egbe hin emwi dan rre.

II Krọnikol 7:15

I ghi gbe aro ghe Ọgua Osa na, I ghi vbe mu egbe ne I ya họn erhunmwu ne iran na vbe emwa,

Nehimaia 1:6

Ghe mwẹ Nọyaẹnmwa ne u họn erhunmwu mwẹ ne I na ne ivbi Izrẹl asọn kevbe avan. I miẹnkue wẹ ma ne ivbi Izrẹl ru orukhọ. Mẹ kevbe avbe erha mwẹ odede ru orukhọ.

Job 16:17

Sokpan, I ma rria abe uyinmwẹ ikẹtin, erhunmwu ẹmwata ọ re I na ghe Osanobua.

Psalm 102:2

I gha rre uwu ọlọghọmwa, ghẹ fi iyeke gbe mwẹ! U ghi danmwehọ mwẹ, ne u zẹmwẹ wanniẹn mwẹ ẹgiẹgiẹ vbe I a gha tie!

Psalm 140:12

E Nọyaẹnmwa, mẹ rẹnrẹn wẹ, wẹ ọ re ọ mu ẹzọ ovbiogue gui, kevbe emwi ne ọ khẹke ne ẹ i mwẹ.

Psalm 142:1

I kpe tie Nọyaẹnmwa wẹ ne ọ yọmwẹ obọ; I kakabọ rinmwian ẹẹn.

Psalm 142:6

Rhie ehọ ye eve ne I viẹ ya nọ iyobọ, isonrhiọn i ghi rrọ mwẹ re hiehiere. Miẹn mwẹ fan hin obọ avbe eghian mwẹ rre, iran wegbe sẹ mwẹ gbe.

Psalm 143:1

Nọyaẹnmwa, họn erhunmwu mwẹ! Họn erinmwian mwẹ, rhunmwuda ẹmwata ruẹ!

Psalm 145:18

Ọ sikẹ iran ni kpe tie ẹre, iran ni ya ẹko ata kpe tie ẹre.

Psalm 18:20

E Nọyaẹnmwa san mwẹ ẹse, rhunmwuda I ru emwi ne ọ kere, ọ fiangbe mwẹ rhunmwuda ighe I ma rria abe.

Psalm 18:44

Avbe orhunmwuyẹn ghi gha diguẹ mẹ. Iran gha họn urhu mwẹ iran ghi gha ru vbene I khare.

Psalm 43:1

Osanobua, bu asẹ mẹ, ne u mu ẹzọ mwẹ gui vbe ehe ne iran ne emwa dan ye; miẹn mwẹ fan vbe obọ emwa dan, kevbe avbe ọhọn ohoghe nii.

Psalm 5:2

Danmwehọ utumwẹ ne I tu ya nọ iyobọ Osanobua mwẹ kevbe ọba mwẹ! Wẹ ọ re I na erhunmwu ghe Nọyaẹnmwa,

Psalm 54:4

Sokpan, Osanobua ọrọre ne ọ yọmwẹ obọ, Nọyaẹnmwa ọrọre ne ọ gbinna mẹ.

Psalm 55:18

Ọ gha rhie mwẹ ke okuo ne I gu eghian nibun khọn gha die owa vbe egbe hẹnnẹdẹn.

Psalm 61:1

Họn eve mwẹ Osanobua rhie ehọ ye erhunmwu mwẹ.

Psalm 61:2

Vbe uwu idaehọ fo, ke a khian rrei vbe owa, ọ re I na kpe tie ruẹ na! Rhie mwẹ gha rriẹ ehe ne a lẹre yi miẹn uhunmwu,

Psalm 66:19

Sokpan Osanobua gele họn ọghomwẹ nẹ, ọ vbe danmwehọ erhunmwu mwẹ.

Psalm 7:8

Wẹ ọrọre nọbuohiẹn emwa hia. Bu asẹ mẹ Nọyaẹnmwa. Wẹ rẹnrẹn wẹ mẹ ma rri abe.

Psalm 84:9

Osanobua, fiangbe ọba mwa Ọba ne uwẹ hannọ zẹ.

Psalm 86:1

Danmwehọ mwẹ Nọyaẹnmwa, ne u rhie ewanniẹn mẹ, rhunmwuda mẹ ma wegbe, ẹtin vbe fo mwẹ nẹ.

Psalm 86:6

Nọyaẹnmwa, danmwehọ erhunmwu mwa họn utumwẹ ne I tu ya nọ iyobọ.

Psalm 88:3

Ọlọghọmwa ni rhurhẹ yan mwẹ, bun sẹrriọ wẹ, te I ghi sikẹ uwu.

Aizaia 29:13

E Nọyaẹnmwa khare wẹẹ, “Iran na khare wẹ mẹ ọ re iran ga, sokpan, ẹmwẹ iran i mwẹ emwi ne a yae kha, ehe ọvbehe ọ re ekhọe iran ye. Ugamwẹ iran ma gberra uhi emwa nagbọn kevbe ilele ọghe erriọ a ka ru ẹẹ dee ẹdẹ, ne iran ruẹe ye uhunmwu.

Jerimaia 3:10

Vbe iyeke ena hia, e Juda ne okhuo ne ọ ma guobọ ọdọ ne ọtẹn Izrẹl keghi ye ọvọvo bu mwẹ gha dee, ọ ma sẹ ọ re otọ ẹko hiehiere. Mẹ ne Nọyaẹnmwa ọ re ọ tae.”

Matiu 15:8

“ ‘Osanobua khare wẹẹ, Ukpunu iran na ya rho mwẹ sokpan ekhọe iran khian rrei mẹ ẹsẹse.

Iyẹn ne ọ Maan Ọghe Jọn 1:47

Ugbẹn vbe Jesu ghi bẹghe Nataniẹl Vbe ọ bu ẹre dee, ọ wẹẹ, “Ghe Ovbi Izrẹl vbe ẹmwata, ẹko ne ero i ye.”

I Jọn 3:21

Rhunmwuda ọnii, wa ne ọse mwẹ ni ghaan, a deghẹ orhiọn mwa ma bu abe gbe mwa, ẹtin ghi gha rre ima iwu vbe odaro Osanobua.