Psalm 16:7 - Edo Bible (E Baibol Ẹdo) Version 1996

⁷ I rhie urhomwẹ ne Nọyaẹnmwa rhunmwuda, rẹn ọ re ọ dia mwẹ, ẹdẹ gha mu nẹ, ekhọe mwẹ ghi gha ya obọ sekhae mẹ.

Psalm 16:7 ပူးပေါင်းရင်းမြစ်များ

Psalm 119:148

Te I rhan aro ua ye ukpo ne ẹdẹ gbe, ne I ya gha mu ẹmwẹ iyi ruẹ ro.

Psalm 119:55

I ye ruẹ rre vbe asọn, Nọyaẹnmwa, I ghi vbe mu ẹmwẹ uhi ruẹ roro.

Psalm 119:7

Zẹ vbene I ruẹ ibuohiẹn ẹmwata ruẹ I gha ya ekhọe ne ọ rriẹe rho ruẹ.

Psalm 17:3

U gba ekhọe mwẹ. Wẹ ka bu mwẹ rre yi vbe asọn, u gualọ otọ mwẹ fo fẹẹrẹ. U ma vbe miẹn iho emwi dan vbe uwu ekhọe mwẹ, I ma ta ẹmwẹ dan.

Psalm 22:2

Vbe ẹghẹ avan, mẹ datu tie ruẹ Osanobua mwẹ, sokpan, u ma khuẹnniẹn mwẹ. I tu tie vbe asọn, sokpan, I ma miẹn ikẹtin.

Psalm 42:8

E Nọyaẹnmwa, ne ọ gie aho ẹmwẹ ọmwa rẹn ne ẹ i beghe rhie egbe maa vbe ẹghẹ avan. Ne i miẹn ehe ne miẹn ihuan so vbe asọn, erhunmwu ghe Osanobua ẹdagbọn mwẹ.

Psalm 63:6

I gha lovbiẹ vbe ukpo mwẹ, I ghi gha mu ẹmwẹ ruẹn ro vbe asọn hia.

Psalm 73:21

Ẹghẹ ne iro ekhọe mwẹ na gha rriara, ne egbe ne ọ ma mwẹ emwi na balọ mwẹ,

Psalm 73:24

U ya ẹmwẹ igiodẹ ruẹ su mwẹ, u ghi ya ọghọ da obọ miẹn mwẹ vbe okiekie.

Psalm 77:2

Vbe ẹghẹ ọlọghọmwa I na erhunmwu ghe Nọyaẹnmwa, vbe asọn biiri I keghi viọ obọ mwẹ da odukhunmwu gha na erhunmwu. Sokpan, egbe ma ye rọkhọ mwẹ.

Psalm 77:6

I ye asọn ni ro iro ne ọ dinmwi, ugbẹn vbe I rria ẹre vbe ekhọe mwẹ I keghi nọ egbe mwẹ wẹẹ,

Itan 8:14

I gha zẹ iro emwi, I ghi vbe ru ẹe, I mwẹ irẹnmwi, I vbe wegbe.

Aizaia 26:9

Vbe asọn, I ya ekhọe gualọ uwẹ khian; wẹ gha bu ohiẹn agbọn kevbe emwa ni rrọọ iran gha rẹn emwi ne a ya ohiẹn ẹmwata kha.

Aizaia 48:17

Osanobua Nọhuanrẹn ọghe Izrẹl, e Nọyaẹnmwa ne ọ miẹn uwa fan khare wẹẹ, “Mẹ ọrọre Nọyaẹnmwa ne Osanobua uwa ọmwa ne ọ ho ne ọ ma uwa emwi ne umamwẹ uwa, ne ọ vbe gha su uwa lele odẹ ne uwa gha la.

Aizaia 50:4

E Nọyaẹnmwa ne Udazi tama mwẹ ẹmwẹ ne I gha ta nẹ, ne I miẹn ehe na rhie ẹtin ne ne egbe wọre. Owiẹ owiẹ ọ re ọ ya gie ẹe gha bọbọmwẹ egbe ne I họn ẹmwẹ ne ọ gha ma mwẹ re.

Jerimaia 12:2

U gbọ iran, iran keghi zẹlẹ inian iran wan rẹn, iran keghi mọ. Ẹghẹ hia iran ya so eni ruẹn ne ọ maa sevba, iran i mobọ zẹ ye uwẹ re.

Jerimaia 17:10

Mẹ ne Nọyaẹnmwa ọ re ọ gualọ otọ ẹko ghe, I vbe gualọ otọ ekhọe ọmwa, vbe ne dọmwadẹ ọghọe ru emwi, ọ re I vbe ya ye ohọ mu ẹẹn. Zẹ vbene emwi ne ọ ru vbe ye.”

Iyẹn ne ọ Maan Ọghe Luk 6:12

Ọ ghi sẹ ẹghẹ ni, Jesu keghi hin uhunmwu oke ne ọ ya na erhunmwu ghe Osanobua vbe evba.

Arhie Maan 2:23

I gha vbe gbele ẹre emọ, ẹghẹ nii, avbe esọsi hia ghi do rẹn wẹ, mẹ ọrọre ọmwa ne ọ rẹn iro ne ọmwa zẹ vbe ekhọe ẹre kevbe emwi ne ọ hoo. I gha do hae ne edọmwadẹ ọghọe vbe uwu uwa zẹ vbe iwinna ne uwa winnaẹn.