Psalm 16:5 - Edo Bible (E Baibol Ẹdo) Version 1996

⁵ Wẹ ọkpa ọre I mwẹ Nọyaẹnmwa, wẹ vbe viọ emwi ne I i mwẹ hia mẹ. Ẹdẹ nakhuẹ mwẹ, obọ ruẹ ọre ọ ye.

Psalm 16:5 ပူးပေါင်းရင်းမြစ်များ

Psalm 11:6

Ọ ghi rhurhẹ erhẹn ẹyin ne ọ giẹn kevbe isonwẹn ne ọ tọn yan emwa dan. Ọ ya ẹhoho ne ọ tọn rri iran oya.

Psalm 116:13

I gha mu ayọn izọhẹ gie Nọyaẹnmwa, ne I ya kpọnmwẹ ọẹn ye ne ọ na miẹn mwẹ fan.

Psalm 119:57

Wẹ okpa ọ re I ho Nọyaẹnmwa, I yan rẹn ighe I gha mu uhi ruẹ sẹ.

Psalm 125:3

Avbe emwa dan i ra wa gha khaemwisẹ, yan otọ emwa ẹmwata ẹdẹdẹmwẹdẹ; iran gha ru vberriọ, iran ne ẹmwata tobọ iran sẹtin ya ru emwi dan.

Psalm 132:11

Ekhọekekhọe ọ re u ya ve Devid emwi, ive ne uwẹ i ra siẹn wẹẹ, “I gha ya ọkpa vbe uwu avbe ivbuẹ nikpia rri ọba, rẹn gha vbe rri ọba lele uwẹ.

Psalm 142:5

Nọyaẹnmwa, I kpe tie ruẹ ne u yọmwẹ obọ, wẹ, e Nọyaẹnmwa, ọrọre ne ọ rhie mwẹ lẹre, wẹ ọrọre emwi okpa ne I ho vbe agbọn na.

Psalm 2:6

Ọ keghi kha wẹẹ, “Mẹ rhie ọba mwẹ ye ẹkete nẹ, vbe Zaiọn ne oke mwẹ ne ọ huanrẹn.”

Psalm 23:5

Wẹ ye evbare mẹ re, sirra iran ne eghian mwẹ. Wẹ mu ọghọ orhunmwuyẹn yọ mwẹ egbe u keghi sa ukpu mwẹ ne ọ vuọn sẹ ukpẹ.

Psalm 73:26

Egbe sẹtin wọ mwẹ ne ẹtin vbe fo mwẹ, sokpan, Osanobua ọrọre ẹtin mwẹ emwi okpa ne I gbinna ho ọrọre irẹn.

Psalm 89:4

‘Ovbi uniẹn ruẹn ọ re ọ ra gha rri ọba khian. I gha gbe ẹbe gue uniẹn ruẹn ni rri ọba ẹdẹdẹmwẹdẹ!’ ”

Psalm 9:4

Ohiẹn nọgbae, ne ẹi ghe ikpanro, ọre uwẹ bu, wẹ bu asẹ mẹ nẹ.

Aizaia 42:1

E Nọyaẹnmwa khare wẹẹ, “Ọnọna ọrọre ọguọmwadia mwẹ ne I rhie ẹtin ye ọre iwu, ọmwa ne imẹ zẹe, ne ẹko mwẹ vbe rhiẹnrhiẹn ghe. Mẹ ya orhiọn mwẹ vuọn irẹn nẹ, ọ gha rhie ohiẹn ẹmwata la dọmwadẹ uhunmwu ẹvbo.

Aizaia 53:12

Rhunmwuda ọnii, mẹ gha rhie ẹre ye ukpo uyi ọ ghi gha mwẹ ihe vbe uwu ẹbu iran ni kọnkọn ni mwẹ ẹtin. Ekhọe obọ ẹre ọ re ọ ya rhie ẹdagbọn rẹn yotọ ọ keghi ya egbe miẹn vbe emwi ne ọ rruan emwa dan. Ọ rhie ihe emwa orukhọ nibun. Ọ na na erhunmwu wẹ ne a yabọ iran.”

Jerimaia 10:16

Osanobua Jekọb i ye vbe iran, rẹn ọrọre ọmwa ne ọ yii emwi hia, ọ keghi hannọọ Izrẹl zẹẹ ne iran gha re emwa obọ ẹre. E Nọyaẹnmwa ne Oghodua ọ re a tie ẹre.

Eve Orriara 3:24

Mẹ i mwẹ emwi ọvbehe gberra e Nọyaẹnmwa rhunmwuda ọnii, uwu irẹn ọ re idaehọ mwẹ ye.

Iwinna 2:32

“Jesu ne a kha na, Osanobua huẹn ọnrẹn kpao vbe idin, ma na hia ọre osẹe ne aro ẹre sẹ ọe.

Iwinna 5:31

Osanobua keghi tọn ẹn mu gha rrie obọ erha ọmwa ẹnrẹn zẹ vbe ọkaolotu kevbe Ọmiọnmwafan, ne ọ miẹn ehe na rhie ẹghẹ ne ivbi Izrẹl ya ro iro fi uyinmwẹ werriẹ, ne a miẹn ehe na ya orukhọ iran bọ iran.

I Kọrinti 15:25

Rhunmwuda, ẹ i mwẹ Kristi ma gha khaemwisẹ rhinrin Osanobua te do khọn miotọ vbe uhunmwu eghian hia, ọ ghi vbe viọ ehia ye ototọ owẹ ọre.

Ẹfisọs 5:18

Ghẹ da ayọn gbe egbe, rhunmwuda te ọ ra miẹn ruẹn uhunmwu, sokpan gha re ne ọ vuọẹn ne Orhiọn.

Diuteronomi 18:2

A ghẹ mu otọ ne iran zẹ vbene a ghae ne emwa nekpa, ukpo ohẹn nii ọrọre ọghae iran, zẹ vbe ne Nọyaẹnmwa yan rẹn.

Diuteronomi 32:9

Sokpan ọ zẹ ivbi e Jekọb zẹ vbe ọghe ọe.

Jọsua 22:25

E Nọyaẹnmwa ye Jọdan ye uwu ye ẹkpo ima kevbe uwa.’ Ẹghẹ nii, ivbi uwa ghi da ivbi ima obọ yi wẹ ne iran ghẹ ghi ga e Nọyaẹnmwa.

Jọsua 22:27

Sokpan ne ọ gha re ama ne otu ima eveva ke orre ne ọ gha rre vbe iyeke mwa wẹ te ima ga e Nọyaẹnmwa vbe ekpa ne a na giẹn ese mwa, kevbe ese ne a zọọ, kevbe isara. Te ima wẹ ne a ye ọna ru ẹe ne ivbi uwa ghẹ ya tama ima ẹdẹ ne ọ dee wẹẹ, ‘Ẹmwẹ e Nọyaẹnmwa ma kan uwa.’