Psalm 15:5 - Edo Bible (E Baibol Ẹdo) Version 1996

⁵ Ọ rhie ne emwa mọmọ vbene ẹi na vbe nọ igho isu. Ai vbe sẹtin ya igho dẹ ọe, ne ọ se osẹ gbe nọ ma rukhọ. Ọmwa ne ọ ru emwi na hia, te ẹkun gha sẹ ọre otọ vbe ẹdẹ hia.

Psalm 15:5 ပူးပေါင်းရင်းမြစ်များ

Psalm 106:3

Afiangbe ọrọre ọghe iran, ni mu iyi ẹre sẹ, iran ni ru emwi ne ọgbae vbe ẹghẹ hia.

Psalm 112:6

Ọmwa esi i gbe ihoi ẹdẹ, te a gha ye ẹre rre rhinrin ẹdẹ.

Psalm 16:8

Ẹghẹ hia mẹ ya rẹn wẹ, Nọyaẹnmwa rre emwa na. Ọ sikẹ mwẹ, emwi ne ọ gha mu mwẹ rueghe ighi rrọ.

Psalm 55:22

Zẹ ọlọghọmwa ruẹn obọ ne Nọyaẹnmwa, rẹn gha gbinna ne uẹn, ẹ i kue ne a mu ọmwa esi gbotọ

Ẹksọdọs 22:24

Ohu gha wa kakabọ mu mwẹ, I ghi gbele uwa a vbe okuo. avbe amwẹ uwa ghi khian ẹgbẹe, ivbi uwa ghi khian emọ ne ẹ imwẹ erha.

Ẹksọdọs 22:25

“A deghẹ wa rhie igho ne emwa mwẹ mọmọ, ne iran ne ivbiogue vbe uwu uwa, wa ghẹ ru zẹ vbe ọmwa ne ọ rhie igho isu ne ọmwa, wa ghẹ wẹ ne ọ su ẹe rre.

Itan 10:30

Te ẹkun sẹ ẹmwata otọ vbe ẹghẹ hia, sokpan, ọmwa dan i miẹn uhunmwu vbe otọe nii.

Itan 12:3

Uyinmwẹ dan i gie ẹkun sẹ ọmwa otọ, sokpan, ọmwa ẹmwata ghi mudia gbain.

Itan 15:27

Hia ne u ya la odẹ ero gha khuan viọ ye ẹkpo, u gha si ẹti ye igiowa ruẹ egbe. Ghẹ miẹn ọmwa igho odieke, u gha wa tọ.

Aizaia 33:15

Wa gha miẹn uhunmwu adeghẹ wa ta, wa na vbe gha ru emwi ne ọgbae. Wa ghẹ ya ẹtin uwa gbe ovbiogue rhu, wa ghẹ miẹn igho erinmwian odieke. Wa ghẹ yegbe ba iran ni kun vbene iran gha do izigha hẹ ra ne iran ru emwi dan ọvbehe.

Ezikiẹl 18:17

Ọ lẹ hin orukhọ ne a ru rre, ẹ i vbe rhie igho isu ne ọmwa mọmọ. Ọ rhi uhi mwẹ mwẹ, ọ keghi vbe ya iyi mwẹ ru emwi. Ẹ i ra wu ye orukhọ erha ẹe sokpan, te ọ gha rre agbọn.

Ezikiẹl 18:27

Ọmwa dan gha dobọ orukhọ ne ọ te ru yi, ọ na gha ru vbe ne ọ kere ke ne ọ hẹnhẹn, te ọ sinmwi uhunmwu ẹnrẹn ye agbọn.

Ezikiẹl 18:8

Ẹ i rhie igho isu ne ọmwa. Ọ he ne ọ ru orukhọ, ọ vbe ta uhunmwu ẹmwẹ vbe ẹmwẹ ne a wẹ ne a guan yi hia.

Ezikiẹl 22:12

Eso vbe uwu avbe emwa uwa de izigha ya miẹn igho. Eso miẹn igho isu vbe ivbi Izrẹl ne ihua iran ne iran rhie igho na, iran ghi do ye ne iran na mu iran vbuẹvbuẹ fe. Iran mianmian mwẹ nẹ. E Nọyaẹnmwa ne Udazi guaan nẹ.

Maika 7:3

Te emwi dan ne a ru wa gua iran hia obọ ro. Avbe ekhaẹmwẹ kevbe iran ni bu ohiẹn wa rri igho odieke. Ọmwa ne ọ hin usi ghi tama iran emwi ne irẹn ho, rhunmwuda ọnii, iran ghi gba si uma dan kugbe.

Matiu 26:15

Ọ tama iran wẹẹ, “I gha rhie Jesu ye uwa obọ, de emwi ne uwa gha rhie mẹ?” Iran keghi ka agiẹghẹ igho ẹrọnmwọ ọgban hẹ ye orre obọ.

Iyẹn ne ọ Maan Ọghe Jọn 13:17

Wa rẹn ẹmwata ne ọ rrọọ nẹ nian. U miẹn vbe agbọn uwa gha rhiẹnrhiẹn hẹ deghẹ wa rhie obọ lele ẹe ya gha yin.

Diuteronomi 16:19

Wẹ ne iran ghẹ bu ohiẹn ne ẹ i re ẹmwata ra ne iran ghe ikpanro, iran ghẹ vbe miẹn ọmwa oko odieke rhunmwuda te oko odieke rhu emwa aro, uhin ke ọghe umẹwaẹn kevbe emwa ẹmwata, ọ ghi ya iran gha khiẹn ohiẹn bu.

Diuteronomi 23:21

“U gha ru eyan emwi ne Nọyaẹnmwa Osanobua ruẹ, ghẹ fi iyeke gbe, vbe na i na ru emwi nii, e Nọyaẹnmwa gha ka ẹe yuẹ urhu ighẹ emwi ne u yanrẹn, orukhọ nọ a deghẹ a ma mu ẹẹn sẹ.

I Samuẹl 12:3

Ghe mwẹ vbe emwa na. A deghẹ I ru aghẹru, wa gun mwẹ gui ẹe nian vbe odaro e Nọyaẹnmwa kevbe ọba ne ọ zẹe. I miẹn ọmwaikọmwa ẹmila ra ekẹtẹkẹtẹ ra? Ọmwa ne I mu ru ra ne I ye obọ yẹn ọnrẹn ẹho rrọọ ra? De ọmwa ne I miẹn igho erinmwian vbe obọ ẹre? A deghẹ I ru emwi vbenian, I gha ha ẹre werriegbe ighẹ emwi ne I rhiere.”