Psalm 15:4 - Edo Bible (E Baibol Ẹdo) Version 1996

⁴ Ọmwa ne emwa ne Osanobua kan fua sọnnọ, sokpan, ọ ghi gha ya ọghọ ne iran ni họn ẹmwẹ ne Nọyaẹnmwa. Ọmwa ne ọ ru zẹ vbene ọ yanrẹn vbe ẹghẹ hia, ehe ne ọ rhirhi khọn rẹn ne ọ degbe.

Psalm 15:4 ပူးပေါင်းရင်းမြစ်များ

II Krọnikol 36:13

E Zedekaia keghi sọtẹ e Nebukiadneza ne ọba ne ọ ka ya ẹe vẹn Osanobua nẹ wẹ rẹn gha ya ẹkoata gha ga ẹe. Ọ keghi wa ya izevbudu he ne ọ roiro fi ekhọe werriẹ, ne ọ bu e Nọyaẹnmwa ne Osanobua Izrẹl gha dee.

Ẹsta 3:2

Ọba keghi tama avbe irriegie ẹre hia wẹ ne iran gha diguẹ vbokho uhunmwu rriotọ ya gha rhie ọghọ ne ẹẹn. Iran hia keghi gele gha ru vberriọ sokpan e Modekai ne ọ khare wẹ rẹn i ru ẹe.

Psalm 101:4

Mẹ i ra zẹ okeke, mẹ i ra vbe gu ọkhọ mu otu.

Psalm 101:6

Mẹ gha guan ẹse ye ọghe iran ni rhie ekhọe lele Osanobua, I gha gie iran gha rre ẹguae mwẹ. Iran ne ẹ i mwẹ okeke hiehiere I gha gie iran gha ru eguọmwadia mwẹ.

Psalm 119:63

Ọse iran hia ni gaa ọ re imẹ khin, iran hia ni ya uhi ruẹ ru emwi.

Psalm 16:3

Wẹ miẹn uyi ne ọ rre iran egbe. Ighe iran ni guobọ e Nọyaẹnmwa. Ne I gha rre uwu ẹbu iran, ọrọre ne ọ ghi sẹ mwẹ ọyẹnmwẹ sẹẹ.

Matiu 5:33

“Wa họn ẹn vbene a tama emwa hẹ ẹghẹ nẹdẹ wẹẹ, ‘U gha yan eyan, u ghi muẹn sẹ, u gha ya ihen ve emwi ye urhu vbe odaro Nọyaẹnmwa, ghe mwẹ u ma ruẹe.’

Iwinna 24:25

Sokpan Pọl ghi suẹn gha ta ẹmwẹ uyinmwẹ esi, a mu egbe ye ọghọ kevbe Ẹdẹ Ibuohiẹn, ohan kegha mu e Fẹlis, ọ na kha wẹẹ, “U sẹtin gha khian nẹ, I gha dọlegbe tie ruẹ vbe i a miẹn obọ.”

Iwinna 28:10

Iran keghi ya emwi ni bun ha oko gie ima. Ma ghi la okọ, iran keghi viọ emwi ne ọ gha sẹ ima lo vbe okhian ẹzẹ ni ye ima okọ.

I Jọn 3:14

Ma rẹnrẹn wẹ, ma lẹ uwu fe nẹ, ma keghi la uwu ẹfe. Ma rẹn ọna ye vberriọ rhunmwuda, ma ho ẹmwẹ etẹn mwa. Ọmwaikọmwa ne ẹ i mwẹ aho ẹmwẹ ọmwa, uwu uwu ọre ọ ye ye.

Giọgis 11:35

Rẹn keghi bẹghe ẹre, ọ keghi ye akhiẹ yanghan ukpọn ye egbe ẹre urhu, ọ na kha wẹẹ, “Eu, ovbi mwẹ! U kpan mwẹ udu nẹ, vbe a ghi na miẹn hẹ ighẹ wẹ ọ re ọ do si obalọ vbenian yọ mwẹ egbe. I ye ekhọe hia yan ma e Nọyaẹnmwa nẹ, ẹ i mwẹ I ma mu ẹẹn sẹ.”