Psalm 15:2 - Edo Bible (E Baibol Ẹdo) Version 1996

² Ọmwa ne ọ họn ẹmwẹ ne Osanobua vbe emwi hia. Ne ọ ru emwi ne ọ gbae ẹghẹ hia. Ne ẹmwẹ unu ẹnrẹn re ẹmwata kevbe ne ọ sẹ otọ ẹko

Psalm 15:2 ပူးပေါင်းရင်းမြစ်များ

Psalm 24:4

Iran ne emwa ni khuiae vbe emwi ne a ru kevbe iro ne a zẹ, iran ne ẹi ga ẹbọ, kevbe ne ẹi yan eyan ohoghe.

Psalm 84:11

E Nọyaẹnmwa ọrọre ne ọ degue mwa, kevbe ọba uyi, ne ọ ya itohan kevbe ọghọ fiangbe mwa. Ẹ i gban emwi ne ọ maa rhọkpa, hin obọ iran ni ru vbene ọ kere rre.

Itan 20:7

Emọ ni mwẹ erha ne ọ ta ẹmwata kevbe ne uyinmwẹ ọnrẹn vbe gba, uhunmwu esiesi ọ re iran khin.

Itan 28:18

Gha ta ẹmwata, u gha fe vbe obọ ẹbe. Adeghẹ u i ta ẹmwata, u gha de vbe udomwurri.

Aizaia 33:15

Wa gha miẹn uhunmwu adeghẹ wa ta, wa na vbe gha ru emwi ne ọgbae. Wa ghẹ ya ẹtin uwa gbe ovbiogue rhu, wa ghẹ miẹn igho erinmwian odieke. Wa ghẹ yegbe ba iran ni kun vbene iran gha do izigha hẹ ra ne iran ru emwi dan ọvbehe.

Aizaia 63:8

E Nọyaẹnmwa khare wẹẹ, “Emwa mwẹ ọ re iran khin, iran i ra rẹrẹ mwẹ.” Rhunmwuda ọnii, ọ keghi miẹn iran fan

Maika 2:7

Te uwẹ ro ighe te a fi ivbi Izrẹl unu ra? E Nọyaẹnmwa i ghi sẹtin ziengbe ra? Rẹn gha gele ru egbe emwi vberriọ ra? E i ghi gu iran ni ru emwi esi guan rọkhọrọkhọ ra?”

Iyẹn ne ọ Maan Ọghe Luk 1:6

Iran eva kegha yin ẹse vbe odaro Osanobua. Iran kegha ye iyi ke ilele Osanobua hia ru emwi.

Iwinna 10:35

Ọmwaikọmwa ne ọ mu ohan rẹn, ọ na vbe gha yin ẹse, te irẹn gha rhan obọ miẹn rẹn, ovbi ẹvbo ne ọ rhirhi gha khin.

Ebe ne Pọl gbẹẹn gie emwa Rom 2:10

Sokpan Osanobua gha rhie uyi, ọghọ, kevbe ọfumwegbe ne iran ne ẹ i re Ju.

Galatia 2:14

Ugbẹn vbe I ghi miẹn wẹ iran ma lele uviẹn ẹmwata, zẹ vbe ne ọ gha gu ẹmwata iyẹn ne ọ maa ro, I keghi tama Pita vbe sirra iran hia wẹẹ, “E Ju ọre uwẹ khin, sevba, ke ẹghẹ nii gha de, uyinmwẹ ọmwa ne ẹ i re Ju ọre u gha yin, ẹ i re ọghe Ju. Vbe u a ghi na ho hẹ nian ne u ye obọ yẹn ọmwa ne ẹ i re Ju ẹho ne ọ do gha ru emwi avbe Ju?”

Ẹfisọs 2:10

Osanobua ọre ọ yi mwa, vbe uwu a ku egbe kugbe ba Kristi Jesu, ọ keghi yi ima ye ẹdẹ agbọn iwinna esi, ne irẹn mwamwa ye otọ khẹ mwa ne a gha ru.

Ẹfisọs 4:25

Rhunmwuda ọnii nian, ohoghe ne a ta i ghi rrọọ, dọmwadẹ ọghọe ghi gha ta ẹmwata ma ọtiọnrẹn, rhunmwuda otu ọkpa ma hia koko khin vbe uwu egbe Kristi.

Kọlose 3:9

Wa ghẹ gha ta ohoghe ma egbe, rhunmwuda, wa ban egbe nẹdẹ mu fua nẹ, ke ẹe kevbe uyinmwẹ ọnrẹn.

Hibru 11:33

Iyayi ọre iran ya gu agbọn ẹvbo ni bun khọn, iran na vbe khọnmiotọ. Iran ru emwi ne ọ kere, emwi ne Osanobua ve keghi sẹ iran obọ. Iran gue avbe oduma unu.

I Jọn 2:29

Wa rẹnrẹn wẹ, ọmwata ọre Kristi khin, rhunmwuda ọnii, ọ kere ne uwa rẹn khekherriọ wẹ, ọmwaikọmwa ne ọ ru emwi emwata, ovbi Osanobua nọ.

I Jọn 2:6

Ọmwa ne ọ kha re ighẹ uwu Osanobua ọre irẹn ye, we ne ọ gha yin zẹ vbene Jesu Kristi yinrin.

I Jọn 3:7

Emọ, wa ghẹ gie ọmwaikọmwa mu uwa rẹrẹ, ọmwaikọmwa ne ọ ru emwi ne ọ kere, ọmwa ẹmwata nọ zẹ vbene Kristi vbe re ọmwa ẹmwata.

Arhie Maan 21:8

Sokpan avbe avbiẹrẹ, ọgueva, iran ni rhiaraa, avbe izigha kevbe igbalama, iran ni ru ẹbọ edunna, iran ni ga amazẹ, kevbe iran ni ta ohoghe hia, ehe ne ọre ọghe iran ọrọre odighi erhẹn ne ọ giẹn ugbofi ladian, ọnii ọre uwu ne ogieva.”