Psalm 15:1 - Edo Bible (E Baibol Ẹdo) Version 1996

¹ Nọyaẹnmwa, de ọmwa ne ọ gha la uwu Ọgua Osa ruẹ? De ọmwa ne ọ gha ga, vbe Zaiọn ne oke ne ọ huanrẹn ruẹn?

Psalm 15:1 ပူးပေါင်းရင်းမြစ်များ

Psalm 2:6

Ọ keghi kha wẹẹ, “Mẹ rhie ọba mwẹ ye ẹkete nẹ, vbe Zaiọn ne oke mwẹ ne ọ huanrẹn.”

Psalm 23:6

Aro mwẹ dae wẹ aro ne ọma kevbe aho ẹmwẹ ọmwa ruẹn, gha gunmwẹ gha rrọọ, vbe ẹdagbọn mwẹ hia. Kevbe wẹ, owa ruẹ ọ re imẹ ra gha ye vbe ẹdẹ hia ni I gha ya vbe agbọn.

Psalm 3:4

I kpe tie Nọyaẹnmwa ne iyobọ. Ọ keghi wanniẹn mwẹ ẹmwẹ, ke oke ne ọ huanrẹn ọghọe gha dee.

Psalm 61:4

Gun mwẹ gha rre owa ne ọ huanrẹn ruẹn, vbe ẹdagbọn mwẹ hia, gun mwẹ lẹfe ye ototọ ifuẹn ruẹn.

Psalm 84:4

Ọmakin iran ni rre uwu Ọgua Osa ruẹ, ni vbe so ihuan urhomwẹ ghe ruẹ, vbe ẹghẹ hia.

Psalm 92:13

Te iran ye vbe erhan ne a kọ ye owa e Nọyaẹnmwa.

Iyẹn ne ọ Maan Ọghe Jọn 14:3

Mẹ gha ghi ya te ẹre ye otọ khẹ uwa nẹ, I gha dọlegbe gha dee do viọ uwa ba egbe, ne uwa miẹn ehe na gha rre ehe ne imẹ ye.

Iyẹn ne ọ Maan Ọghe Jọn 17:24

“Evbavba, u viọ iran mẹ nẹ, I ho ne iran gun mwẹ gha rre ehe ne imẹ ye ne iran miẹn ehe na ya aro iran miẹn uyi mwẹ, uyi ne u rhie mẹ, rhunmwuda, vbe a te do yi agbọn na wẹ ka gha ho ẹmwẹ mwẹ nẹ.

Hibru 12:22

Sokpan, uhunmwu Oke Zaiọn ọre uwa gha dee kevbe ẹvbo Osanobua, Jerusalẹm ne ọ rre ẹrinmwi, ke ẹe kevbe odibo Osa ẹre ne ẹgbenuri.

Arhie Maan 14:1

Ugbẹn vbe I ghi tọn aro mu, I keghi ya bẹghe Oteghe Ohuan nii, ọ mudia yan uhunmwu Oke Zaiọn: Arhunmwu arriaisẹn enẹyan-ikiọkhọe (144,000) keghi mudia kẹe, a keghi gbẹn eni ẹnrẹn kevbe ọ ghe Erha ẹe ye ehia uharo.