Psalm 149:4 - Edo Bible (E Baibol Ẹdo) Version 1996

⁴ E Nọyaẹnmwa sẹ ọyẹnmwẹ ye ẹmwẹ emwa irẹn, ọ ye akhọnmiotọ ye ọghọ ne emwa irẹn ni mu egbe rriotọ.

Psalm 149:4 ပူးပေါင်းရင်းမြစ်များ

Psalm 117:2

Aho ẹmwẹ ọmwa rẹn ghe mwa kpọlọ ẹsẹse, a gia mu ẹtin yan ọghọe, etẹbitẹ nọ. Wa rho e Nọyaẹnmwa!

Psalm 132:16

I gha fiangbe emwi ne avbe ohẹn ni rrọ ru hia, avbe emwa rẹn ghi gha wee, iran ghi gha so ihuan oghọghọ.

Psalm 147:11

Sokpan iran ni ya ọghọ ne ẹẹn ọ re ọ ye ẹko rhiẹnrhiẹn ọẹn iran ni mu ẹtin van aho ẹmwẹ ọmwa rẹn ne ẹ i beghe.

Psalm 22:8

Iran wẹẹ, “Ẹre te u mu ẹtin yan e Nọyaẹnmwa, vbọzẹ ne ọ ma na ghi miẹn ruẹn fan nian? Adeghẹ Nọyaẹnmwa gele ho ẹmwẹ ruẹn, vbọzẹ ne ọ ma na yuẹ obọ?”

Psalm 35:27

Iran ni ho ne a bu ohiẹn mẹ, te iran gha wee ne oghọghọ, ne iran vbe gha tae khian wẹẹ, “U miẹn vbe Nọyaẹnmwa kpọlọ hẹ! Ẹko rhiẹnrhiẹn ọẹn vbe ọ gha dunna ne eguọmwadia ẹre.”

Psalm 90:17

E Nọyaẹnmwa Osanobua mwa gie afiangbe ruẹ gha rre ima egbe gie emwi ne ima ru hia dunna ne ima.

Itan 11:20

E Nọyaẹnmwa i ho ẹmwẹ ọmwa ne ọ mwẹ ekhọe ibisi, sokpan, ọ ho ẹmwẹ ọmwa ne ọ ru emwi ẹse.

Ihuan Ne Ọ Sọọ Ihuan Hia 1:11

Sokpan ma gha ru emwi urhu igoru nuẹn deba emwi itegbe ọghe esiliva.

Aizaia 61:10

Ẹko rhiẹnrhiẹn Jerusalẹm rhunmwuda iwinna ne Nọyaẹnmwa winna ẹn. Te ọ yevbe ọha ne a mu ẹre egbe irhiọha. Osanobua ya imiẹnfan kevbe akhọnmiotọ yo ẹre ẹwu.

Jerimaia 32:41

I gha wa ye ọyẹnmwẹ gha ru emwi esi ne iran. I ghi vbe gbe iran ẹkun sotọ ẹdẹdẹmwẹdẹ vbe otọe na.

Zẹfanaia 3:17

E Nọyaẹnmwa ne Osanobua mwẹ rrọ yaba ruẹ, ẹtin ẹnrẹn ọ re ọ rhie akhọnmiotọ nuẹn. Ẹko ruẹ gha rhiẹnrhiẹn e Nọyaẹnmwa kevbe uwu aho ẹmwẹ ọmwa ẹnrẹn, ọ gha rhie arrọ agbọn ne uẹn. Ọ gha so ihuan, ọyẹnmwẹ ruẹn ghi vbe gha sẹ ọe.

Hibru 12:10

Ovbi ẹghẹ kherhe ọre erha ima vbe ọghe agbọn na, ya gbe ima hin ọkhọ rre zẹ vbene ọ vbe kei yi vbe aro iran. Sokpan te Osanobua ru ẹe, ne umamwẹ mwa, ne ima miẹn ehe na gu ẹe ghae vbe uhuanmwẹ ọnrẹn.

I Pita 3:4

Sokpan, ọ kere ne ose uwa gha re ọghe ekhọe ọmẹhẹ ne khuẹrhẹ, ne ọ re emwi ighobioye vbe odaro Osanobua.

I Pita 5:5

Erriọ vbe nọ zẹẹ, wa ne igbama, wa gha gbe uhunmwu ke otọ ne avbe eniwanrẹn. Wa hia fẹẹrẹ ghi rhie ukugba imuegberriotọ gba, ne uwa ya gha ru ne egbe rhunmwuda ebe khare wẹẹ, “Osanobua mu aro igbinna da e nọ tọn egbe mu, sokpan ọ ghi gha rhie ẹsọhẹ ne ne ọ mu egbe rri otọ.”

Arhie Maan 7:14

Mẹ keghi wanniẹn wẹ, “Dọ mọ o, mẹ ma rẹn, sokpan wẹ rẹnrẹn.” Ọ keghi tama mwẹ wẹ, “Ena ọrọre emwa ni sẹtin la ukpokpo nọkhua ni fo, vbe hẹnnẹdẹn. Iran họ ukpọn iran, iran keghi ye esagiẹn Oteghe Ohuan nii ya iran khian ni fua.