Psalm 149:3 - Edo Bible (E Baibol Ẹdo) Version 1996

³ Wa ya iku rho eni ẹnrẹn, wa kpe ema kevbe akpata ya gha rho ẹre.

Psalm 149:3 ပူးပေါင်းရင်းမြစ်များ

II Samuẹl 6:14

Ukpọn eto ovbiohuẹ ọkpa ọ re Devid rra mu ẹkun, ọ kegha ya ẹtin ẹnrẹn hia kuu ne ọ ya ya ọghọ ne Nọyaẹnmwa.

II Samuẹl 6:16

A ghi wa mu Ẹkpẹti ni sẹ ore ẹvbo, e Mikal ne ovbi e Sọl ne okhuo keghi yọn urhu la ewindo ladian, ọ keghi ya bẹghe Devid ne ọba vbe ọ kuu, ọ gha fi obodo, ọ keghi wa sọnnọ ẹẹn ruan vbe aro.

I Krọnikol 16:42

E Heman kevbe Jedutun ọ re ọ vbe gha gbearoghe avbe okpe kevbe isẹ kevbe emwi ne a kpe ọvbehe ni dekẹ hia ne a kpee vbe a gha so ihuan urhomwẹ. Ivbi uniẹn Jedutun ọ re ọ gha gbe aro ghe avbe onurho.

I Krọnikol 25:6

Ivbi ẹre ni ikpia hia wa guara kpe isẹ kevbe akpata vbene erha iran na dia iran ne a gha rhie ẹre ba ugamwẹ Ọgua Osa. Ọba ọ re ọ gha ta ne a gha ru ma Asaf, Jedutun kevbe Heman.

II Krọnikol 20:28

I ran ghi sẹ ore ẹvbo iran ye akpata kevbe okpe si ọbọbọ gha rrie Ọgua Osa.

II Krọnikol 29:25

Ọba keghi ru zẹ vbene Nọyaẹnmwa gie Gad ne akhasẹ ọba, re gie Devid ne ọba kevbe zẹ vbene ogie Natan, ne a khama Devid ne ọba, ọ keghi ya viọ avbe Livai ye Ọgua Osa, ọ na viọ akpata kevbe ukusẹ ba ẹre, ena kegha re emwi iku kevbe ihuan,

Ẹzra 3:10

Ugbẹn vbe iran ghi suẹn gha gbe ẹyotọ Ọgua Osa nii, avbe ohẹn ni viọ ẹwu iran yọ keghi viọ okpe, iran na mudia ye ihẹ iran, avbe Livai ne ivbi uniẹn Asaf kevbe viọ ukusẹ, iran na mudia ye evba. Iran keghi rho e Nọyaẹnmwa zẹ vbene a mwamwa ẹẹn ye otọ ke ẹghẹ e Devid ne ọba gha dee.

Psalm 30:11

U ya eve mwẹ khian iku ọyẹnmwẹ nẹ. U mu akhiẹ hin mwẹ egbe rre u kevbe viọ oghọghọ lẹga mwẹ.

Psalm 33:2

Wa ye emwi ihuan ne ọ mwẹ irri so ihuan.

Psalm 81:2

Wa sobọ ye emwi ihuan, ne uwa kpe avbe ema nii, wa ye akpata kevbe ẹrere so ihuan ne ọ rhiẹnrhiẹn.

Psalm 81:3

Wa kpe okpe ye emwiukpo nii, vbe uki a da hin kevbe uki a ko urro.

Psalm 87:7

Iran kuru, iran so ihuan wẹẹ, “E Zaiọn ọrọre ehe ne afiangbe mwa hia ke rre.”

Ẹksọdọs 15:20

E Miriam ne akhasẹ ne okhuo, ọtẹn Errọn ne okhuo keghi rhie ukusẹ, avbe ikhuo na vẹ lele ẹe gha kpe isẹ khian, iran kevbe gha kuu.

Jerimaia 31:13

Avbe ibiẹka ikhuo ni rrọ gha ku iran ghi vbe gha ghọghọ avbe ikpia, igbama kevbe avbe ọmaẹn gha ghọghọ. I gha fu iran ẹko rre, I ghi ye akhiẹ iran khian oghọghọ.

Jerimaia 31:4

I gha ye dọlegbe mu uwa agbọn mudia uhukpa, wa gha ye viọ emwi iku uwa uhukpa, wa ghi vbe gha ku vbe oghọghọ.

Giọgis 11:34

E Jẹfta ghi dọlegbe die Mizpa ovbi ẹre ne okhuo keghi ladian, ọ na rhie ukusẹ ọ na gha ku bu ẹre dee. Ọmọ ọkpa kẹkan ne ọ mwẹ ọ re wa nọ, ẹ i ghi mwẹ ọmọ okpia ra ọmọ okhuo ọvbehe.