Psalm 148:8 - Edo Bible (E Baibol Ẹdo) Version 1996

⁸ Ayan kevbe amẹ ne ọzeze, esia kevbe okuku amẹ, avbe okpẹhoho ni ru vbene ọ khare.

Psalm 148:8 ပူးပေါင်းရင်းမြစ်များ

Gẹnẹsis 19:24

E Nọyaẹnmwa keghi gie ugbofi ne ọ giẹn ke odukhunmwu rhọ yan Sọdom kevbe Gomorra vbe udomwurri.

Job 37:12

vbe ehe ne iran na khian vbene Osanobua ho. Iran ru emwi hia ne Osanobua giẹ.

Psalm 103:20

Wa rho e Nọyaẹnmwa, wa ne avbe odibo nekhua kevbe ni mwẹ ẹtin, ni mu uhi ẹre sẹ, ni vbe danmwehọ ẹmwẹ ne ọ guan.

Psalm 18:12

Isan avan kevbe erhẹn ne ọ kpannọ kua keghi ke ayan ne ọ rre odaro ẹre ladian, ọ keghi la ikpakpa iso nekhui nii wan uwanmwẹ gberra.

Ẹksọdọs 10:13

Ẹre Mosis na niẹn ọkpọ ẹre, e Nọyaẹnmwa na gie ẹhoho hoho la otọe nii hia la ẹghẹ avan kevbe ẹghẹ asọn hia ke odẹ ọlarre ovẹn gha dee. Ẹdẹ ghi gbe, ọ viọ avbe irhiso nii hia rre nẹ.

Ẹksọdọs 10:19

E Nọyaẹnmwa keghi fi ẹhoho nii werriẹ khian ọ ghe odẹ orrie ne ọ viọ avbe irhiso nii, ọ ke kpolo ehia ku okun Irunmwu. Irhiso ọkpa ma vbe ke ẹe vbe otọ Igipt.

Ẹksọdọs 14:21

E Mosis keghi niẹn obọ ẹre da okun, e Nọyaẹnmwa keghi ya ẹhoho ọlarre ovẹn ne ọ wu vbe egbe bi okun werriegbe, ọ keghi hoho la asọn nii hia, ọ keghi ya okun nii khian otọ nọkae. Amẹ keghi fian egbe ye ihe eva.

Aizaia 66:16

Erhẹn kevbe umozo ẹre ọ ra ya rri avbe emwa nagbọn hia ne ọ miẹn abe vbe obọ ẹre oya, a gha gbele nibun uan.

Joẹl 2:30

“I gha rhie ama emwi ne ọ ra sunu ẹdẹrriọ ma emwa, vbe iso kevbe otọ, esagiẹn gha rrọ kevbe erhẹn kevbe ighogho ne ọ bi vbe amẹ.

Levitikọs 10:2

Sokpan erhẹn nii ma huan, rhunmwuda ọnii, e Nọyaẹnmwa keghi gie erhẹn gie iran, ọ keghi giẹn iran wu la ẹrinmwi vbe odaro e Nọyaẹnmwa.

Emọs 4:13

Osanobua ọ re ọ yii avbe oke nekhua, ọ keghi vbe yii avbe ẹhoho. Ọ gie ọmwa ne agbọn rẹn emwi ne ọ rre irẹn ekhọe, ọ sẹtin ye avan khian asọn, ọ ghi vbe gha khian vbe ehe ne ọ yo vbe agbọn. Eni ẹnrẹn ọrọre Nọyaẹnmwa, Osanobua ne Oghodua.

Emọs 7:4

I keghi vbe miẹn umian ọvbehe ke ehe ne Nọyaẹnmwa ne Udazi ye gha dee. Vbe uwu ẹre, I keghi bẹghe ẹre vbe ọ mu egbe ne ọ do ya erhẹn rri emwa rẹn oya. Erhẹn ni keghi giẹn okun nọkhua ne ọ rre uwu otọ, ọ keghi vbe suẹn gha giẹn otọe kẹkan.

Jona 1:4

Sokpan, e Nọyaẹnmwa keghi gie okpẹhoho la okun, ẹhoho nii wegbe sẹrriọ wẹ te okọ ghi ra yannọ kua.

Jona 1:5

Ohan keghi kakabọ mu avbe oziguẹ dọmwadẹ ọghe ọe kegha tu tie ẹbọ ne ọ biẹ ọe ne ọ bu irẹn rre. Iran keghi gha filo ihẹ ne okọ mu ku ẹzẹ ne a ghẹ gie okọ ni. Ẹghẹ ne a kha na, e Jona keghi wa gha rrie otọ okọ, ọ ke ya lovbiẹ ye otọ owa okọ, ọ na vbiẹ ua.

Nọmbas 16:35

E Nọyaẹnmwa keghi gie erhẹn ne ọ giẹn iran an ighẹ iran ekigbe siyeha yan uri (250) ni viọ eturari ni rre.

Jọsua 10:11

Ehe ne iran na lẹ ne ivbiyokuo Izrẹl ni ghe odẹ Bẹt-horọn ya sẹ Azẹka, e Nọyaẹnmwa keghi filo okuta avannukhunmwu ke odukhunmwu rre yan iran, a keghi gbele iran an. Iran ne okuta avannukhunmwu gbele keghi bun sẹ iran ne ivbi Izrẹl gbele.

Arhie Maan 16:21

Okuta isan avan ẹrẹkhẹrẹ ne ọkpọkpa vbọ gha sẹ omwa uwan iyisẹn, kegha ke iso werriẹ gbe emwa. Emwa keghi ye ihẹn yan Osanobua rhunmwuda egboghogbogho isan avan nii, rhunmwuda ugborrirri wa gha nọ ighẹ nene egboghogbogho.