Psalm 148:5 - Edo Bible (E Baibol Ẹdo) Version 1996

⁵ Gie iran hia rho eni e Nọyaẹnmwa, rẹn gie uhunmwu, a keghi yi iran hia;

Psalm 148:5 ပူးပေါင်းရင်းမြစ်များ

Gẹnẹsis 1:6

Osanobua keghi kha wẹẹ, “Gie ideghedeghe gha rrọọ, ne ọ wannọ amẹ, ne ọ miẹn ehe na gha rre ihe ughughan eva.” Ọ kegha ye rriọ. Erriọ ọre Osanobua na ru ideghedeghe ne ọ wannọ amẹ ne ọ rre ototọ ẹre hin amẹ ne ọ rre odukhunmwu ẹnrẹn rre.

Psalm 103:20

Wa rho e Nọyaẹnmwa, wa ne avbe odibo nekhua kevbe ni mwẹ ẹtin, ni mu uhi ẹre sẹ, ni vbe danmwehọ ẹmwẹ ne ọ guan.

Psalm 95:5

Rẹn ọ khaemwisẹ yan okun rẹn ọ vbe yiẹe kevbe otọe ne ọ kae ne irẹn vbe yi ba ẹre.

Emọs 9:6

Ẹrinmwi ọre Nọyaẹnmwa bọ owa ẹre yi. Ọ keghi fi iso, zẹ vbe ekharha yan otọ agbọn. Ọ datie amẹ ni rre Okun. Ọ keghi hihiẹ ọe ku otọ agbọn e Nọyaẹnmwa ọrọre eni ẹnrẹn.

Arhie Maan 4:11

“Nọyaẹnmwa kevbe Osanobua mwa! Wẹ sẹe ne ọ gha miẹn uyi kevbe ọghọ, kevbe ẹtin. Rhunmwuda wẹ ọre ọ yi emwi hia. Zẹ vbene u ho, ọre u ya rhie arrọọ ne iran kevbe ẹfe.”