Psalm 148:13 - Edo Bible (E Baibol Ẹdo) Version 1996

¹³ Gie iran hia rho eni e Nọyaẹnmwa! Eni ẹnrẹn kpọlọ sẹ nekpa hia fẹẹrẹ; uyi ẹre yosẹ agbọn kevbe ẹrinmwi.

Psalm 148:13 ပူးပေါင်းရင်းမြစ်များ

I Krọnikol 29:11

U kpọlọ ẹsẹse, u kevbe mwẹ ẹtin ne ọ vuọn ne ose kevbe orrirri. Wẹ ọ re ọ yan emwi hia ni rre ẹrinmwi kevbe agbọn wẹ ọrọre ọba, ogie nọkhua ne ọ kha yan emwi hia.

Psalm 108:4

Aho ẹmwẹ ọmwa ruẹn ne ẹ i beghe yo gberra ẹrinmwi, a gia mu ẹtin yan ruẹn yo gberra iso.

Psalm 113:4

E Nọyaẹnmwa ọre ọ kha yan uhunmwu ẹvbo hia; uyi ẹre yo gberra avbe ẹrinmwi.

Psalm 150:6

Emwi ni rre agbọn hia, wa rho e Nọyaẹnmwa! Wa rho e Nọyaẹnmwa!

Psalm 57:6

Avbe eghian mwẹ rhuẹ ọga yotọ ne iran mu mwẹ, akhiẹ gbe mwẹ fi otọ iran tọn uye ye odẹ ne I la, sokpan, iran tobọ iran kharha yọ.

Psalm 72:19

Wa rho eni ẹnrẹn ne ọ mwẹ uyi ẹdẹdẹmwẹdẹ. Te uyi ẹre gha gha otọ agbọn hia. Isẹ! Isẹ!

Psalm 8:1

E Nọyaẹnmwa, Nọyaẹnmwa, a bẹghe u kpọlọ mwẹ ruẹn vbe otọ agbọn hia. Urhomwẹ ruẹn vbe sẹ aro iso.

Psalm 8:2

Avbe ibiẹka kevbe avbe emobọ hia, ya ẹe so ihuan. Wẹ gbe ẹkun sẹ otọ, u kevbe rrọ vbe ai mwẹ ẹbe, vbe obọ avbe eghian ruẹn hia. Wẹ da iran obọ yi, ighe iran ni mu aro igbinna da ruẹ.

Psalm 8:9

E Nọyaẹnmwa, Nọyaẹnmwa, a bẹghe u kpọlọ mwẹ ruẹn la otọ agbọn hia.

Psalm 99:9

Wa rho e Nọyaẹnmwa ne Osanobua mwa, wa vbe ya ga vbe oke ẹre Ne ọ huanrẹn! Ọmwa ne ọ huanrẹn, ọ re Nọyaẹnmwa ne Osanobua mwa khin.

Ihuan Ne Ọ Sọọ Ihuan Hia 5:16

Unu ẹnrẹn rhiẹnrhiẹn ne a mu hiẹnhiẹn emwi ẹnrẹn hia ye gbe sasa mwẹ erriọ enida mwẹ khọe ikhuo e Jerusalẹm.

Ihuan Ne Ọ Sọọ Ihuan Hia 5:9

Olose ne ọ sẹre vbe uwu avbe ikhuo hia enida ruẹ vbe lughaẹn ne emwa ọvbehe hia ra? De ọsughe ne ọ rre ọ re egbe yi ne ima gha na gha yan ma ruẹn?

Aizaia 12:4

Ẹdẹ dee ne emwa gha na so ihuan vbenian, “Wa rhie ekpọnmwẹ ne Nọyaẹnmwa! Wa tu tie ẹre ne ọ do ye uwa obọ! Tama avbe uhunmwu ẹvbo hia iwinna ne ọ winna ẹn wa tama iran vbene ọ kpọlọ hẹ!

Aizaia 33:5

U miẹn vbene Nọyaẹnmwa kpọlọ hẹ. Rẹn ọ re ọ khaemwisẹ yan emwi hia. Ọ gha ya ohiẹn ẹmwata kevbe ekhọe ne ọ maa vuọn Jerusalẹm.

Aizaia 6:3

Iran keghi gha go tama egbe wẹẹ: “Huanrẹn, huanrẹn, huanrẹn! Ne ọ huanrẹn ọ re Nọyaẹnmwa ne Oghodua khin! Uyi ẹre vuọn agbọn hia.”

Zẹkaraia 9:17

Umiẹn vbe otọe nii gha ma hẹ! Umiẹn vbene ọ gha mose hẹ! Ọka kevbe ayọn rẹn gha ya avbe igbama wan yọ.

Matiu 6:13

Ghẹ gia danmwẹ mwa ghe, rhie mwa lẹre hin obọ Ọkaẹrhia Nii.’

Ẹfisọs 4:10

Ọnii nọ wẹ, ọmwa ne ọ tuorre, ọre ọ vbe hin odukhunmwu vbe odukhunmwu kevbe gberra avbe, ẹrinmwi ne ọ miẹn ehe na ya aguọmwarrọ ọghọe vuọn agbọn kevbe ẹrinmwi.

Filipai 3:8

Ẹ i re avbe emwi nii ọkpa, te I ghi ka emwi hia ye ọ rhiae rhunmwuda emwi ọvbehe ne ọ ru ighobioye sẹẹ enii, ọnii ọrọre, a rẹn Kristi Jesu Nọyaẹnmwa. Rhunmwuda ẹre, I keghi filo emwi hia kua, I keghi ka ehia ye emwi ne ẹ i mwẹ esa, ne I miẹn ehe na gha mwẹ Kristi.

I Pita 3:22

Ọmwa ne ọ kpao gha rrie ẹrinmwi nẹ, ọ kevbe rre obọ erha ọmwa Osanobua, ehe ne ọ na khaemwisẹ yan avbe odibo Osa hia kevbe avbe ọdakha ni rre ẹrinmwi kevbe avbe ẹtin.