Psalm 147:19 - Edo Bible (E Baibol Ẹdo) Version 1996

¹⁹ Ọ gie uhunmwu gie emwa rẹn, igiodẹ ọre ke uhi ẹre ne ivbi Izrẹl.

Psalm 147:19 ပူးပေါင်းရင်းမြစ်များ

Ẹzra 7:6

Ẹzra kegha re ọgbẹn ebe ne ọ wa rẹn ọnrẹn ẹsẹse ighẹ Uhi ne Nọyaẹnmwa ne Osanobua Izrẹl rhie ne Mosis. Rhunmwuda ne afiangbe Nọyaẹnmwa ne Osanobua ẹre na gha rre Ẹzra egbe, Nọgbaisi keghi wa viọ emwi hia ne ọ nọrẹn ne ẹẹn. Ọ ghi rre ukpo ihinrọn ne Atakzaziz la ẹkete, Ẹzra keghi viọ ivbi Izrẹl eso ba egbe ke Babilọn gha die Jerusalẹm, avbe ohẹn eso kevbe Livai, avbe ọsian Ọgua Osa, iran ni khẹ Ọgua Osa kevbe emwa ni winna eso kegha rre nene usun.

Psalm 103:7

Ọ ta emwi ne irẹn khian ru ma Mosis ọ vbe gie ivbi Izrẹl miẹn iwinna irẹn nọkhua.

Psalm 76:1

A rẹn Osanobua vbe Juda a vbe ya ọghọ ne eni ẹnrẹn vbe Izrẹl.

Psalm 78:5

Ọ rhie uhi ne ivbi Izrẹl kevbe iyi ne ivbi uniẹn Jekọb ọ ma avbe erha mwa odede ẹre. Wẹ ne iran ma avbe ivbi iran uhi irẹn.

Ezikiẹl 20:11

I yi iyi mwẹ ma iran, I keghi vbe ma iran uhi mwẹ ne ọ rhie arrọọ ne ọmwaikọmwa ne ọ yae ru emwi.

Hozia 8:12

A i sẹtin ka emwi ne a ya ma emwa emwi ne I gbẹnnẹ yotọ ne emwa na, sokpan, iran he ehia ye otọ zẹ vbe emwi ẹrrẹe ne a ma rẹn ehe ne ọ ke rre.

Malakai 4:4

Wa ye emwi ne Mosis ne ọguọmwadia mwẹ ma uwa ẹre rre. Avbe uhi kevbe ilele ne I viọ ne ẹẹn vbe Oke Sainai, ne ivbi Izrẹl hia gha ya ẹe ru emwi.

Ebe ne Pọl gbẹẹn gie emwa Rom 3:2

Ẹsẹse, vbe ẹmwata, vbe odẹ hia. Vbe ne okaro, avbe Ju ọre Osanobua rhie ẹmwẹ ọnrẹn nẹ rhie mwẹ.

Ebe ne Pọl gbẹẹn gie emwa Rom 9:4

Emwa ne a hannọ zẹ ọghe Osanobua ọre iran khin. Ọ ya iran ye emọ, ọ keghi vbe ghae ne iran vbe uwu uyi ẹre. Ọ gu iran ta ile, ọ na rhie nene uhi ne iran. Iran ọ re ọ rẹn vbene a ya ga hẹ vbe ẹmwata. Iran ọ re Osanobua vbe ve ẹre emwi.

Diuteronomi 4:1

Ẹre Mosis na tama emwa nii wẹẹ, “Wa gha mu uhi hia ne I rhie ne uwa sẹ, wa gha rre agbọn, wa ghi vbe yin otọe nii ne Nọyaẹnmwa ne Osanobua avbe erha uwa odede ra mu ne uwa.

Diuteronomi 4:45

Ọ keghi viọ avbe uhi na ma ima vbe iran lahin Igipt rre nẹ vbe iran rre odẹ ahọ Ẹzẹ Jọdan vbe iya ne ọ mu aro da ẹvbo Betpeọ, otọe Saihọn ne ọba ivbi Amọri ọ re ọna ye, Hesbọn ọ re ọ ke gha khaemwisẹ rre. E Mosis kevbe ivbi Izrẹl keghi khọn miẹn ẹre otọ vbe iran ke Igipt ladian nẹ.

Diuteronomi 4:8

Agbọn ẹvbo ọvbehe i rrọ, vbe ọ khọnrẹn wẹ ne iran kpọlọ sẹ, ne ọ mwẹ uhi ne ọ gbae ne ọ yevbe egbe ne I ma uwa ẹre ẹrẹna.

Diuteronomi 5:22

“E Nọyaẹnmwa keghi viọ uhi na ne iran hia ni si egbe koko ye ototọ oke nii. Avbe uhi na ọ re ọ viọ ne iran, ọ ma vbe sẹ ọnii, ọ keghi ye urhu nọkhua guan ke uwu erhẹn rre kevbe uwu okuku ne ọ mwẹ imi rre. Ọ keghi gbẹnnẹ avbe uhi na ye uhanhan okuta eva, ọ na viọ mẹ.”

Diuteronomi 5:31

Sokpan e Mosis, wẹ mudia ke mwẹ vbe emwa, I gha viọ avbe uhi ke iyi mwẹ hia ma ruẹn. Ma avbe emwa ni re, ne iran miẹn ehe na gha ya iran ru emwi vbe otọ ne I ra mu ne iran.’

Diuteronomi 6:1

“Ena ọrọre avbe uhi ne Nọyaẹnmwa Osanobua tama mwẹ ne I ma uwa ẹre. Wa ghi gha ya iran ru emwi vbe otọe ne uwa ra lao ne uwa ya yin na.