Psalm 147:14 - Edo Bible (E Baibol Ẹdo) Version 1996

¹⁴ Ọ ruẹe ne ẹbe fo la ehe ne otọe uwa lae, ọ keghi vbe ye ọka ne ọ maa sẹẹ vuọn uwa ẹko.

Psalm 147:14 ပူးပေါင်းရင်းမြစ်များ

I Krọnikol 22:9

Vbene ọ rhirhi a gha ye hẹ, ọ ye yan ma mwẹ. Ọ wẹẹ, ‘U gha biẹ ọmọ okpia ọkpa ne ọ gha khaemwisẹ vbe ọfumwegbe, rhunmwuda, I gha rhie ọfumwegbe ne ẹẹn vbe obọ avbe eghian rẹn hia. Eni ẹnrẹn ọ re ọ gha re Solomọn, rhunmwuda I gha rhie ọfumwegbe kevbe ọrọkhọrhọ ne ivbi Izrẹl vbe ẹghẹ ọre.

Psalm 122:6

Wa na erhunmwu ye ọfumwegbe Jerusalẹm: “Te agbọn gha ma iran ni ho ẹmwẹ ruẹn.

Psalm 132:11

Ekhọekekhọe ọ re u ya ve Devid emwi, ive ne uwẹ i ra siẹn wẹẹ, “I gha ya ọkpa vbe uwu avbe ivbuẹ nikpia rri ọba, rẹn gha vbe rri ọba lele uwẹ.

Psalm 132:15

I gha viọ emwi ne Zaiọn ho hia ne ẹẹn wọrhọwọrhọ, I gha ya evbare vuọn avbe ivbiogue ni rrọọ ẹko.

Psalm 29:11

E Nọyaẹnmwa ọ re ọ rhie ẹtin ne emwa rẹn, ọ keghi ya ọfumwegbe fiangbe iran.

Psalm 81:16

Sokpan, I gha ya ọka ne ọ mose sẹẹ koko uwa I gha ya owọn oha sẹ uwa ọkẹn.”

Aizaia 66:12

E Nọyaẹnmwa khare wẹẹ, “I gha gie uwa etẹbitẹ sẹ uwa obọ. Emwi umamwẹ agbọn ọghe avbe uhunmwu ẹvbo, gha lẹ bu ruẹ rre zẹ vbe ẹzẹ ne ẹ i ka. Wa gha yevbe ọmọ ne iyẹe koko, ne ọ mu mwẹ obọ, ne ọ na vbe ya obọ ahoẹmwọmwa mu ẹẹn.

Ezikiẹl 16:13

U kegha mwẹ emwi itegbe ọghe igoru kevbe esiliva, ukpọn ne u yọ ẹghẹ hia kegha re ọghe etovbiohuẹ kevbe esiliki ne a munọ ona lele. Ebrẹd ne a ya irhuarhua ne ọ maa sẹ le ọ re u re, u keghi miẹn owọn kevbe ofigbọn oliv gha re. Ose ruẹ kegha nọnọ, u na do gha re ọba okhuo.

Ezikiẹl 27:17

E Juda kevbe Izrẹl ya ọka, owọn, ofigbọn oliv kevbe oziza ha osa ye emwi ne iran gu uẹ dẹlẹ.

Levitikọs 26:6

“I gha rhie ọfumwegbe ne uwa vbe otọ rua, wa ghi vbe gha vbiẹ vbe ne uwa i na fian afianma, I gha fuẹn avbe aranmwẹ dan ni rre otọe nii, okuo i ghi ra vbe gha rrọọ vbe evba.

Zẹkaraia 9:8

I gha tobọ mwẹ gha gbe aro ghe ẹvbo mwẹ, I i ghi ra vbe gie ivbiyokuo gha la ẹe gberra. I i ghi ra kue ne emwa dan gha wọ emwa mwẹ uhunmwu ọvbehe. I miẹn vbene emwa mwẹ he rri oya sẹhẹ.”

Diuteronomi 32:14

Ẹmila kevbe ohuan iran kegha la ewẹn ẹsẹse, iran kegha mwẹ ohuan ni maa sẹẹ, ẹwe kevbe ẹmila ọka ne ọ maa sẹẹ kevbe ayọn ne ọ rhiẹnrhiẹn sẹẹ.