Psalm 147:1 - Edo Bible (E Baibol Ẹdo) Version 1996

¹ Wa rho e Nọyaẹnmwa! Ọ kere ne a gha so ihuan urhomwẹ ghe Osanobua mwa; ọ rhiẹnrhiẹn, ọ vbe kei ne a rho ẹre.

Psalm 147:1 ပူးပေါင်းရင်းမြစ်များ

Ẹzra 3:12

Ni bun vbe uwu avbe ohẹn ni khian eniwanrẹn sẹ, kevbe avbe Livai, kevbe avbe ọkaẹgbẹe rẹn Ọgua Osa nokaro. Iran ghi miẹn vbe a gbe ẹyotọ Ọgua Osa na, iran kegha viẹ ghẹ ghẹghẹ. Sokpan, emwa nekpa ni rre evba kegha we uwemwẹ oghọghọ.

Psalm 135:3

Rho e Nọyaẹnmwa, rhunmwuda rẹn maa, wa so ihuan urhomwẹ ghe eni ẹnrẹn, rhunmwuda, ọ mwẹ itohan.

Psalm 33:1

Wa hia ni re ẹmwata, wa gha we ne oghọghọ ye iwinna ne Nọyaẹnmwa winna ẹn. Wa rho ẹre, wa hia ni họn ẹmwẹ ne ẹẹn.

Psalm 42:4

I gha ye ẹghẹ ne ọ gberra rre, ekhọe mwẹ ghi rhia. Ẹghẹ ne I na lele emwa nibun ye owa Osanobua. Mẹ ghi ke odaro ne iran, vbe iran a gha khian. Emwa nibun ne ẹko rhiẹnrhiẹn, iran ghi gha so ihuan, iran ghi vbe go wan Osanobua.

Psalm 92:1

U miẹn vbene ọ maa hẹ ne a rhie ekpọnmwẹ ne uẹn Nọyaẹnmwa ne a so ihuan uyi ruẹ, Osanobua ne ọ yo sẹẹ Ehia.

Psalm 92:2

Ne a gha na iyẹn ahoẹmwọmwa ruẹn ne ẹ i beghe owiẹ owiẹ, kevbe aguobọ ọmwa ruẹn vbe asọn asọn.