Psalm 146:9 - Edo Bible (E Baibol Ẹdo) Version 1996

⁹ Ọ degue avbe ọrriọvbe ni rre otọe mwa, ọ ru iyobọ ne avbe ẹgbẹe kevbe emọ ni i mwẹ erha, sokpan, ọ ghi zagha uma emwa dan an.

Psalm 146:9 ပူးပေါင်းရင်းမြစ်များ

II Samuẹl 15:31

E Devid ghi họn ighẹ Ahitofẹl vbe deba isọtẹ Absalọm, ọ keghi kha wẹẹ, “Nọyaẹnmwa, lahọ, fi ibude Ahitofẹl werriẹ khian ukọnmwẹ.”

II Samuẹl 17:23

Ahitofẹl ghi miẹn wẹ, a ma rhie iro ne irẹn zẹẹ, ọ na rhunmwuda ọnii gbalọ ekẹtẹkẹtẹ ọre, ọ na gha rrie ẹvbo ẹre. Ọ ghi mwamwa emwi hia ye ihe nẹ, ọ na ya zẹgbẹle. Iran keghi re ẹre ye idin ẹgbẹe ọre.

Ẹsta 5:14

Ẹkpo nii, ọ re amwẹ ọnrẹn kevbe avbe esiọre na gue ẹe zẹ iro wẹẹ, “Wẹ ghi gba erhan ne a ya si emwa rrọọ ne uyomwẹ ọnrẹn re ibata isẹn irrọ vbe iyenẹ? Owiẹ nakhuẹ, u sẹtin tama ọba wẹ ne ọ si e Modekai rrọ yọ. Ẹghẹ nii, u sẹtin ye ọyẹnmwẹ gha rrie ehe ne uwa ra na rri evbare.” E Haman na wẹ iro esiesi ọna wa khin, ọ keghi gele ya gba erhan ne a si ọmwa rrọ yi nii.

Ẹsta 7:10

Ọba keghi kha wẹẹ, “Wa si e Haman rrọ yọ!” x e Haman rrọ ye erhan ne ọ yo ne a si emwa rrọ yi ne ọ te gba ye otọ khẹ Modekai. Ẹre ohu ọba ghi na rriotọ.

Ẹsta 9:25

Sokpan, Ẹsta keghi ya miẹn ọba, ọ re ọba na gbẹn ebe sẹrriọ ne a ghi na miẹn wẹ e Haman ọ re ọ ghi ya uhunmwu mu emwi ne ọ mwamwa ẹn vbe egbe avbe Ju, a kevbe silo irẹn vbe ivbi ẹre rrọ ye erhan ne a silo emwa rrọ yi.

Psalm 10:14

Sokpan, wẹ bẹghe ẹre, wẹ vbe zẹ ye ọlọghọmwa kevbe oya ne emwa re, u vbe mu egbe ne u ya ru iyobọ ẹghẹ hia. Wẹ, ọ re ọmwa ne ne ẹi mwẹ iyobọ lẹgbinna, wẹ ọ re ọ ye ne ẹi mwẹ iyobọ obọ, ke otọ gha dee.

Psalm 145:20

Ọ degue ọmwaikọmwa ne ọ ho ẹmwẹ irẹn, sokpan, ọ gha fuẹn emwa dan an.

Psalm 147:6

Ọ ghi tọn omwa ne ọ mu egherriotọ mu, sokpan, ọ ghi rẹnkhẹn ọmwa dan mu otọ.

Psalm 18:26

Wẹ re ọmwa ne ọ huanrẹn ne iran ne ọ huanrẹn sokpan, u keghi khọ mu iran ni re emwa dan.

Psalm 68:5

Osanobua ne ọ rre uwu Ọgua Osa ẹre nọhuanrẹn gbearoghe ọ re ọ gbearoghe avbe emọ ni i mwẹ erha rẹn ọ re ọ degue avbe ẹgbẹe.

Itan 15:25

E Nọyaẹnmwa gha fuẹn owa emwa ni tọn egbe mu uan, sokpan ọ gha degue emwi ne ẹgbẹ mwẹ.

Itan 4:19

Sokpan, te odẹ ne ọmwa dan la khian yevbe asọn. Iran ghi dele sokpan iran i bẹghe emwi ne ọ rrua iran owẹ.

Jerimaia 49:11

“Wa sẹ avbe emọ ne ẹ i mwẹ erha uwa rae mẹ, I gha gbearoghe iran. Avbe ikhuo ni dẹgbẹ vbe uwu uwa sẹtin yaro khọ mwẹ.

Hozia 14:3

Asiria i sẹtin miẹn ima fan hiehiere, avbe ẹsin okuo i vbe sẹtin degue ima. Ma i ghi dọlegbe tama avbe ẹbọ ima ẹdẹ wẹ iran ọrọre Osanobua mwa. Nọyaẹnmwa, wẹ wa tohan emwa hia ni i mwẹ ọmwa ọvbehe ne ọ ra lẹ bu.”

Malakai 3:5

E Nọyaẹnmwa ne Oghodua khare wẹẹ, “I gha ladian vbe uwu ẹbu uwa ne I do bu ohiẹn. I gha wa sẹ osẹe gbe iran ni ru e emaziki awan, iran ni ghẹ, iran ni sẹ osẹe ohoghe, iran ni gbe igho emwa ne iran ya winna rhu, iran ni mu avbe ẹgbẹe ru kevbe emọ ne ẹ i mwẹ erha, kevbe avbe erhunmwuyẹn, kevbe iran hia ne ẹ i da mẹ.”

I Kọrinti 3:19

Rhunmwuda, emwi ne emwa ne agbọn tie ẹre emwi ẹwaẹn, ukọnmwẹ nọ vbe aro Osanobua. Zẹ vbene ebe ta ẹe, “Uwu iguemwi ne iran gu ẹe, ọre Osanobua na khuẹn ifi mu avbe umẹwaẹn.”

Diuteronomi 16:11

Gha ghọghọ vbe odaro Nọyaẹnmwa, wẹ kevbe avbe ivbi uẹ, kevbe eguọmwadia ruẹ, kevbe avbe e Livai, avbe ọrriọvbe, emọ ne ẹi mwẹ erha kevbe avbe ẹgbẹ ni rre owa ruẹ. Wa ghi ru ọna vbe ihe ọkpa ni ne a na ga ẹe.

Jems 1:27

Emwi ne Osanobua ne Erha tie ẹre iyayi ẹmwata ne ọ gbae ọre ọna khin, ne a gha koko avbe emọ ne ẹ i mwẹ erha kevbe ikhuo ni de ẹgbẹ vbe uwu usẹ ne iran ye, kevbe ọmwa bi egbe, ne agbọn na ghẹ mu ẹn rhia.