Psalm 146:4 - Edo Bible (E Baibol Ẹdo) Version 1996

⁴ Iran gha wulo, iran ghi dọlegbe khian ekẹn, ẹdẹdẹmwẹdẹ, emwamwa ekhọe iran hia sẹ ufomwẹ.

Psalm 146:4 ပူးပေါင်းရင်းမြစ်များ

Gẹnẹsis 2:7

Ọre Nọyaẹnmwa Osanobua na rhie ekẹn vbe otọe, ọ keghi yae ma okpia, ọ keghi hiọnrọn uhiọnrọnmwẹ arrọọ ye ọre uvun ihue, okpia nii keghi khian ne ọ ghi rrọọ.

Gẹnẹsis 3:19

Te ọfọ gha fọọ ne u ya miẹn ẹsọn ne otọ miẹn ehe na mọ ọmọ ladian, u te dọlegbe ghe ekẹn ne a ya ma an, ekẹn nii u gha vbe dọlegbe khian.”

Gẹnẹsis 6:17

I ra gie uromwẹ amẹ rrie agbọn ne ọ fuẹn emwi ni rrọọ hia. Emwi hia ni rre agbọn gha wulo,

Job 14:10

Sokpan, ọmwa gha wu, ọghọe wa fo ye evba. Ọ wu nẹ, rẹn ghi ye vbọ nian?

Job 14:21

Avbe ivbi ẹre gha hin usi sokpan rẹn ighi rẹn, a i vbe tama rẹn vbe a gha fa iran an.

Job 17:1

“Ufomwẹ ẹdẹ agbọn mwẹ rre nẹ. Egbe iregbe ne I ghi ya sẹtin hiọnrọn; emwi ne ọ ghi kẹe mẹ i ghi rrọ gberra idin.

Job 17:11

Ẹghẹ mwẹ gberra nẹ; iro ekhọe mwẹ hia rriọkua; idaehọ mwẹ wirua.

Job 27:3

vbe uwu ẹghẹ ne Osanobua gha rhie mẹ ya hiọnrọn sẹ,

Psalm 104:29

Wẹ gha fi iyeke gbe, ohan ghi gha mu iran, u gha miẹn iran uhiọnrọnmwẹ, iran ghi wulo, iran ghi dọlegbe ghe ekẹn ne iran ke rre.

Psalm 33:10

E Nọyaẹnmwa ọ re ọ duẹ uma agbọn ẹvbo hia a, ẹi gie iran mu emwamwa iran sẹ.

Psalm 90:3

Wẹ tama ọmwa, ne ọ werriegbe ghe emwi ne ọ ka khin u dọlegbe ya ẹe khian ekẹn.

Asan-Ibo 12:7

Ikinnegbe mwa ghi dọlegbe ghe ekẹn ne otọe, orhiọn ghi dọlegbe bu Osa ne ọ rhie ẹre ne ọmwa.

Asan-Ibo 9:6

Ahoẹmwọmwa iran, ẹko khọmwẹ iran, kevbe emwi ne ọ fifi iran egbe ehia wulo lele iran. Iran i ghi sẹtin mwẹ obọ vbe emwikemwi ne a ru vbe agbọn na.

Aizaia 2:22

Ghẹ mu ẹtin yan ọmwa ne ọ sẹtin wu. Vbe iran gbe vbe iran hẹẹ?

Eve Orriara 4:20

Iran khọn mu uhunmwu uwa ẹdagbọn mwa, ọba ne Nọyaẹnmwa zẹe ọmwa ne imẹ ye aro khọ ighe ọ gha degue mwa hin obọ iran ni gunmwa khọn.

Daniẹl 5:23

U keghi ru emwi ne ẹ i yẹ e Nọyaẹnmwa ẹrinmwi, u keghi ya viọ avbe ukpu kevbe avbe ọkpan ne a viọ ye Ọgua Osa. Wẹ kevbe avbe ekhaẹmwẹ ruẹn, avbe amwẹ ọn kevbe avbe egbakhian ruẹn kegha ya iran da ayọn, wa na gha go wan avbe ẹbọ ne a ya igoru esiliva, oze, ematọn, erhan kevbe okuta ru — avbe ẹbọ ni i bẹghe kevbe ni i họn ẹmwẹ kevbe ni i sẹtin ru emwi rhọkpa. Sokpan, wẹ ma da ne Osanobua ne ọ tae a deghẹ u gha rre agbọn ra u gha wu, kevbe ne ẹmwẹ emwi ne u ru hia rre ọre obọ.

I Kọrinti 2:6

Vbene ọ rhirhi gha ye hẹẹ, I vbe ye ẹmwẹ ne ọ dinmwi gu iran ni dido nẹ vbe ẹmwẹ emwi ni re ọghe orhiọn guan. Sokpan ẹ i re ẹwaẹn ẹmwẹ agbọn na, ra ọghe avbe ẹtin ni rre ọdakha vbe agbọn na, avbe ẹtin iran ra fafaa.