Psalm 145:18 - Edo Bible (E Baibol Ẹdo) Version 1996

¹⁸ Ọ sikẹ iran ni kpe tie ẹre, iran ni ya ẹko ata kpe tie ẹre.

Psalm 145:18 ပူးပေါင်းရင်းမြစ်များ

Psalm 119:151

Sokpan, wẹ sikẹ mwẹ Nọyaẹnmwa, iyi ruẹ hia, etẹbitẹ nọ.

Psalm 119:2

Afiangbe ọrọre ọghe iran ni lele iyi ẹre ni họn ẹmwẹ ne ẹẹn kekhọekekhọe.

Psalm 17:1

Nọyaẹnmwa, danmwehọ erinmwian ne I rinmwian wẹ, ne a bu ohiẹn ẹmwata mẹ; zẹ ye utumwẹ ne I tu ne I ya nọ iyobọ, danmwehọ erhunmwu akekhọerre mwẹ.

Psalm 34:18

E Nọyaẹnmwa sikẹ iran, ne agbọn zẹ ọre ẹtin. Ọ vbe miẹn iran hia ne ẹtin emwi hia fo nẹ fan.

Psalm 46:1

Osanobua ọrọre ugue kevbe ẹtin mwa, ọ mu egbe vbe ẹghẹ hia ne ọ ya ru iyobọ vbe ẹghẹ ukpokpo.

Psalm 46:5

Osanobua rre ẹvbo nii, a i vbe fuọn ruan ẹdẹdẹmwẹdẹ; ọ gha rre do yọre obọ vbe owiẹ vbirrivbirri.

Itan 15:8

Emwa esi gha na erhunmwu, ẹko ghi gha rhiẹnrhiẹn e Nọyaẹnmwa, sokpan te emwi izọ ese ne emwa dan viọ gie ẹe sọnnọ ẹn.

Aizaia 58:9

Wa gha na erhunmwu, I ghi họn. Wa gha tie mwẹ, I ghi khuẹnniẹn. “De ghẹ wa dobọ ne uwa na wọ emwa uhunmwu yi, deba uyinmwẹ ne ọ ghi khọ ọghe otilua, kevbe ẹmwẹ dan hia.

Eve Orriara 3:57

U zẹmwẹ wanniẹn mwẹ, u keghi tama mwẹ wẹ, ne I ghẹ gie ohan mu mwẹ.

Hozia 7:14

Iran ma he ya ekhọe ẹmwata na erhunmwu ghe mwẹ ẹdẹ, ne iran gha na te ru vberriọ, iran keghi dele gbotọ, iran keghi gha go zẹ vbene iran ni ga ẹbọ ru ẹe. Iran gha na erhunmwu ye ẹmwẹ ọka kevbe ayọn, iran ghi gha giagia egbe iran, zẹ vbene iran ni ga ẹbọ ru. Erriọ avbe miẹn emwa ni sọtẹ ra!

Matiu 23:13

“U miẹn agbọn ne uwa ye eni ma emwa Uhi kevbe Farisi, ayunukpaegbe! Wa khui urho Arriọba ẹrinmwi ke emwa yi, wa tobọ uwa ma ho ne uwa la owa, emwa ni ho ne iran la owa, wa ma kie ne iran. [

Iyẹn ne ọ Maan Ọghe Jọn 14:23

Jesu wanniẹn wẹẹ, “Ọmwa ne ọ rhirhi ho ẹmwẹ mwẹ gha ru vbene I khare, Erha mwẹ gha ho ẹmwẹ ọnrẹn, kevbe imẹ kevbe Erha mwẹ ghi bu ẹre gha dee, ma ghi do di owa ẹre ya.

Iyẹn ne ọ Maan Ọghe Jọn 4:24

Orhiọn ọre Osanobua khin, iran ni gae, ọ kere ne iran ya orhiọn gae vbe ẹmwata.”

Diuteronomi 4:7

“Agbọn ẹvbo ọvbehe i rrọ, vbene ọ khọnrẹn ne ọ kpọlọ sẹ hẹ, ne ọ mwẹ Osanobua ne ọ wa sikẹ iran sẹrriọ vbe iran a gha gualọ iyobọ zẹ vbene Nọyaẹnmwa Osanobua mwa ye. Ẹghẹ ne a rhirhi ya nọ iyobọ ẹre ọ re ọ ya khuẹnniẹn mwa.

Jems 4:8

Wa sikẹ Osanobua, rẹn gha vbe sikẹ uwa. Wa kpe obọ uwa a, wa ne emwa orukhọ. Wa kpe ekhọe uwa huan, wa ne emwa ẹkẹ vbe iwẹnwẹn.