Psalm 145:17 - Edo Bible (E Baibol Ẹdo) Version 1996

¹⁷ Ọmwata ọ re Nọyaẹnmwa khin vbe emwi ne ọ ru hia, ọ vuọn ne itohan vbe iwinna rẹn hia.

Psalm 145:17 ပူးပေါင်းရင်းမြစ်များ

Gẹnẹsis 18:25

Vbe na i na gbe awẹawẹ u i ra gbe ni ma rukhọ ba eni rukhọ. Ọnii i gia ru wẹ i sẹtin ru vberriọ. Ẹghẹ nii, a ghi rri eni ma rukhọ oya zẹ vbe eni rukhọ. Ọnii i gia ru, enọbuohiẹn otọ agbọn hia, te ọ gha ru emwi nọkere.”

II Samuẹl 22:31

U miẹn vbe emwi ne Osanobua na ru gba ẹe hẹ. U miẹn vbe ẹmwẹ ọnrẹn gia mu ẹtin yan hẹ! Te irẹn yevbe asa, ne iran ne ọ wẹ ne ọ degue iran.

Job 34:10

“Wa danmwehọ mwẹ, wa ni rẹn otọ emwi, Osanobua ne Udazi gha ru emwi ne ọ ma gba ra?

Job 34:12

Osanobua ne Udazi i ru emwi dan, ẹ i vbe ru ọmwarhọkpa emwi ne ọ ma kei.

Psalm 103:6

Ọmwa ne a zẹ kpokpo, ọre Nọyaẹnmwa bu ohiẹn na, ọ ghi vbe gie emwi ne ọ khẹ ke iran sẹ iran obọ.

Psalm 112:4

Te uwanmwẹ ladian vbe uwu ebiebi ne ọmwa esi, ne iran ni mwẹ itọhan, ẹnina, kevbe ẹmwata.

Psalm 116:5

E Nọyaẹnmwa mwẹ itohan, ọ vbe maa, ọmwa ne ọ vuọn ne ẹnina, ọ re Osanobua mwa khin.

Psalm 50:6

Ẹrinmwi ya ẹe go wẹ, ọmwata ọ re Osanobua khin wẹ rẹn tobọ ẹre ọrọre nọbuohiẹn.

Psalm 89:14

Ẹmwata kevbe uhunmwu ẹmwẹ, ọ re a gbe ẹyotọ arriọba ruẹ yan, aho ẹmwẹ ọmwa kevbe aguobọmwa, rhie egbe ma vbe emwi ne u ru hia.

Psalm 97:2

Okuku kevbe ebiebi lẹga ẹre; ẹmwata kevbe uhunmwu ẹmwẹ ọ re ọ ya khaemwisẹ.

Aizaia 45:21

Wa larre, wa do ta ne unu uwa vbe iko, wa tama iran ne a gu ẹzọ ne iran mu iro vba egbe. Gha ọ ta emwi ne ọ gha he kue sunu yotọ ke ẹkpo nii gha dee? Ẹre mẹ ne Nọyaẹnmwa nọ, mẹ ne Osanobua ne ọ miẹn emwa rẹn fan? Osa ọvbehe i rrọọ.

Zẹfanaia 3:5

Sokpan, e Nọyaẹnmwa ye rre ore ẹvbo, emwi ne ọ gbae ọ re ọ ru, ẹ i vbe zẹdẹ ru emwi ne ọ ma gba. Rẹn i ba ẹe ku vbe owiowiẹ ne ọ ya ru enọkhẹke ne emwa rẹn. Sevba, emwa ne ẹ i re emwata ni rre evba ghi ye gha ru emwi ne ọ ma gba khian vbene ekhue i na mu iran.

Zẹkaraia 9:9

Wa gha ghọghọ, wa gha ghọghọ ivbi e Zaiọn! Wa gha wee ne oghọghọ, wa ne ivbi e Jerusalẹm! Wa ghe ighẹ ọba uwa dee! Ọ dee vbe ọmwa ne ọ ru rho obọ, ọ vbe khọnmiotọ. Sokpan, ọmẹhẹ ne ọ hin ekẹtẹkẹtẹ ne kherhe, ne sọguọsọguọ rẹn khin.

Diuteronomi 32:4

“E Nọyaẹnmwa ọrọre ne ọ khọn ne uẹn nọ wegbe, nọgbae kevbe ẹmwata vbe odẹ ọ re hia; ọmwata kevbe ne ọ ta uhunmwu ẹmwẹ ẹre Osanobua rua khin; emwi ne ọ kere kene ọ maa ọ re ọ ru.

Arhie Maan 19:11

I keghi miẹn vbe ẹrinmwi kie ye otọ, ẹsin nọfua ọkpa kegha rrọọ, a kegha tie ọmwa ne ọ hin ẹnrẹn, Ọmwata kevbe Ne ọ ta uhunmwu ẹmwẹ. Ẹmwata ọre ọ ya bu ohiẹn kevbe ne ọ vbe ya khọn okuo ẹre.

Arhie Maan 19:2

Ẹmwata ne uhunmwu ẹmwẹ ọre ibuohiẹn ọnrẹn khin. Rhunmwuda rẹn bu abe gbe ẹe nẹ ighẹ ebabotu nọkhua nii ne ọ ya alama oghẹ ọre mu agbọn rhia. Osanobua rria ẹre ikhi, rhunmwuda ne ọ na gbele avbe eguọmwadia ẹre.”

Arhie Maan 4:8

Ọkpọkpa vbe uwu avbe emwi ne a yi ni ma he wu ni, keghi mwẹ ifuẹn ehan, aro keghi vuọn iran egbe hia ke aro kevbe iyeke, iran i vbe da obọ ihuan ne iran so yi avan kevbe asọn wẹẹ: “Ne ọ huanrẹn, ne ọ huanrẹn, ne ọ huanrẹn, ọre Osanobua ne Oghodua khin. Ọmwa ne ọ ka rrọọ de, ne ọ rrọọ banbanna, kevbe ne ọ khian gha rrọọ vbe ẹghẹ ne ọ dee.”