Psalm 145:10 - Edo Bible (E Baibol Ẹdo) Version 1996

¹⁰ Emwi ne u yi hia gha rho ruẹ Nọyaẹnmwa, emwa ruẹn hia gha vbe kpọnmwẹ ọn.

Psalm 145:10 ပူးပေါင်းရင်းမြစ်များ

Psalm 103:22

Wa rho e Nọyaẹnmwa, wa ne emwi ne irẹn yi hia, ni rre ehe hia ne irẹn gbearoghe, rhie urhomwẹ ne Nọyaẹnmwa, wẹ ekhọe mwẹ!

Psalm 104:24

Nọyaẹnmwa emwi ne u yi wa bun, a miẹn vbene u ya ẹwaẹn ru ehia hẹ! agbọn vuọn ne emwi ne uyi hia!

Psalm 149:5

Wa gie emwa Osanobua gha ghọghọ ye akhọnmiotọ iran, ne iran vbe so ihuan ne ọ rhiẹnrhiẹn ne ẹdẹgbe.

Psalm 19:1

U miẹn vbe iso rhie uyi Osanobua ma hẹ! Ọ na vbe rhie iwinna obọ ẹre ma fẹẹrẹ.

Psalm 22:23

“Wa ne eguọmwadia e Nọyaẹnmwa, wa rho ẹre wa ya ọghọ ne ẹẹn, wa ne ivbi uniẹn Jekọb. Wa vbe ga ẹe, wa ne ivbi Izrẹl.

Psalm 30:4

Wa so ihuan urhomwẹ ghe Nọyaẹnmwa, wa ne emwa rẹn ni gia mu ẹtin yan. Wa yerre, emwi ne Ne ọ huanrẹn Nii ru ne uwa rhie ekpọnmwẹ ne ẹẹn.

Psalm 30:5

Ovbi ẹghẹ kherhe ọre izohu ẹre ya umamwẹ ọnrẹn keghi re ọghe ẹdẹ agbọn hia. Ameve sẹtin gha rhọkua vbe, asọn sokpan oghọghọ dee vbe owiẹ.

Psalm 32:11

Wa gha ghọghọ, ne uwa vbe gha sọyẹnmwẹ wa ne ẹmwata rhunmwuda, iwinna ne Nọyaẹnmwa winna ẹn. Wa ni họn ẹmwẹ ne ẹẹn, wa gha we ne oghọghọ.

Psalm 57:9

I gha kpọnmwẹ ọn vbe uwu agbọn ẹvbo, Nọyaẹnmwa, I gha rho ruẹ vbe uwu ẹbu avbe emwa.

Psalm 68:26

“Wa rho Osanobua vbe ehe ne avbe emwa rẹn ni do iko ye wa rho e Nọyaẹnmwa wa ne ivbi uniẹn ẹ Jekọb hia!”

Psalm 69:35

Ọ gha miẹn Jerusalẹm fan, ọ ghi dọlọ ẹvbo ni rre Juda bọlọ. Emwa rẹn ghi gha rre evba, iran ghi yan otọe nii, ivbi uniẹn eguọmwadia ẹre gha rri oẹ vbe ukhu.

Psalm 97:12

Wa gha ghọghọ, wa ne ẹmwata hia; rhunmwuda iwinna ne Nọyaẹnmwa winnaẹn! Wa ye iwinna ne Osanobua ne ọ huanẹn winna ẹn rre, ne uwa vbe gha kpọnmwẹ ọẹn.

Aizaia 44:23

Wa we uwemwẹ oghọghọ, wa ne ẹrinmwi wa gha wee, wa ne ehe ne ọ dinmwi vbe otọ agbọn. Wa gha we uwemwẹ oghọghọ wa ne avbe oke nekhua kevbe avbe erhan ni rre ẹgbo hia! E Nọyaẹnmwa rhie ukpọlọmwẹ ọnrẹn maa nẹ vbekpa ne ọ na miẹn Izrẹl ne emwa rẹn fan.

Hibru 13:15

Rhunmwuda ọnii, wa gie ima gha rhie urhomwẹ ne Osanobua vbe ẹghẹ hia, zẹ vbe ese ne a zọ la obọ Jesu, ọnii nọ wẹ, wa gie ima gha ya urhu mwa rhie ekpọnmwẹ ne eni ẹnrẹn.

I Pita 2:5

Wa gha dee zẹ vbe okuta ni rrọọ, ne uwa gia ya uwa bọ Ọgua Osa ọghe orhiọn, eke ne uwa gha na winna, zẹ vbe avbe ohẹn ni huanrẹn, ne uwa gha zọ ese orhiọn ne a ọ gia rhan obọ miẹn ghe Osanobua vbe ekpa Jesu Kristi.

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.