Psalm 144:14 - Edo Bible (E Baibol Ẹdo) Version 1996

¹⁴ Te ẹmila mwa gha biẹlẹ gba erhan gba irri, vbene ẹ i na zọrua ra ne ọ wi. Ai gha vbe miẹn okuo eve vbe idunmwu mwa.

Psalm 144:14 ပူးပေါင်းရင်းမြစ်များ

Job 39:11

U gha sẹtin mu ẹtin yan ẹtin ẹnrẹn nọkhua ra, ne u gha khẹ ọre ne ọ do winna iwinna ruẹn ne ọ lọghọ?

Aizaia 24:11

Emwa gha go vbe adesẹ ẹvbo rhunmwuda wẹ ayọn ighi rrọọ. Oghọghọ fo ẹdẹdẹmwẹdẹ, a wabọ ẹre ua hin otọe ni rre.

Aizaia 65:19

Oghọghọ gha vuọn imẹ tobọmwẹ ẹko rhunmwuda e Jerusalẹm kevbe avbe emwa ni rrọọ. Eve i ra gha rre evba, bu mwẹ rre, bu mwẹ rre i ra vbe gha rrọọ.

Jerimaia 14:18

I gha la uwu oha, I ghi gha miẹn ikun emwa ne a gbele vbe okuo, I gha la adesẹ ore, I ghi gha miẹn emwa ne ohanmwẹ ghi ra ghe ua. Avbe akhasẹ kevbe avbe ohẹn wa winna iwinna iran khian, sokpan, iran ma rẹn emwi ne iran ru.”

Jerimaia 14:2

“Juda rre akhiẹ avbe okpẹvbo ẹre hia wulo khian, emwa rẹn lovbiẹ lele otọ iran gha khiẹ, e Jerusalẹm gha go gualọ iyobọ.

Levitikọs 26:6

“I gha rhie ọfumwegbe ne uwa vbe otọ rua, wa ghi vbe gha vbiẹ vbe ne uwa i na fian afianma, I gha fuẹn avbe aranmwẹ dan ni rre otọe nii, okuo i ghi ra vbe gha rrọọ vbe evba.

Diuteronomi 28:25

E Nọyaẹnmwa ghi gie eghian uwa gha khọn miẹn uwa otọ. Wa gha la odẹ ọkpa mu igbinna gie iran, sokpan wa ghi la odẹ ihinrọn lẹ hin ehe ne iran ye rre. Afianma ghi gha fian emwa ni rre agbọn hia vbe iran a miẹn emwi ne ọ sunu vbe egbe uwa.

Diuteronomi 28:7

“E Nọyaẹnmwa gha khọn eghian hia mu otọ ne uwa. Odẹ ọkpa iran ra la rre do gu uwa gbinna, sokpan odẹ ihi-nrọn iran ra lẹ la gha rrie.

Giọgis 5:8

A khọn okuo otọe ni ra vbe ivbi Izrẹl zẹ ẹbọ ọvbehe? Vbe arhin arriaisẹn iyeva ni rre Izrẹl (40,000) a miẹn ne ọ mu asa vbo ra asoro?

Giọgis 6:3

Ẹghẹ kẹghẹ ne ivbi Izrẹl ya kọ emwiokọ, avbe ivbi e Midian deba ivbi Amẹlẹk kevbe emwa ni rre uwu ato ghi do gu iran gha gbinna!

Giọgis 6:6

Izrẹl ma miẹn odẹ la iran re. Ẹre ivbi Izrẹl na datu tie Nọyaẹnmwa wẹ ne ọ ye iran obọ.

I Samuẹl 31:7

Ivbi Izrẹl ni rre obọ nọkpa ọghe Iya Jezrẹl kevbe odẹ ahọ Ẹzẹ Jọdan ghi miẹn wẹ ivbiyokuo Izrẹl lẹkua kevbe, wẹ a gbele Sọl kevbe avbe ivbi ẹre, iran keghi sẹ ẹvbo iran rae, iran na lẹkua. Avbe ivbi e Filistin keghi rre iran na do yin avbe ẹvbo nii.