Psalm 143:10 - Edo Bible (E Baibol Ẹdo) Version 1996

¹⁰ Wẹ ọrọre Osanobua mwẹ, ma mwẹ ẹre ne I gha ru iho ruẹ. Gha ru mwẹ ẹse, ne u vbe gha dia mwẹ, la odẹ ne ẹbe i ye.

Psalm 143:10 ပူးပေါင်းရင်းမြစ်များ

Nehimaia 9:20

Vbe uwu umamwẹ ruẹn wẹ tama iran emwi ne iran gha ru. U ya e mana koko iran, u na vbe sa amẹ ne iran wọn.

Psalm 118:28

Wẹ ọrọre Osanobua mwẹ mẹ vbe rhie ekpọnmwẹ ne uẹn, I gha na iyẹn ukpọlọmwẹ ruẹn.

Psalm 119:12

I rho ruẹ, Nọyaẹnmwa, gie odẹ ruẹ ma mwẹ.

Psalm 119:35

Gunmwẹ gha mu uhi ruẹ sẹ, rhunmwuda I miẹn ẹko rhiẹnrhiẹnmwẹ vbe uwu iran.

Psalm 139:24

Gualotọ ẹre miẹn, a deghẹ emwi dan rre uwu imẹ, ne u su mwẹ la odẹ etẹbitẹ.

Psalm 140:6

Mẹ tama Nọyaẹnmwa wẹẹ, “Wẹ ọrọre Osanobua mwẹ.” Họn utumwẹ ne I ya nọ iyobọ Nọyaẹnmwa!

Psalm 22:1

Osanobua mwẹ, Osanobua mwẹ, vbọzẹ ne u na he mwẹ ye otọ? I wa kakabọ tu ya nọ iyobọ, sevba, ọ ma rre.

Psalm 23:3

Ọ fu ekhọe mwẹ egbe rre ọ su mwẹ vbe odẹ ẹmwata, rhunmwuda eni ẹnrẹn.

Psalm 25:12

Iran ni họn ẹmwẹ ne Nọyaẹnmwa, gha ruẹ emwi vbe ehe ne ọ ye odẹ ne ọ kere ne iran lele.

Psalm 27:11

E Nọyaẹnmwa, ma mwẹ emwi ne u ho ne I ru, ne u vbe rhie mwẹ la odẹ ne ẹbe i ye, rhunmwuda, eghian ne I mwẹ wa bun.

Psalm 31:14

Sokpan, Nọyaẹnmwa, wẹ ọ re I mu ẹtin yan. Wẹ ọrọre Osanobua mwẹ,

Psalm 63:1

Osanobua, wẹ ọrọre Osanobua mwẹ ekhọe mwẹ vbe gualọ ọ. Egbe mwẹ hia wa gualọ ọ zẹvbe otọe ne ọ kae ne ọ fafaa kevbe zẹvbe otọ ne amẹ i ye ohanmwẹ amẹ ruẹn gbe ekhọe mwẹ.

Aizaia 29:10

E Nọyaẹnmwa ru ẹe nẹ, ne uwa gha vbiẹhunde, te ovbe ghi ra gbele uwa kua na. Avbe akhasẹ ọ re ọ te kei ne ọ gha re aro emwa nii, sokpan, Osanobua rhu iran aro nẹ.

Aizaia 63:14

Zẹ vbene a viọ ẹmila gha rrie iya ne emwi na maa, erriọ ọ re Nọyaẹnmwa rhie ikẹtin ne emwa rẹn. Ọ su emwa rẹn ọ keghi rhie uyi gie egbe ẹre.

Maika 4:2

Avbe emwa iran ghi gha kha wẹẹ, “Wa gie ima hin oke Nọyaẹnmwa gha rrie Ọgua Osa, Osanobua Izrẹl. Rhunmwuda, ọ gha ma ima emwi ne ọ ho ne ima ru, ma gha lele urodẹ ne irẹn zẹe, rhunmwuda, e Jerusalẹm ọ re iruẹmwi e Nọyaẹnmwa ke rre; e Zaiọn ọ re ọ ke guan gie emwa irẹn.”

Nọmbas 9:22

Ọre ikpẹdẹ eva nọ, ra uki ọkpa ra ukpo hoho, okuku nii gha ye mudia yan agọ nii, iran i si kpao, ọ gha kpao, iran ghi si okhian.

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

Iyẹn ne ọ Maan Ọghe Jọn 14:26

Nọyọmwaobọ nii, Orhiọn Ne Ọ Huanrẹn ne Evbavba ye eni mwẹ gie rre gha ma uwa emwi hia, ọ ghi ye uwa ẹmwẹ ne I he tama uwa hia rre.

Ebe ne Pọl gbẹẹn gie emwa Rom 15:13

Te Osanobua obọ ọmwa ne idaehọ hia ke rre gha ya oghogho kevbe ọfumwegbe vuọn uwa, vbekpa iyayi ne uwa mwẹ vbe uwu irẹn, ne idaehọ uwa miẹn ehe na gha muan yọ vbekpa ẹtin Orhiọn Ne Ọ Huanrẹn.

Ebe ne Pọl gbẹẹn gie emwa Rom 15:30

Etẹn mwẹ, I kakabọ ye Nọyaẹnmwa Jesu Kristi, kevbe ahoẹmwọmwa ne Orhiọn rhie ne ọmwa rinmwian uwa ne uwa deba mwẹ kakabọ gha na erhunmwu ghe Osanobua mẹ.

Ebe ne Pọl gbẹẹn gie emwa Rom 5:5

Idaehọ na ẹ i hiẹ ọmwa, rhunmwuda Osanobua tue ahoẹmwọmwa ẹnrẹn ye ima ekhọe nẹ vbekpa Orhiọn Ne Ọ Huanrẹn ne Osanobua ya ru ima ẹse.

Ebe ne Pọl gbẹẹn gie emwa Rom 8:2

Rhunmwuda, uhi ọghe Orhiọn ne ọ rhie a ya egbe ba Kristi Jesu ghae arrọọ gie ima, fan mwẹ ye otọ nẹ vbe obọ uhi ọghe orukhọ kevbe uwu.

Ebe ne Pọl gbẹẹn gie emwa Rom 8:26

Erriọ zẹẹ ọre nene Orhiọn vbe do gha ye ima ni ma wo vbe egbe obọ. Rhunmwuda ma ma rẹn vbene a ya na erhunmwu hẹ sokpan nene orhiọn ọre ọ rinmwian ne ima vbe ehe ne Osanobua ye, vbe uwu ikhiẹkhiegbe obalọ ne ẹmwẹ unu i sẹtin ta ladian.

Ẹfisọs 4:30

Ghẹ rhia Orhiọn Ne Ọ Huanrẹn ọghe Osanobua ekhọe rua, rhunmwuda nene Orhiọn ọrọre ama ọghe mẹ ọ yan rẹn, ne Osanobua yi ye uẹ egbe, ama ne aro ya dae wẹ, ẹdẹ dee ne Osanobua gha faan ye otọ.

Ẹfisọs 5:9

Rhunmwuda, uwanmwẹ ọre ọ rhie otọ ne avbe emwi esi, vbene umamwẹ, emwi ne ọ gbae kevbe ẹmwata ye, ne a mọ ọmọ wọrhọwọrhọ.

II Timoti 1:7

Rhunmwuda, Orhiọn ne Osanobua rhie ne ima, ẹ i re ne ọ ya ima vbiẹre sokpan, te Orhiọn rẹn ya ẹtin vuọn ima kevbe aho ẹmwẹ ọmwa kevbe i ziengbe.

Hibru 13:21

Osanobua ọfumwegbe ne ọ viọ emwi ni maa hia ne uwa ho ne uwa, vbe ne uwa gha na sẹtin ru vbene irẹn ho, kevbe ne ọ vbe la ekpa Jesu Kristi ru emwi ne ọ yẹ ọre vbe uwu ima. Jesu Kristi ọre uyi gha rrọọ na ẹdẹ kevbe ẹdẹdẹmwẹdẹ! Isẹ.

I Jọn 2:27

Sokpan zẹ vbe ọ ghe uwa, Kristi tue Orhiọn rẹn yan uwa nẹ. Ugbẹn vbe Orhiọn a ye gha rre uwu uwa, wa i ghi vbe gualọ ọmwa ọvbehe ne ọ gha ma uwa emwi. Rhunmwuda, Orhiọn ni ọre ọ ma uwa emwi vbe ekpa emwi hia, emwi ne ọ ma uwa ẹre, ẹmwata vbe nọ, ohoghe i rrọọ, wa gha rhie emwi ne ọ ma uwa ẹre khekherriọ, ne uwa vbe gha rre uwu Kristi.