Psalm 143:1 - Edo Bible (E Baibol Ẹdo) Version 1996

¹ Nọyaẹnmwa, họn erhunmwu mwẹ! Họn erinmwian mwẹ, rhunmwuda ẹmwata ruẹ!

Psalm 143:1 ပူးပေါင်းရင်းမြစ်များ

II Samuẹl 7:25

“Wanwanna nian, e Nọyaẹnmwa Osanobua, eyan ne u yan rẹn vbe ekpa mwẹ kevbe ẹgbẹe mwẹ, gie ẹe gha re ne u mu sẹ ke orre yasẹ orre, ne u vbe ru emwi ne u khare ighẹ u gha ru.

Psalm 140:6

Mẹ tama Nọyaẹnmwa wẹẹ, “Wẹ ọrọre Osanobua mwẹ.” Họn utumwẹ ne I ya nọ iyobọ Nọyaẹnmwa!

Psalm 17:1

Nọyaẹnmwa, danmwehọ erinmwian ne I rinmwian wẹ, ne a bu ohiẹn ẹmwata mẹ; zẹ ye utumwẹ ne I tu ne I ya nọ iyobọ, danmwehọ erhunmwu akekhọerre mwẹ.

Psalm 31:1

I rre do lẹ gbinna an Nọyaẹnmwa ghẹ gie obọ gba mwẹ ẹdẹ. Osanobua ẹmwata wẹ khin lahọ miẹn mwẹ fan.

Psalm 71:2

Rhunmwuda ighẹ ọmwata wẹ khin, yọmwẹ obọ ne u miẹn mwẹ fan. Danmwehọ mwẹ, ne u yuo mwẹ ladian.

Daniẹl 9:16

“Wẹ gbinna ne ima vbe ẹghẹ nọ gberra, rhunmwuda ọnii, ghẹ ghi mu ohu e Jerusalẹm ọvbehe, ẹvbo ruẹ ọre nọ, oke ruẹ nọhuanrẹn nọ. Te emwa hia ni rre avbe ẹvbo ni diake mwa ghi ya ro gbe Jerusalẹm re, kẹe kevbe avbe emwa ruẹn, rhunmwuda orukhọ mwa kevbe emwi dan ne avbe erha mwa odede ru.

I Jọn 1:9

Sokpan a deghẹ ma miẹn orukhọ mwa kue ma Osanobua, rẹn gha mu eyan ọghọe sẹ, ọ ghi ru vbene ọ keyi, ọ gha ya orukhọ mwa bọ mwa, ọ ghi vbe kpe mwa hin uwu abakuru mwa hia rre.