Psalm 142:6 - Edo Bible (E Baibol Ẹdo) Version 1996

⁶ Rhie ehọ ye eve ne I viẹ ya nọ iyobọ, isonrhiọn i ghi rrọ mwẹ re hiehiere. Miẹn mwẹ fan hin obọ avbe eghian mwẹ rre, iran wegbe sẹ mwẹ gbe.

Psalm 142:6 ပူးပေါင်းရင်းမြစ်များ

Psalm 116:6

Osanobua ru iyobọ ne ne ẹ i mwẹ, ẹghẹ ne I na gha rre uwu ẹbe, ọ miẹn mwẹ fan.

Psalm 136:23

Ọ ma mianmian mwa vbe a khọn miẹn ima otọ, etẹbitẹ ọ re ahoẹmwọmwa rẹn khin.

Psalm 143:3

Oghian mwẹ ru ọbafi mwẹ rre, obọ ẹre keghi gba mwẹ fẹẹrẹ. Ọ khui mwẹ ye uwu ẹwẹdọ ne ọ so ebiebi, te I ghi ye vbe ọmwa ne ọ wu ẹghẹ ne ọkpẹre.

Psalm 143:7

Zẹ ẹmwẹ wanniẹn mwẹ nian, Nọyaẹnmwa, egbe fu mwẹ nẹ, ghẹ ghi rhie aro lẹre mẹ ne I ghẹ do ya khian okpa vbe uwu iran, ni tuorre rrie ehe ne iran ni wulo nẹ ye.

Psalm 17:1

Nọyaẹnmwa, danmwehọ erinmwian ne I rinmwian wẹ, ne a bu ohiẹn ẹmwata mẹ; zẹ ye utumwẹ ne I tu ne I ya nọ iyobọ, danmwehọ erhunmwu akekhọerre mwẹ.

Psalm 18:17

Ọ miẹn mwẹ fan vbe obọ avbe eghian mwẹ ni wegbe kevbe iran ni khuiwu mwẹ, iran te wegbe sẹ mwẹ gbe.

Psalm 27:13

Mẹ rẹnrẹn i ghẹ I gha tọ miẹn ọma ọghe Nọyaẹnmwa vbe arria na.

Psalm 3:1

Eghian ne I mwẹ bun ẹsẹse Nọyaẹnmwa, emwa nibun, ni viọ aro da mwẹ.

Psalm 38:19

Egbe rran avbe eghian mwẹ iran vbe wegbe, iran ni khuiwu mwẹ vbe nẹi na mwẹ otọ wa bun.

Psalm 46:2

rhunmwuda ọnii, agbọn gha rhe kpẹngiẹn ighe te avbe oke nekhua werriẹ ku uwu odin okun, ohan i ra mu mwa.

Psalm 59:3

Ghe! Iran ghae ye odẹ ne iran gbe mwẹ uan. Avbe emwa dan gha si uma ga mwẹ, ẹ i re rhunmwuda orukhọ, ra abakuru ne I ru.

Psalm 79:8

Ghẹ rri ima oya ye orukhọ avbe erha mwa odede, tohan mwa, egbe wọ ima nẹ.

Psalm 91:2

gha sẹtin tama rẹn wẹẹ, “Wẹ ọrọre ne ọ gbinna mẹ kevbe ugue mwẹ wẹ ọrọre Osanobua mwẹ ọmwa ne I mu ẹtin mwẹ yan.”

Ebe ne Pọl gbẹẹn gie emwa Rom 8:33

De ọmwa ne ọ gha bu iran ne Osanobua tobọ ẹre tae ighẹ iran i mwẹ abe ifi ẹzọ?

Ebe ne Pọl gbẹẹn gie emwa Rom 8:37

Awua, vbe uwu avbe emwi na hia, ma khọn miotọ nẹ fẹẹrẹ vbe ẹtin irẹn ni ne ọ ho ẹmwẹ mwa.

I Samuẹl 24:14

Ghe emwi ne ọba Izrẹl ho ne ọ gbe ua! Ghe emwi ne ọ khu khian, ekita ne ọ wu, ovbi ọkhọe.