Psalm 141:4 - Edo Bible (E Baibol Ẹdo) Version 1996

⁴ Ghẹ gunmwẹ gha ho ne I ru emwi ne ọ ma gba, ra ne I deba emwa dan vbe uyimwẹ ọkhọ iran. I i gha gu iran rri evbare kugbe ẹdẹ.

Psalm 141:4 ပူးပေါင်းရင်းမြစ်များ

Gẹnẹsis 27:14

Ẹre ọ na gele gha khian ya munọ ẹn viọ giẹe. Ọ keghi le evbare ne ọ yẹ erha ẹe.

I Ọba 13:8

Akhasẹ ni keghi wanniẹn wẹẹ, “A gha rhe wẹ te u wa ẹfe ruẹ hia ye ihe eva, u na mu obọ ọkpa mẹ vbọ, I i lele uẹ rae ra ne I guẹ re ra ne I guẹ da.

I Ọba 22:22

Orhiọn nii keghi kha wẹẹ, ‘I gha yo ya ru ẹe ne avbe akhasẹ Ehab hia gha ta ohoghe.’ E Nọyaẹnmwa keghi tama rẹn wẹẹ, ‘Gha khian ya rẹrẹ ọe, u gha sẹtin.’ ”

I Ọba 8:58

Te ọ gha gie ima gha họn ẹmwẹ ọnrẹn, ne ima gha yin vbe ẹghẹ hia zẹ vbene ọ ho, ne ima gha ya uhi ke iyi ne ọ yi ne avbe erha mwa odede hia ru emwi.

Psalm 119:36

Gie ekhọe mwẹ gha ho ne ọ mu uhi ruẹn sẹ, sẹẹ ne I do gha re ne ọ fee.

Psalm 28:3

Ghẹ bu abe gbe mwẹ ba avbe emwa dan, ba iran ni ru emwi dan. Avbe iran ne akọn giẹ iwu rriara.

Aizaia 63:17

Vbua ghi na gie ima bibi hin odẹ ruẹ rre hẹ yi? Vbua ghi na gie ima zevbudu sẹrriọ, ne ima ghi na fi iyeke gbe uwẹ? Werriegbe rre, rhunmwuda iran ni ga uwẹ, rhunmwuda iran ni wa re ọwuẹ, ke otọe gha dee.

Nọmbas 25:2

Avbe ikhuo na keghi wẹ ne avbe ikpia na do tuẹ iran vbe emwiukpo izọese, ehe ne iran na gho ẹbọ Moab. Avbe ivbi Izrẹl keghi rri evbare nii, iran na vbe ga nene ẹbọ,

Matiu 6:13

Ghẹ gia danmwẹ mwa ghe, rhie mwa lẹre hin obọ Ọkaẹrhia Nii.’

I Kọrinti 10:31

Vbene ọ rhirhi gha ye hẹ, ne uwẹ a rhirhi ru vbọ, te u re nọ re ra te u re ne ọ da, gha ru ehia ne uyi Osanobua.

I Kọrinti 15:33

Wa ghẹ gie emwa do uwa ọzuọ. “Otu dan ọre ọ mu uyinmwẹ esi rhia.”

II Kọrinti 6:17

Rhunmwuda ọnii, Nọyaẹnmwa keghi kha wẹ, “Wẹ kpao sẹ iran rae, Wa wannọ egbe hin uwu iran rre. Wa ghẹ mwẹ obọ vbe emwi ne ọ ma huan mẹ gha rhan obọ miẹn uwa.

Diuteronomi 2:30

“Sokpan e Sihọn ne ọba ma kue ne ima la ẹvbo ẹre gberra. E Nọyaẹnmwa ne Osanobua uwa keghi ya ẹe ze vbe udu, ọ kevbe sọtẹ, ne ima miẹn ehe na khọn miẹn ẹre otọe ne ima mu otọ ẹre ne ima ye ye na.

Diuteronomi 29:4

Sokpan, do sẹ ẹdẹnẹrẹ na, ọ ma he sẹtin ru ẹe ne uwa rẹn otọ emwi ne uwa miẹn.

Jems 1:13

A deghẹ a ya egbe edanmwẹ vberriọ rhuan ọmwa ghe, wẹ ne ọ ghẹ gha kha wẹ, “Obọ Osanobua edanmwẹ na ke rre.” Rhunmwuda a i sẹtin ye ọkhọ danmwẹ Osanobua ghe, rẹn tobọ ẹre i vbe danmwẹ ọmwa rhọkpa ghe.

Arhie Maan 18:4

I keghi vbe dọlegbe họn vbe urhu ọvbehe vbe guan ke ẹrinmwi rre wẹẹ, “Wa ke evba ladian, wa ne emwa mwẹ, wa ke uwu ẹre ladian, wa ghẹ gu ẹe mwẹ obọ vbe orukhọ ne ọ ru, wa ghẹ gu ẹe ghae vbe oya ne a ra rri ẹre re.