Psalm 141:2 - Edo Bible (E Baibol Ẹdo) Version 1996

² Rhan obọ miẹn erhunmwu mwẹ zẹ vbe eturari, obọ ne I viọ ghe okhunmwu zẹ vbe izọ ese ota.

Psalm 141:2 ပူးပေါင်းရင်းမြစ်များ

I Ọba 18:36

Ọ ghi sẹ ẹghẹ ne a ya zọ ese ogiavan, Elaija ne akhasẹ keghi sikẹ aka, ọ keghi na erhunmwu wẹẹ, “E Nọyaẹnmwa, Osanobua Ebraham, Aizik, kevbe Jekọb, rhie maa nian ighẹ wẹ ọrọre Osanobua Izrẹl kevbe wẹ ọguọmwadia ruẹ mẹ khin, kevbe wẹ emwi ne I ru na hia, wẹ ọre ọ gie mwẹ.

Ẹzra 9:4

Evba ọ re I tota yi gha khiẹkhiẹ egbe, ọ te do sẹ ẹghẹ ne a ya zọ ese ota, emwa hia kegha rre, iran na gha do ga mwẹ, avbe emwa ne afianma gha fian rhunmwuda ẹmwẹ ne Osanobua Izrẹl tae vbe ekpa orukhọ ọghe avbe emwa ni ke iwe rre.

Psalm 134:2

Wa viọ obọ da odukhunmwu na erhunmwu vbe Ọgua Osa, ne uwa rho e Nọyaẹnmwa.

Psalm 28:2

Họn urhu mwẹ vbe imẹ a gha tu tie ruẹ nọ iyobọ. Vbe I gha viọ obọ mwẹ da ukhunmwu ghe Ọgua Osa ruẹ ne ọ huanrẹn.

Psalm 5:3

U ghi họn urhu mwẹ vbe owiẹwiẹmwọkpa ovẹn gha yan rre, I gha na erhunmwu mwẹ, I ghi mudia khẹ ewanniẹn ruẹn.

Psalm 63:4

I gha rhie ekpọnmwẹ nuẹn vbe ẹghẹ ne I gha tọn obọ mwẹ mu na erhunmwu ghe ruẹ.

Ẹksọdọs 29:39

U ghi gbe ọkpa vbọ vbe owiẹ kevbe nọkpa vbe ota.

Ẹksọdọs 35:15

Aka ne a na giẹn eturari kevbe ọkpọ ni rrọọ. Ofigbọn ne a nọnọ ye emwa uhunmwu, eturari ne ọ winhin, kevbe ukpọn onurho ne ọ rre onurho Owa Ukpọn ne a dia.

Itan 15:8

Emwa esi gha na erhunmwu, ẹko ghi gha rhiẹnrhiẹn e Nọyaẹnmwa, sokpan te emwi izọ ese ne emwa dan viọ gie ẹe sọnnọ ẹn.

Daniẹl 9:21

Ugbẹn vbe I ghi wa na erhunmwu nii, e Gebriẹl ne I miẹn vbe umian ne I ka miẹn keghi tin gha die ehe ne I ye. Ẹghẹ ne a ya zọ ese ota nọ.

Malakai 1:11

Ke ehe ne agbọn sẹe vbe obọ na ya sẹ ehe ne ọ sẹe vbe obọ nọkpa, te emwa hia ya ọghọ mẹ. Ehe hia iran na giẹn eturari mẹ, iran ghi vbe gha zọ ese ne ọ gia rhan obọ miẹn. Te iran hia wa rhie ọghọ mẹ.

Nọmbas 16:35

E Nọyaẹnmwa keghi gie erhẹn ne ọ giẹn iran an ighẹ iran ekigbe siyeha yan uri (250) ni viọ eturari ni rre.

Iwinna 3:1

Ẹdẹ Ọkpa, Pita kevbe Jọn keghi gba gha rrie Ọgua Osa vbe ihe ẹgogo eha vbe avan, ne iran ya na erhunmwu.

I Timoti 2:8

I ho ne ikpia hia gha na erhunmwu vbe ehe hia, emwa ni ye egbe yan Osanobua, emwa ni gha sẹtin viọ obọ iran da odukhunmwu vbe ne a i na mu ohu kevbe ne a i na muan ẹmwẹ.

Arhie Maan 5:8

Ugbẹn vbe ọ ghi wa ru vberriọ nẹ, avbe emwi ne a yi ni ma wu nii, kevbe ediọn eneyanugie nii keghi dele gbe otọ vbe odaro Oteghe Ohuan nii. Ọkpọkpa vbe uwu iran kegha mwẹ akpata kevbe avbe ọkpan igoru ne a ye eturari vuọn, ena ni re erhunmwu emwa Osanobua.