1 I kpe tie ruẹ Nọyaẹnmwa, yọmwẹ obọ nian! Danmwehọ mwẹ vbe I a gha kpe tie ruẹ.
Wẹ i ya orukhọ mwẹ bọ mwẹ ẹdẹ ra? Wẹ i ye abakuru mwẹ bọ mwẹ? Ẹ i ghi kpee wan, I ghi la idin mwẹ. u gha gualọ mwẹ, sokpan, mẹ kpao nẹ.”
Nọyaẹnmwa, họn erhunmwu mwẹ! Họn erinmwian mwẹ, rhunmwuda ẹmwata ruẹ!
Zẹ ẹmwẹ wanniẹn mwẹ nian, Nọyaẹnmwa, egbe fu mwẹ nẹ, ghẹ ghi rhie aro lẹre mẹ ne I ghẹ do ya khian okpa vbe uwu iran, ni tuorre rrie ehe ne iran ni wulo nẹ ye.
E Nọyaẹnmwa, ghẹ khian rrei mẹ. Zẹgiẹgiẹ gha dee, ne u do miẹn mwẹ fan!
Họn urhu mwẹ vbe imẹ a gha tu tie ruẹ nọ iyobọ. Vbe I gha viọ obọ mwẹ da ukhunmwu ghe Ọgua Osa ruẹ ne ọ huanrẹn.
Nọyaẹnmwa, miẹn mwẹ fan do yọmwobọ nian.
Te obọ gha vba iran ni ho ne iran gbe mwẹ uan ne iro han iran. Iran ni ghọghọ ye ọlọghọmwa mwẹ, te a gha khu iran werriegbe ne a fa iran an.
Nọ ma wegbe kevbe ne ẹ i mwẹ ẹtin, ọ re imẹ khin. Zẹgiẹgiẹ rrọ mwẹ rre Osanobua, wẹ ọrọre ọmiọnmwafan mwẹ kevbe Nọyaẹnmwẹ zẹgiẹgiẹ do yọmwẹ obọ!
Ghẹ khian rrei Osanobua; Osanobua mwẹ, zẹgiẹ gha dee do yọmwẹ obọ!