Psalm 140:9 - Edo Bible (E Baibol Ẹdo) Version 1996

⁹ Ghẹ gie obọ eghian mwẹ ke ukhunmwu, gie eyan ne iran yan gun mwẹ degbe iran.

Psalm 140:9 ပူးပေါင်းရင်းမြစ်များ

Ẹsta 5:14

Ẹkpo nii, ọ re amwẹ ọnrẹn kevbe avbe esiọre na gue ẹe zẹ iro wẹẹ, “Wẹ ghi gba erhan ne a ya si emwa rrọọ ne uyomwẹ ọnrẹn re ibata isẹn irrọ vbe iyenẹ? Owiẹ nakhuẹ, u sẹtin tama ọba wẹ ne ọ si e Modekai rrọ yọ. Ẹghẹ nii, u sẹtin ye ọyẹnmwẹ gha rrie ehe ne uwa ra na rri evbare.” E Haman na wẹ iro esiesi ọna wa khin, ọ keghi gele ya gba erhan ne a si ọmwa rrọ yi nii.

Ẹsta 7:10

Ọba keghi kha wẹẹ, “Wa si e Haman rrọ yọ!” x e Haman rrọ ye erhan ne ọ yo ne a si emwa rrọ yi ne ọ te gba ye otọ khẹ Modekai. Ẹre ohu ọba ghi na rriotọ.

Psalm 64:8

Ọ gha fuẹn iran an rhunmwuda avbe ẹmwẹ ne iran ta nii, emwa ni miẹn iran hia ghi gha fieghe uhunmwu.

Psalm 7:16

Rhunmwuda ọnii, iran ọ re ọ ghi rrioya ye ọkhọ ne iran ru. Iran ọ re ọkpankpan iran ghi kuan ẹre egbe.

Psalm 94:23

Ọ gha rri iran oya ye emwi dan ne iran ru, ọ gha fuẹn iran an ye ẹmwẹ orukhọ iran, e Nọyaẹnmwa, Osanobua mwa gha fuẹn iran an.

Itan 10:11

Ẹmwẹ ne unu ọmwa esi, isi a rrọọ nọ. Sokpan, ẹmwẹ ne unu ọmwa dan rhie egbe ọkhọ ma.

Itan 10:6

Erhunmwu ọ re ọmwa esi miẹn. Ẹmwẹ ne ọmwa dan guan, ọkhọ ọ re ọ gbalọ yọ.

Itan 12:13

Ẹmwẹ ne unu ọmwa dan, ọ re a ya khuẹn ifi mu ẹẹn, sokpan, ọmwa esi ghi gha rhie uhunmwu ẹnrẹn ke ẹbe ladian.

Itan 18:7

Ọzuọ gha guan, egbe ẹre ọ re ọ murhia; ifi ne ẹmwẹ ne unu ẹnrẹn khuẹn ghi mu ẹẹn.

Matiu 27:25

Emwa ni hia keghi wa wanniẹn wẹẹ, “Gie emwi dan ne ọ gha rhunmwuda uwu ẹre na sunu gha rre uhunmwu ima kevbe ọghe ivbi ima.”

Diuteronomi 32:27

Sokpan, mẹ i ra rhie otọ ne eghian iran ya gha rhuọ, wẹ iran khọn emwa mwẹ miotọ, vbe imẹ tobọ mwẹ dunmwu iran an nẹ.’