Psalm 140:7 - Edo Bible (E Baibol Ẹdo) Version 1996

⁷ Nọyan, Osanobua mwẹ, ọmwa ne ọ wegbe ne ọ gbinna mẹ, u rhie mwẹ lẹre vbe ẹghẹ okuo.

Psalm 140:7 ပူးပေါင်းရင်းမြစ်များ

II Samuẹl 8:14

Ọ keghi bu agọ ivbiyokuo lele Idọm hia, emwa ni rrọọ kegha ga gie ẹe. E Nọyaẹnmwa keghi gie Devid gha khọnmiotọ vbe he hia.

II Samuẹl 8:6

Ọ keghi bu agọ ivbiyokuo ye iran ẹvbo, iran keghi khian eguọmwadia ẹre, iran na gha ga gie ẹe. E Nọyaẹnmwa kegha rhie akhọnmiotọ ne Devid vbe ehe hia.

Psalm 144:10

Wẹ ọ re ọ rhie akhọnmiotọ ne avbe ọba, u keghi vbe miẹn Devid ne ọguọmwadia ruẹ fan,

Psalm 18:35

Nọyaẹnmwa, wẹ ọ re ọ degue mwẹ u na vbe miẹn mwẹ fan vbe u ya gbe aro ghe mwẹ ya mwẹ khian nọkhua. Ẹtin ruẹn ya mwẹ gha rrọọ vbe ai mwẹ ẹbe.

Psalm 27:1

E Nọyaẹnmwa ọrọre uwanmwẹ mwẹ kevbe imiẹnfan mwẹ, de ọmwa ne ohan rẹn gha mu mwẹ? E Nọyaẹnmwa, ọ re ọ degue mwẹ, hin uwu ẹbe hia, afianma i ghi fianmwẹ.

Psalm 31:15

wẹ ọ re ọ gbe aro ghe mwẹ vbe ẹghẹ hia. Miẹn mwẹ fan vbe obọ avbe eghian mwẹ, kevbe obọ iran ni kpokpo mwẹ.

Psalm 59:17

I gha rho ruẹ wẹ ne ọ gbinna mẹ. Osanobua ọrọre ugue mwẹ, Osanobua nii, ne ọ ho ẹmwẹ mwẹ.

Psalm 62:2

Rẹn okpa kẹkan ọre ọ degue mwẹ ọ vbe miẹn mwẹ fan obọ ọmwa i ra gba mwẹ ẹdẹdẹmwẹdẹ.

Psalm 62:7

Osanobua ọ re imiẹnfan mwẹ kevbe uyi mwẹ hẹnhẹn egbe yan; rẹn ọrọre ugue mwẹ ne ọ wegbe, rẹn ọrọre ehe ne I lẹre yi.

Psalm 89:26

Rẹn gha tama mwẹ wẹẹ, ‘wẹ ọrọre erha mwẹ kevbe Osanobua mwẹ; wẹ ọrọre ne ọ degue mwẹ kevbe ọmiọnmwafan mwẹ.’

Psalm 95:1

Wa larre, wa gie a rho Nọyaẹnmwa, wa gie a so ihuan oghọghọ ọghe Osanobua ne ọ degue mwa.

Aizaia 12:2

Osanobua ọrọre ọmiọnmwafan mwẹ I gha mu ẹtin yan rẹn, I i ghi vbe fian afianma. E Nọyaẹnmwa rhie ẹtin kevbe iwegbe mẹ rẹn ọrọre ọmiọnmwafan mwẹ.