Psalm 14:3 - Edo Bible (E Baibol Ẹdo) Version 1996

³ Sokpan, ehia wa bodẹ ku, urhiamwẹ ọkpa ọ re ọ gu iran hia. Ne ọ ru emwi la uro i rre uwu iran, ọkpa kẹkan i rrọ.

Psalm 14:3 ပူးပေါင်းရင်းမြစ်များ

Gẹnẹsis 6:12

Osanobua ghi tọn aro mu ghe agbọn, ọ keghi miẹn wẹ ọ ghe ọkhọ nọ, rhunmwuda emwa ke wa gha re emwa dan fẹfẹẹfẹ.

Job 14:4

Emwi ọkpa ne ọ huanrẹn, ne ọ gha sẹtin ke uwu emwi ne ọ gbe iruẹn zẹ vbene ọmwa nagbọn ye rre, ẹ i rrọọ.

Job 15:16

Ọmwa nagbọn ghi gha si ọkhọ wọn zẹ vbe amẹ, ẹn, te ọmwa kẹkẹ ua, te ọ wa ku ogboi.

Psalm 119:176

I gha bibi yo bibi rre, zẹ vbe ohuan ne ọ wiri, rhunmwuda ọnii, do gualọ mwẹ, mẹ ne ọguọmwadia ruẹ rhunmwuda, I ma fi iyeke gbe uhi ruẹ.

Psalm 14:1

Avbe akpa ye ekhọe tae wẹẹ, “Osanobua i rrọ.” Iran hia kẹkẹ ua, iran vbe ru emwi ne ọ mu ohan ọkpa ne ọ ru emwi ẹse i rrọ.

Psalm 143:2

Ghẹ danmwẹ imẹ ne ọguọmwadia ruẹ ghe; a i miẹn ọmwa ne ọ fo na vbe odaro ruẹ.

Psalm 38:5

Ẹtẹ mwẹ wia, ọ vbe kẹkẹ ua rhunmwuda ukọnmwẹ mwẹ.

Psalm 58:3

Emwi dan, ọ re avbe emwa dan, wa ya ẹdagbọn iran hia ru. Ẹdẹ ne a biẹ iran, ọ re iran ke ta ohoghe.

Ẹksọdọs 12:30

Vbe asọn nii ọba Igipt ke ẹe kevbe ekhaẹmwẹ ọnrẹn kevbe ivbi Igipt hia keghi gua kpao vbe asọn nii, eve keghi gba ehe hia vbe Igipt, rhunmwuda a ma miẹn owa ọkpa ne ọmọ okpia ma na wu.

Ẹksọdọs 8:31

E Nọyaẹnmwa keghi ru vbene Mosis nọ rẹn. Avbe ikian keghi sẹ ẹe rae ke ẹe kevbe ekhaẹmwẹ ọnrẹn kevbe emwa rẹn, ikian ọkpa ma ghi vbe ke ẹe.

Asan-Ibo 7:20

Orhiọnkpa i rre agbọn na ne ọ wa ru emwi ẹse khian ne ẹ i vbe mwẹ abakuru.

Asan-Ibo 7:29

Emwiọkpa ne I miẹn ruẹ ọ re ọna khin wẹ te Osanobua yi ima fiain, sokpan ma keghi ye egbe ima khian khiẹnkhiẹnkhiẹn.

Aizaia 53:6

Ma hia fẹẹrẹ keghi yevbe ohuan ni wiri dọmwadẹ ọghọe kegha khian ọghọe khian. Sokpan e Nọyaẹnmwa keghi kun oya ni yan rẹn oya ne ọ te khẹ ke ima hia.

Aizaia 64:6

Te ima hia wa vuọn ne orukhọ, uhin ighẹ uyinmwẹ ne ọ ghi maa sẹẹ, iku kevbe ẹkẹkhẹrhẹ nọ. Rhunmwuda orukhọ mwa, te ima ghi yevbe ebe ne ọ kakae ne ẹhoho hohoo kua.

Jerimaia 2:13

rhunmwuda orukhọ eva ọ re emwa mwẹ ru: iran fi iyeke gbe mwẹ, mẹ ne uhunmwu ẹzẹ amẹ ne ọ furre, iran keghi ya gha fian ivbi uhae, uhae ni halọe, ne ẹ i vbe sẹtin rrọ amẹ hiehiere.

Ezikiẹl 36:25

I gha miẹn amẹ afọ yan uwa, awua ẹbọ ghi lahin uwa egbe rre, deba avbe emwi ọvbehe hia ne ọ te mu awua ye uwa egbe.

Ebe ne Pọl gbẹẹn gie emwa Rom 3:23

Rhunmwuda, emwa hia ru orukhọ nẹ, iran keghi vbe khian rrei ne uyi imiẹnfan Osanobua.

I Kọrinti 6:5

Wa gie ekhue gha mu uwa! Ẹ i mwẹ a ma miẹn ọmwa ọkpa ne ọ waan vbe uwu uwa, ne ogha sẹtin bu ohiẹn etẹn eva ni muan ẹmwẹ.

II Kọrinti 7:1

Emwi na hia ọre a ve ima ẹre, wa ne ọse mwẹ ni ghan. Rhunmwuda ọnii, wa gie ima khuẹ egbe mwa huan hin emwi ne ọ sẹtin ye egbe ra orhiọn khian ne ọ ma huan, wa gie ima hia ne ima gha re ne ọ huanrẹn fẹẹrẹ, vbe ekpa ne ima gha na gha rrọọ vbe a mu ohan Osanobua.

Ẹfisọs 2:3

Vbe ẹmwata, vbene iran ye ọre ima hia te ka gha ye, ma na wa gha ru vbene ikinnegbe mwa wa hoo, ma na gha ru emwikemwi ne egbe kevbe ekhọe mwa ghi ho. Zẹ vbene emwa nekpa hia gha ye, ma kegha re emwa ne a yi ẹre ama wẹ, ọ gha rri oya vbe obọ izohu Osanobua.

Diuteronomi 1:35

‘Wa ne orre dan na, ọkpa vbe uwu uwa ne ọ gha la otọ ne ọ ma emwi okọ ne I ve avbe erha uwa odede ẹre, ẹ i rrọọ.